علي السبيه+خميس السبيه

قصايد بيني وبين اخي الكبير خميس السبيه
وهو شاعر استفدت منه الكثير في عالم الشعر
البدع\علي السبيه
لا عاد تناول علي بيدك ورا سم لقمان
والروح تنعش ولا تهدى ولا طفة انعاش
ولا تسوي لنا بعد المحبه تهامه
والهجره لازم تبين وردها من صدرها
الرد\خميس السبيه
والله ماعيني ابني بيت راس ام لقمان
ولا ابتني في شفا حزنه ولاطفة انعاش
اخاف لو طحت ماعد نوقع الا تهامه
والناس يقلون لي وش قرَبه من صدرها

البدع\علي السبيه
يالله يالله ياللي مالنا رب غيره
اسبل علينا النعم والعافيه والعوافي
وانا ادري ان القدر للناس صارم وحصَاد
وفي جهنم سلاسل ماتلامس قويه
والعاقبه ماتتم الا على منذراها
الرد\خميس السبيه
الله يسقي زمانك يالبلاد البغيره
كانت مدوح العرب لهل البلاد العوافي
في كل وادي تشوف الناس صارم وحصَاد
واليوم لا عثري يزرع ولا مسقويه
ماعد معك غير تعبة صدر يامن ذراها

البدع\علي السبيه
ودي اشب العيون الجواحد واقتص ايد
وانا مابنصا هل البخل وانصي دلخ لا
ليش ماتقرى نصوص الكتب يامن تقا ألنص
ما بتفهمك القلوب المعاق الناصته
الرد\خميس السبيه
المغفل يحسب العام كله وقت صيد
وانت لك وقتً في العام باصيد الخلا
انت خذ عدَه وشدَه معك يامن تقنص
مايجي تلمح لصيدً مع قنَاصته

البدع\علي السبيه
لا تختلف عن مناهيج الادب وقت ال دَاب
والى دعيناك بسمن طيبن سمنا به
والسيف يقصم ولا يفتر ولا مل قصمات
من طول الغيبه ينسوه العرب من حواياه
ياكم نهينا الذي جاهل وهو ماتمنها
الرد\خميس السبيه
الداب لاتامنه خذ لك عصا واقتل الداب
كم واحدن بات تحت الحد من سم نابه
ولا تلوم الذي هاب الحبل من لقص مات
لاتندر الوادي اللي خايفن من حواياه
اللي من الناس يامن سمها مات منها

البد\علي السبيه
للشاعر اللي مخاوي مافي القلب طاقه
وشاعر المعرفه بيني وبينه سجلات
وبين هذا وهذا تختلف كل الاحوال
واللي يصلي صلاة الفرض ياكم بيوتر
واللي رسم بالقلم والحبر ماغيَ رسمه
الرد\خميس السبيه
مايثبت ابن ادمي ذا الوقت غير البطاقه
يدون اسمه بصوره ثابته في سجلات
وبعد مده تمر الداخليه ولاحوال
والصوره واسمه مع العنوان في الكمبيوتر
والله ماضيع الصوره ولا غير اسمه

البدع\علي السبيه
الناس يثنون قول الحق وكمح الديانا
وضاق باب الحرم باالحج واعلى منى ضيق
لوترهي اعلامنا تبقى علامك رهيات
والبحر تغشى به الامواج ويود غشاش
مالي على امواجها حيله و لا مقدريه
الرد\خميس السبيه
لاضقت قالو لي اصبر قلت كم حدى انا
على من ارضا من الاصحاب وعلى من اضيق
والله اني اضحك واجاملهم على مكرهيات
واللي نوده يقول انك مع الود غشاش
ماعد لنا عندهم حشمه ولا مقدريه

البدع\علي السبيه
مايهدَ اجسادنا الا كما شرَ الجدر
فاانه للاجساد الى صابها شلالها
تمم الاقدام عن كل بير القل تماه
وين غارت بك نجوم العشيه ياغوير
والحامي وقت الطلب جاهزن ماابا حمايه
والغرض لا صار في سوقنا عمن بعه
الرد\خميس السبيه
منبع الماء والمناضر تراها في جدر
فاانها طول السنه ما وقف شلالها
والمحيط الاطلسي كن بير القلت ماه
له عيونن نابعه في وسط قاعن غوير
الله وش ذالير طول السنه ماباح مايه
والجن اللي تحرسه مادرت عن منبعه

البدع\علي السبيه
ياصاحب المنزل اترك باب فاتح ولح باب
وميز اهل القلوب اللي غليظه ولاحلام
القا التمر زان في روس النخل والبلح زان
ويجتنونه من اغصانه ولا يهجرونه
الرد\خميس السبيه
ايامنا باعدتنا ع القرابه والاحباب
والله اني اشتاق وابغا شوفهم لو بالاحلام
والغربه طالت علينا واتعبتنا بالاحزان
يابخت من حبه اصحابه ولا يهجرونه

البدع\علي السبيه
ماعين كف الحرامي تنتهي لى لتلع ايد
ياكم لي انهلت اغصان الثمر لي لهاليل
ياليتني المخرج اللي لف يدً مع يد
واعيد لك مشهد القاتل واعيد الضحيه
الرد\خميس السبيه
سبحان من زينك بالفرحه ياليت العيد
من بين كل الليالي ياعلي ليلها ليل
في كل عامً تشوف الناس عيد و معايد
تفرح بعيد الفطر لا جا وعيد الضحيه
البد\علي السبيه
ليتك تحفظ مانقوله وتفهم يوم اعيد
من ورود اهل المواريد ومن العايدين
تقصر الايدي وكلن في المنعا دع ايدك
ادع لي قدام نرفظه واعي ادع لي
الرد\خميس السبيه
يوم الاثنين اعرفه والثلاثا يوم عيد
يالله اجعلنا مصلين ومن العايدين
يوم شفت الناس كلن يقل لك عاد عيدك
قلت بااركب طايرة ميج واعيد علي

البدع\علي السبيه
كان نهر النيل ماينشرب ساع البريد
ونهر دجله والفرات سال منها المر سلين
دك قانون اهل الظلم الاكبر من بري دك
كنه يتسلل لنا الويل والمر ساللي
الرد\خميس السبيه
بشرني عن ذا المراسيل ياساع ابريد
قل لي من فين المراسيل ومن المرسلين
والله اني منتضر لي رساله من بريك
يمكن المحبوب مشتاق والمرسال لي

البدع\علي السبيه
خميس وهو فقران مايلمح الا من طرف
وش عاد لو ظلا غنين على ماله لزوم
من يوم سوى مزرعن عاد مايلمح لنا
مايدري انه قد عمر مزرعه في مال ابي
الرد\خميس السبيه
اشره على اللي لا اندر السوق يشري من طرف
ويشري اللي عند بعض التجر ماله لزوم
والله مايشريك ولد الخطل يا محلنا
بعض الحجاره لو وطيته برجلي مال بي

البدع\علي السبيه
يابوزياد الى اغتنمت الفرص راع الغنم
من يهبشون من الغنايم تردد هابشون
والى جبلت العلم والمعرفه روس الجبال
وفرَق احكام القضاء والمحرم والحلال
تسري تقلَ اقدامك الواهنه واسر احبها
الرد\خميس السبيه
كلن تريح وانت مشغول ياراع الغنم
ماغير عن حق الخلايق ترددها بشون
في قيض ولا في شتاء وانت في روس الجبال
وان كان ماودك بسرحان يعدي بالحلال
خذ لك مع سكينتك بندقه واسرح بها

البدع\علي السبيه
عليك امان الله ياناقة البدوان
الخبت ماعد به سباعً ولا نمور
والناقه اللي باركه عند باب الخيمه
ما احسبتها من كبرها غبر واقفه
الرد\خميس السبيه
حنا هل الهيجات نبدي لها بدوان
بميزرن معروف صنعه مع النمور
كم واحدً نقدر على لطمته والخيمه
من خوفنا تبصر عضامه رواقفه

البدع\علي السبيه
ماضن في الخبت تلقا منهلن يابا وزياد
وان سرت ع الهول ماتلقا مواثيق ومنيش
تتوجه التحليه فوق البحر وجهي الشيب
وبابك اللي بنيته واثقً مصرعك به
الرد\خميس السبيه
يامصرعك شبت من قبل الكبر ياابوزياد
وكل من شاف شيبي قال لي كيف و منيش
انا على اول شبابي و اغتشى وجهي الشيب
لكن لا عاد تنشدني تقل مصرعك به

البدع\علي السبيه
كم دمين في البحر عامت وكم في البر دم
والحذر مايمنع الاحيا ولا رد ميتين
ان تكلمنا ندمنا وان سكتنا قهر دايم
ما بيوفي في المواقف واحدً باير دمه
الرد\خميس السبيه
المهندس بااذن ربي يظهر الماء بالردم
كل ماجا في مكانن حط له ردميتين
وشمعك ياذا المهندس يوم كثَرت الردايم
المكان اللي عليه الجن حرس با يردمه

البدع\علي السبيه
ودي انشر هرجتي ع القرايا وع المدن
القصايد عندنا ماتجي الا ع المجاز
والبندق ياصاحبي ينعرف من علَمه
انتقلنا النيمسي ع المتون وع المثاني
والجمره شبَت ضواحي الحرم واشعل منى
الرد\خميس السبيه
ياجاهل لامن تلافيت راع العلم دن
الشريعه ياعلي ماتحرم علم جاز
من هداه الله لا عد تقل من علمه
والشريعه واظحه مابتقبل علم ثاني
وانحن اصحاب النبي لا تقل وش علمنا

البدع\علي السبيه
المداوي داس الامراض والفيراس دوس
والعلاج المر ماجازه الا من شفاه
وان للقاصي مطالب وللداني طلوب
والصقور ان كان في الجو تخيل فيت هامه
لا تساوا رشدنا والنيات اسواسنه
الرد\خميس السبيه
محسن المدراج ياربعنا في راس دوس
ليتنا في كل ليله نخيل من شفاه
من دعانا للعزيمه يودينا طلوب
اطلب لك براد شاهي وخيل في تهامه
ليلةً تدرج بشفيانها تسوى سنه