..!! احـــنـــا الــثـــلاثــــه !!..

ماطحت من عينك ولاناوي آطيح=
موتي وقبري بين قلبك وعينك=
أونّ أنا مابين الأثنين وآصيح=
لاقال وينك ؟ قالت العين وينك؟=
عايش معك وآذوب في الحُبّ وآسيح=
مير أنت قاسي ماتراعي ضنينك=
تعبت من كثر الحزن والتباريح=
أنا وقلبي والهوى فاقدينك=
ويلاه منك .. احنا الثلاثه مجاريح=
تعال .. والله يا الغضي لايهينك=
أفتح لنا صفحه مع هبّة الريح=
عنوانها (راضين ومسامحينك)=
والله ما أبغي باقة الورد والشيح=
لو مايبلّلها العَرَق في يدينك=
لمّحت لك من فرط الأشواق تلميح=
يندى جبيني لك ويندى جبينك=
السالفه ماعاد تحتاج توضيح=
أفتح لنا صفحه وتسلم يمينك=
**