غرسة الحنضله ماهي كما الاناناس

البدع:علي السبيه=
.=
غرسة الحنضله ماهي كما الاناناس=
مايجي بالفوايد من ضري بالنعاس=
والدني ماربح يعقب ويهبى وخاس=
تلّوه اهل الدنا واغديته ابكم خراس=
استلمته وتاهت منه كل الحواس=
واغتصبته ودسته تحت رجلي مداس=
واكسر عينه وادوفه وافترسه افتراس=
فاسد احمق ولا ياعي علومه كداس=
من يعين الضعيفه زاد همه وجاس=
ابنلبّسه شيله وابنزيد الحباس=
مفلس ياخذ من اعلام الحماقه اقتباس=
ابنثبّت عليه المنقله وابنشدّه=
والديره اللي لفى منها يعوّد لها=
.=
.=
الرد:علي السبيه=
.=
كم من الهند جانا سايحه عبر ناس=
وانا لو قلت اعس الهيل والبن عاس=
الغدير استولته الطحالب وخاس=
كنه عوّد زمان المنقده والخراس=
وانا فرّقت ضربات الجزاء والتماس=
ماربح من يحوس الطين بيده حواس=
والواضح للبصر ماهو كما اللي مداس=
وعقول الغباء ماضن فيها افتراس=
تحسبون الصفا الصوان مثل الكداس=
ياللي يتجسّسون على الخلايق جساس=
مامكان الحرامي الا السجن والحباس=
والفحمه خامده ماضن فيها اقتباس=
يا ورع من صياحك والعبث مابنشده=
جيتنا احمق وترجع مرتبش وادلها=