أجمل بيت شعر ( للجميع )

بالعلم والعقل لا بالمال والذهب** يزداد رفع الفتى قدراً بلا طلب

بعض البشر تقلب معاني الكلمه.= تاتي من اقصاها جهل تنهاني
قالوا ترى المعنى ببطن الشاعر = والشاعر ان فسر حروفه جاني
خطيت بحروف الذهب واللولو = حرف اعربي ما هو ترى اسباني
ماني( رجل ) أكتب وأمدٌح طيري=و لاني ادور بالقصيد احساني
بنتً عطاها لله شعورً مترف = ربي حبيبي أبدع و سواني
كاني خطيت بكلمتي مسئوله .= ماني صغيره في ذرى شيباني
والحين وضحت الامر يا هذا = اسلم وسلم واستلم قيفاني

اعجبتني مشاركة الأخت بدويه الاخيره وحبيت أجاريها
ان استطعت وان سمحت لي الأخت الكريمه بدويه

ياليت حرف الشعر ما يعصاني=ياللي على شانه سرجت حصاني
اللي نعتنا بالجهل حيا به=جرحه قديم وزاد جرحٍٍ ثاني
مانيب فاهم في لغات العالم=اللي بها يتفاخر البدواني
أنا ترا مسكين وعلى قدي= وآشوف كل الناس مثل أخواني
ماهو (جهل) لكن بغيت أستفسر=بعض الكتب ما جا لها عنواني
(هذا ) كبيره( يالشعور المترف)=كلام فاقد بُعده الأنساني
توضيح لا هان الشعر والمعنى=(هذا ) ترى عبدالله الزهراني

اللي سرق يحسب إنه ما احد شافه=وقبّح أعذاره أكبر من قبح فعله
سرق جنيه الذهب من عند صرّافه=وعشان يخفي الجريمة غيّر القبلة

صح اللسانك الهجير ملايييييييييين

لكن الابيات مب لي لكن المعاني تعنيني وتشرح شي في الخاطر

يعني المشكله ماهي بشكل الحضور=زادت المشكله من بعد كشف الغطا
لكن الذنب اكبر من مجرد شعـور=جاد جرح التجافي عقب هاك العطا

نعيبُ زماننا و العيبُ فينا

وما لزماننا عيبٌ سوانا

و نهجو ذا الزمان َ بلا ذنوب ٍ

ولو نطق الزمانُ إذاً لهجانا

ياعظيمه كل شي وله حدود وله نهايه=لكن أنتي ما وقفتي عند حدك ياعظيمه
أستلذيتي بطعناتي واخذتيهاهوايه=كن مالك حربة(ن)توجع وطعنات(ن) أليمه

سولفوا تكفون لا عاد تسكتون ..
. . قبل لا أهوجس وياتيني بلاي


السكات يزود طعوني طعون ..
.. وتنكسر لا جا على راسي عصاي


سولفوا لو ما بغيتوا اتسولفون ..
.. قبل لا اقعد في الحزن رايح .. وجاي


واضحكوا لو بالعماله تضحكون ..
.. وجاملوني لو يضايقكم حكاي


لي وليفٍ راح جعله ما يهون ..
.. هو دواي وداي .. أو داي ودواي


راح لكن طيف زوله في العيون ..
. . مرةٍ قدامي ومرة وراي


وإن سكتوا جا وهو طيفه يمون ..
. . رحت أهوجس له وأبين له ولاي


مكسب عيوني من الفرقا مزووون ..
. . تمطر لطاريه .. والبرق ؟ أصدقاي


كل ما طروه لو هم يمزحون ..
.. احرموني من غداي ومن عشاي

ليت {المرض} فيني ولا فيك
ما أتحمل يا وليدي أسمعك تقول الآه
ماا بيدي شي أسويه عشان
أخفف عليك غير {أدعي ربي} إنه يشفيك