ابن الجنوب والبواردي وعلي السبيه

المشاركة الأصلية كتبت بواسطة شاعر المعنى

صحت السنتكم ياشعار

صح بدنك ياشاعرالمعنى

البدع:

أنا بين الناس مهموم قلبي ماسلي
أهلي وصّوني وكني غشيم ولا وصيت
ادري إن الروح تاثم وبعد الاثم تأجر
يالله ابعدنا عن اهل الرذايل والدّنا

الله الله يابن الجنوب كلام اغلى من الذهب والالماس


الرد من بواردي


المدير يقول هات الذهب والماس لي
وابيجي لك تاج ووسام ونجوم(ن) وصيت
وانا ما ولفتها الا عشان اسير تاجر
لاوالله ما ودنا بالفقرما ودنا

البدع:علي السبيه=
.=
انا ماخذت العلوم الرديه شيغلي=
من يمر على حدود المقابر مار ميت=
والطريق الملتوي مايطمّن للمعابر=
والمدايح والمثايل تجي من صوبنا=

طيب ياخيه صح لسانك

الرد من بواردي

فالبنادق ياعلي شي رخيص وشي غلي=
وانا لو ما خذت غالي البنادق ما رميت=
شغل بلجيكي قصابه جديدة والمعابر=
انتظر كم من هدف طايح(ن) من صوبنا=

طيب طيب

البدع:

يابحر ماينقصونك بغرب(ن)وبدلي
والله إنك ماترد السواعي وشنويت
الحذر تتلقى الأمواج ياوجه المسافر
لاصفق موج البحر لانضيّع شرعنا

صح لسانك يابن الجنوب ملايين انت وعلي السبيه


الرد من بواردي

انا ودي ابدي معك فالمواقف وابد لي=
وان تعاهدنا فلا عد تقل لي وش نويت=
الله يكفي الشر وغير الوجهه المسافر=
عند ناس(ن) شرعهم ما يوافق شرعنا=

عوافي ياربعي وصحت السنتكم وابدانكم يامعلمين القصايد وحاكمين المعنى
وانا ترى اشتغل باالديزل يبغى لي وقت لين احمى والمعرفه من اول ماجار
خيرها لكن على مهالكم بيه لاتستعجلون عليه

البدع:علي السبيه=
.=
انتها عهد الفرنجه وعهد البابلي=
وانا متربي على عهد ابوي وجد ربيت=
كم معلول(ن) يمسي الليل يتونن وزافر=
لوز ديرتنا مقفي وقفى البابنا=

طيب ياسبيه تتهزا لاكن الدهن في العتاقي

الرد من بواردي

ياهل هذا الوقت ما تفتحون الباب لي=
سويتم حوش(ن) وباب الحديد وجدر بيت=
واما انحن قدام وابيوتنا سقف (ن) وزافر=
لكن لا جاء ضيفنا ما نقفل بابنا=

يا سلام يا سلام

والله يهولكم

كلام كبار الله يعطيكم العافيه