انتبهوا للعششه

حياك الله اخي النقد الهادف الان اعجني معرفك واذا في راسك تواصل القارعه انا هاهنا قاعدون ماشي ولا زحمه (القصايد والمه والمطبعه تصرف ورق ورق)

تم تغيير المعرف بناء على طلب الشاعر
والشاعر قصده لفت الانظار وبالفعل نجح في لفت انظاركم وانظارنا جميعا باخلاقه العالية وصراحته ونقده الرائع .. النقد الهادف هو الوسيلة الصحيحة للارتقاء ..

الاخوه الاعزاء شكرا لما سطرت اناملكم 0تحت رغبتكم غيرت المعرف مبيد الحشرات سابقا الى النقد الهادف
جار الله الخامس 0قبل ان تقول قصيدتك القادمه امل ان تشرح معنى تراب في البدع لاني ما استوعبتها واذا كانت غير صحيحه اومعسوفه عسف مخل اسمح لي لن احاورك
استلم
البدع
مفروض بو زيد ما يطلع له الاذياب
فرسان تعرف متى تنهي وتبدا الحروب
ماهوب خيال مايدري على من يغير
تركت له في الحياه فرصه ولا عاشها
الرد
يا مسرعك ياجبل من ثلج تصبح ذياب
وانا حزامي لساني ما شحذت الحروب
لا فاضت الروح لا يمكن تغير بغير
والجثه الهامده ما ينفع انعاشها

طيب طيب
صح لسانك ننتظر جارالله الخامس ومتابعين ولو تكبر الخط شويه يالنقد الهادف يكون احسن

مفروض بو زيد ما يطلع له الاذياب

قمة الروعه صحت الالسن وتعافت الابدان وااااصلوا ونحن متابعين لكم بكل شوق

مااعاد يمديني اسوي معاك انتداب=
مادمت ابو زيد تتجبر وتحتد روب=
انته في ارضك وانا متواجدن في عسير=
وبيننا قارعه وقريت حناشها=
-----------------------------------------

مدري انت عايش مع العربان والا انت داب=
الله يامكثر الحيات تحت الدروب=
ادعيك يارب توقينا المكان العسير=
وتصد عن ديرتن وقريت حناشها=

الاخ جار الله وفقك الله ومنحك الصحه والعافيه 0انا اعرف ان لك سمعتك في المنتدى ولك قصائد جميله0لكن لا تستهبلني انا طلبت منك سابقا تفسير كلمة تراب في البدع وطنشت الموضوع وبدعك الجديد على عيني وراسي ولكن مامعنى تتجبر وتحتد روب0ارجو ان توضح او نطلع من الموضوع الشعر ليس قران حاشا وكلا لكن اين تكون المحاوره اذا كنا نقول كلام ما نعرف معناه وسلامتك يا النشمي0

لا نطلع من المحاوره اذا بتجلس تسال عن كلمات والله انها عاديه ولا تحتاج تفسير ولكن خذ هذي ونقول في امان الكريم... موفق
----------------------------------------------------------------------------------------------------------

الحمد لله نحدا القوم عند العتاب=
ولي مكانه مع اهل الفايده ومحسوب=
بااقول لك حكمتن قد سجلت من عصير=
وزارة الكهربه ماينخفى فيشها=
--------------------------------------------------
والله اني اخاف يلحقني من اهلي عتاب=
يقلون لي لا تقول الا المدح وامح سوب=
ماابغاك يايوم تحداني في المنع اصير=
واسبايبي ظلمتن طارت خفافيشها=

الله يامكثـر الحيـات تحـت الــدروب

صحت ألسنتكم يا النشاما .. لاهنتم

تقبلوا مروري

النقد الهادف اسم على مسمى احسنت الاختياريالغالي لاهنت
كلامك درر وتعي متقول بيض الله وجهك

جارالله الخامس لاهنت يالنشمي على ابداعك بيض الله وجهك