ياما رسايل بكت منها عناوين

يالربع لا حد يواخذني تروني مداوم بالليل والليل هواجيسه كثيره
واقبلوها بعلاتها ! ضعف القصيده من جانب وكرمكم من جانب
وانا متأكد ان كرمكم سيتفوق على ضعفها

أنا تراني مسافر بعد يومين=ومن قبل يومين ما جاني رساله
ما تدري انك معي في داخل العين؟=رفيق قلبي بحلًه وأرتحاله؟
ان جيتني ما حسدت المستريحين=وان رحت بحر الحزن ضمًيت جاله
ياما رسايل بكت منها عناوين=وياما عشانك بكا قلبي لحاله
الصدً طعنات لقلوب المحبين=والهجروالبعد تخنقني حباله
تذكر حلو ؟ قلت لا عينيك حلوين=تذكر تعابير وجهي وأنفعاله؟
للحين في مسمعي يا دب يا شين=للحين ضحكاته تعانق هباله
واليوم قلبي وأنا صرنا مساكين=ياصبر قلبي عليك وطول باله
لو جيت والناس من حولك ملايين=ترى عيوني تشوف أسمك لحاله
حولي فراشات وورود وبساتين=وغصن وارف يضللني ضلاله
لكن تراني حبيب وطيب وزين=وأرتاح للشخص قبل أعرف جماله
خذ هاك قلبي أبيك تعاقبه لين=يومن بربًه ويومن بالرساله
من قال له يجرحك يا داعج العين=حتى بكلمه ! يفكًرها سهاله؟
انا من أمس الصباح الين ذلحين=محتار ما بين فكري وأنشغاله
آخر هداياك جتني قبل يومين=شربت من حرفها حتى الثماله