ياشينها لاصرت معجب وخجلان

ياشينها لا صرت معجب و ( خجلان )
خوف المصارح لا يجيب المطمّه
اخاف اصارح بالغلا ( ذاك الإنسان )
و ينقلب ( جوو المصارح مذمّه )
ويا شينها لا صرت مغرم و ( زعلان )
محد ٍ يراضي قلبك و ( محد يمّه)
وان رحت محد ٍ قال لك: (وين يافلان)؟
روحتك مع جيّتك .. ماهي مهمّه

ويا شينها لا صرت عايش بحرمان.
مثل اليتيم اللي فقد شوفة أمّه
ماخوذ حقّه وانظلم شوف الأعيان
واللي اظلموه (عيال لحمه و دمّه )
ويا شين صاحب دربك(ان صار ثعبان)
لا هو تركك و لا نفث فيك سمّه
كنّا خويّا وانتسمّى بالأخوان
واليوم أسمه بأخبث الناس سمّه
ويا شينها لا صرت ناجح و ندمان
وصلت قمّه ( وغيرك بآعلى قمّه )
مثل الإمام ..العالم بفقْه الأديان
يومه نجح .. والكل صاروا ( أأمّه )
ويا شينها لا صرت تايه وحيران
وسط الطريق .. و باقي ٍ فيك همّه
ما فيه ضدّك لا دلايل وبرهاان
ودخّان نارك مستحيل ٍ تشمّه
ويا شينها لا صرت من روس الاعيان
ثم تنقلب في نظرة الناس رمّه
ويلااااه يا وقت ٍ نوى لي بعصيااان
أثر الزمن يا ناس ما فيه ذمّه
ويا شين طرد المقفْي لو كنت ولهان
ياخذه شيطان الغرور و يخمّه
يظن انّك هايم ٍ به وشفقااان
ما يدري انّه لو فطس ... ما تهمّه
ومااشين من معاشر قليلين الإيمان
درب الهداية .. لا .. أبد ... ما تتمّه
الخلْق سجن وصاحبك فيه سجّان
والعلم خال العز .... ( والجود عمّه )
ويا شينها .. أصلا بقى شي ما شان ..؟
هذي الليالي طبعها مدلهمّه
الشين والله شين غالين الأثماان
لا قام كل ٍ رافع ٍ فوق فمّه
( ويا زينها ) لا صرت لاهي و طربان
وحبل القصايد يرتجيك و تلمّه
يا ليل دانه .. ليل دانه .. لا لا .. دان
ما فيه ثوب ٍ يستر أطراف كمّه
يا زينها لا صرت معجب و خجلان
تنثر علومك لو تجيب المطمّه
تحياتي لكم

اي والله

الله يعطيك العافيه

الله الله على الشعر واهل الشعر قصيده اكثر من راااااااااااااااائعه
ونشكرك جزيل الشكر على اتحافنا بهذه الدُّره الثمينه يا بنات عتيبه

ابياات روووووووعه يابنات عتيبه

تسلمي على هيك اختياااااااااااار

يعطيك العاااااااافيه .....العلم السعوددي

قصيدة تحكي حالنا أحياناً...!
تسلمين بنات عتيبة
مساكين أهل القلوب المشافيق
لكي مني كل الود
آمير الكونميه ميــــه

ويا شين صاحب دربك(ان صار ثعبان)
لا هو تركك و لا نفث فيك سمّه

سلمت الانامل على النقل وسلم الذوق على الاختيار
مااروع الكلامات وما اوضحهها صحيح الزمن هذا فيه كل ماتعنيه هذه القصيده
تقبلي مروري وتحياتي

تسلموووووووووووووووووووووووووون

ابيات رائعه تسلمي يابنات عتيبه

أناااااا أشــــــــــــــــــهد يااااا شينها بقوه