لاتلوم

لاتلوم الجاذبيه لاغدا قلبك حطام=طاح من بين الضلوع ومزقته الادميه
القلم مرفوع عنكم ماعلى العاشق ملام=والخطا والعمد واحد ماعلى العشاق ديه
ماتهنا باالحلال ولا اكتفا ذنب الحرام=ولاخذا باقي جزاه ولاسلم شر الاذيه
مادريت ان المحبه موتها راس السهام=تطعن القلب التقي وتعكّر الروح النقيه
من دخل دنيا المحبه لاهيا قلبه يضام=روح تبريها الهموم وروح تخطفها المنيه
والذي حضه وقف له في جلوسه والقيام=كلها ايام تعود في هموم وحزنويه
المحبه باالرضا ماهي بعند ولا خصام=وانها ماتصلح الا للقلوب السمحيه
والقلوب اللي تتوّه في دهاليز الضلام=ماترى نور الكواكب والنجوم اللي مضيه
البشر تحيا وتفنا وان لله الدوام=ليت راع الحب يحذر قبل يسقط في الخطيه
يسقطون التكلفه مابينهم والاحترام=المهم ان السمي يبلغ مراده من سميه
وين تلقا حب صافي من طوابير الزحام=شال قلبه في يده واعطاه محبوبه هديه
اتجه للغرب والا حول ادروبك للشام=وابتشوف اهل الطرب واهل القلوب المونسيه
وان تعدتك الوقوت الطيبه والنجم طام=واشتكيت من الحظوظ الخايبه والعثريه
ادخل المسجد وصف مع البشر خلف الامام=وادع ربك في سجودك ينتزع ماالقلب غيه
غير لوجا للمشاعر داخل القلب احتدام=تطحنه طحن الرحاه حتين مايلقا المنيه
من يعزي قلب حي(ن)مات حسه من عوام=ومن يرد الوقت الاول والسنين اللي قضيه
انطفت نار الوجار وطاحت عمدان الخيام=بعد ماقالو البديوي شال في جيبه هويه

قصيده رائعه جدا
أنت شاعر لم يأخذ ولو جزء بسيط من حقه
تقبل مروري المتواضع
أختك خيال طفله

اقتباس : المشاركة الأصلية كتبت بواسطة خيال طفله [ مشاهدة المشاركة ]

قصيده رائعه جدا أنت شاعر لم يأخذ ولو جزء بسيط من حقه تقبل مروري المتواضع أختك خيال طفله

.................................................. ..........................................
الله يحفضك ياخيال طفله واشكرك على مرورك الرائع
وتعليقك الراقي وانا يكفيني مثل هذا المرور الانيق
لك مني خالص الشكروالتقدير

صح لسانك وبارك الله فيك

انطفت نار الوجار وطاحت عمـدان الخيـام
بعد ماقالو البديوي شال فـي جيبـه هويـه
[والله انها قصيدة ممتازه والله يعطيك العافية على هذه الأبيات ومشكو شـكــ وبارك الله فيك ـــرا لك ... لك مني أجمل تحية . و كل الشكر

صح لسانك يا ابو طلال

والله اني لافتقدتك ياصاحبي الله يرجعك لنا سالم غانم

الصاحب اللي شد وقفة مطاياه
مايدري انه حط جو في حرايق