جوال وصور ورسالتين

الصبر زين ! الا عذاب وهم ويش الصبر زيـن=الا أغتشى الكون السواد وصـارت الدنيـا قبـر
يـارب يامعبـود يالله يامعـيـن الصابـريـن=تلهمني السلوان فـي بعـده وتلهمنـي الصبـر
لو طاوعك قلبـك تخلينـي وتتركنـي حزيـن=يصير قلبي غصن يتغذى علـى ضيقـة صـدر
أنـا قسـم بالله ماتحمًـل غيابـك ساعتـيـن=شف عاد لو طول غيابك ياحبيبـي عـن شهـر
المسأله ماهـي بـراءة وجـه ونعومـة يديـن=ولاهي شفاه ولين عود ورمش وعيون وشعـر
المسألـه ماهيـب جـوال وصـور ورسالتيـن=رغم ان صدري في غيابك ما نسى بوح الصـور
المسأله زفـرات يتعـذب بهـا صـدر السنيـن=تبكي لهـا أشواقـه وتذبـل وردتينـه لا زفـر
للحين وكفوفـي بذكـرى سالفـة رقـه وليـن=اللي كتبها كفك الدافـي علـى طـاري السفـر
أحس في صدري شجن مادري حزن مادري ونين=او كلها بس خفت لا تحـزن وحبيـت أختصـر
الصبر زين ! الكلمه اللي عذبت صـدر السنيـن=آخاف لو طول غيابـك يختفـي بـوح الصـور