~¤®§ قصائد مشتركه لشعراء رباع ~¤®§

القصيده الاولى لشعراء رباع
اشترك في هذه القصيده كلاً من
ترانيم المطر والهجير وشدا الشامي

سلام يا ربعن لهم عندنا شان = وكلن على قدره نعزه ونغليه
في مدحكم لا شك مانيب غلطان = والأّ ردي النفس وش حاجتي فيه
أنتم هل الصولات في كل ميدان = من اول ايام الزمن لين تاليه
وانتم هل الطولات يا عز زهران = رجالكم بالمرجله من يساويه
لا صار للميدان خيل (ن) وفرسان = باب الشجاعه كل واحد يعديه
وإن صار لاهل الجود منزل وعنوان= باب الكرم كلن يزوره ويعنيه
وما شفت مثل الشيخ ابو عادل انسان = اللي على الطولات ربي يجازيه
خيره كما مزنن على الناس هتان = يا حيّ ابو عادل ويا حي طاريه
شيخن براسه للشيم قدر وامكان =واليا كتبنا أبياتنا ما توفيه
اما يكون الشيخ مثله وله شان = والاّ حرام انا نعده ونغليه

والا ديوتو اخر تقبلوا من التحيه أغلاها
ودمتم بود

كبار
وكلام كبار
..
ابداع,وروعه...يعطيكم العافيه
نقلة نوعيه في نوعية المواضيع في هذا القسم...
تسلمي ترانيم ويسلمون الاخوان الهجير وشدا الشامي

القدير سمّار نورت الموضوع بمرورك العذب
لك من التحيه أغلاها
ودمت بود
ترانيم

رائع وجميل ، سلمت يداك ،

الشااااااااااااعر القدير حسن الزهراني
سلمت على مرورك الراقي
ولا هان مغليك
تقبلي من التحيه أغلاها ودمت بود
ترانيم

القصيده الثانيه بمشاركة كلاً من
الشاعر شذى الشامي والشاعر سمّار والشاعر عاشق المها وترانيم المطر
الى قصيده اخرى اترككم برعاية الرحمن

قالت احبك قلت يا ليـت يـا لـوّ=قالت نسيتك قلت بالسرعـه هـذي
عز الله إني كنت داخل معـك جـوّ=وعز الله انك غايتـي يـا مـلاذي
شوفي عيوني لا تقوليـن لـي قـوّ=قلبي رهينك مـا نظـر للمحـاذي
برقك برق وبداخلي صـادق النـوّ=وامطر على جرحي براد الـرذاذي
وش فيك عجلا وقتنـا دوبنـا تـوّ=بارويك حبّ وعشق مالـه نفـاذي
لاتطلب الفرقا علـى قلبـي اتـروّ=فرقاك لا يرضـا بهـا ذا ولا ذي
في قربكم يا زيـن دنيـاي تحلـوّ=عن حبكم ما اتـوب والله معـاذي
حبك منـوّر دنيتـي كنـه الضـوّ=ميزك ربي عن جميـع الشـواذي
أمر على متْريد واللـي تبـي سـوّ=يصعب على اللي حب يجرح وياذي
لو باب شيطانك فتحتيـه فـي لـوّ=الفرق واضح بيـن هـذا وهـذي

تقبلوا من التحيه أغلاها ودمتم بود
تراااااااااااااااانيم

صحت السنتكم وبيض الله وجيهكم وما قصرتم ونحن متابعون ووورد

الشاعر القدير الدكتور ليل الوعد
تواجدك المميز أسعدني
تقبل تحيتي وتقديري
ترانيم

وهاهو الابداع الرابع
وكانت البدايه الموفقه أتت من
شاعرنا المميز الهجير
ثم يليه
ترانيم المطر
ثم أتى الشاعر المبدع بن هندي وسطر أروح الابيات
ثم ألبسها الشاعر صوت بداد حلة التميز
ثم كانت القفله المميز من الشاعر المميز
الهجير
أشكر جميع من شارك والى مشاركات جديده اترككم برعاية الرحمن
تحياتي ترانيم

إلى متـى تتنفـس أرواح المحبيـن الكـلام=والى متى تتنفـس أرواح البساتيـن العطـر
ليه الجفا يسقي جذور الحب وأشواقي غمـام=وليه المساء ما يرحم اللي واصلن حد الخطر
وكيف المحبه تنتهى والقلـب يمـلاه الغـرام=وكيف العيون الناعسه نامت على قطرة مطـر
ومن دون ما ندري نصبنا بالحنايا لـه خيـام=الناس تعشق ما تقول وتكتبه باول سطر
وأنا عشقت الزين غصب وعشقنا مابه ملام= أرفع شعارات الوصل لو كان قلبي منفطر
ياقمري الأشجان قمْ غـرّد ورفـرف ياحمـام=واصدح وسمعني تغاريدك مع رش القطر
الجو رايق والزهر ميّل مع نثر الغمام=وانته ترانيمك ولا اروع وغيرك ماخطر
من توه النظره وضيع خطوته وسط الزحام=لو هو سلم ضيق الخلايق ما سلم ضيق الصدر
نفس السؤال الى متى والجفن يرفض لا ينام=والى متى وانا أشرب الآهات وأتنفس كدر
المشكله ماهيب في موت الفرح والإبتسام=المشكله في العالم اللي موَتو روح الشعر

نشكرك ترانيم على هذا الجهد المميز الله يعطيك العافيه لك مني كل ود ودمتي بود