نصرة العنزي المتسببه بكارثة الجهراء :- انتقــمـت مـــن أهـــل زوجــــــي!! بالصور‎

التحقيق كالتالي

نصرة يوسف محمد العنزي





- ما سبب اقدامك على تلك الفكرة؟

- عشان انتقم من أهل زوجي هم السبب.

- ولماذا؟

- لانهم خربوا علينا حياتنا الزوجية بيني وبين زوجي.

- وما السبب في ذلك؟

- بيني وبينهم خلافات مستمرة عشان جذي حاولوا يحرقون قلبي بتزويجه من وحدة ثانية.

- هل هناك مشاكل مع زوجك؟

- زادت المشاكل معاه والسبب اهله صار يطقني باستمرار ويختلق المشاكل معاي ودايما يسمع كلام اهله ويصدقهم.

- ومتى بدأت الفكرة لديك بحرق الخيمة؟

- من عرفت وقت العرس وأنا قلبي يغلي.

- وهل كان هناك من يعلم عما كنت تخططين له؟

- لا

- أكانت لديك نية القتل؟

- لا طبعا أنا كنت قاصدة اخرب العرس عليهم وبس.

- اتعلمين ان هناك 42 قتيلا والعدد بازدياد نتيجة ما فعلتيه؟

- وهنا انهارت المذكورة وبدأت تجهش في البكاء الى ان تم تهدئتها لاستكمال التحقيق معها.

- وكيف قمت بحرق الخيمة وما هي المواد التي استخدمتيها؟-


ليلة العرس اتصلت على تاكسي جوال ورحت معه حق منطقة الجهراء وكان معاي قنينتين بلاستيك فعبيتهم بنزين وتالي طلبت من سايق التاكسي يوديني حق بيت اهل زوجي وعقبها نزلت وخليت راعي التاكسي يروح وتالي مشيت جمب خيمة العرس وصبيت عليها البنزين وشبيت النار فيها وهربت.

- واين توجهت بعد ذلك؟

- اتصلت على تاكسي واخذني وبالطريق وصلتني رسائل من اهل زوجي تبين انهم يتهموني بالحريق فاتصلت على اخوي وقلت له انا بروح اسوي اثبات حالة بمخفر الرابية لان أهل زوجي يتهموني بالحريق طبعا عقب ما عرف بالسالفة عن طريق التلفزيون.

- وهل كان شقيقك يعلم بانك انت وراء حرق الخيمة؟

- لا طبعا، انا قلت له اني طالعة مشوار ثاني وما ادري عن سالفة الحريق.

- اكملي واين ذهبتي بعد ذلك؟

- الى مخفر الرابية وطلبت منهم تسجيل اثبات حالة لكن الضابط رفض وقال ما في احد اتهمك وعقبها رحت حق بيت اهلي لين جيبتوني انتم ومسكتوني وحولتوني الى مبنى المباحث الجنائية في السالمية.

انتهى التحقيق

المصدر جريدة الوطن الكويتية

الله لا يبلانا انطبق عليها المثل اللي يقول:النار من مستصغر الشرر

من يصدق ان قارورة بنزين تحرق 50 آدمي

فعلا الخبر غريب كيف يموت هذه العدد الكبير من الناس وهم في خيمه
والخروج من الخيمه سهل جدا انا اتوقع والله اعلم ان الخبر ملفق

الله لا يبلانا من جد امر محير عدد وفيات هائل داخل خيمه امر لا يصدق

الله يتوب عليها اللهم آمين شكلها تحب زوجها مـوت . المـوج الجندبي

ومن الحب ماقتل

هى ام لطفلين وحامل وتعالج عند طبيب نفسي.

وكانت بتخرب العرس وتفرق الجموع فقط وماكانت تعرف انها بتصير كارثه..
من علبه بنزين وعود كبريت!!!
للعلم هددت زوجها بتحرق الصاله لانه معذبها هو واخواته وزوجوه عشان يحرقون قلبها
الزوج خاف منها الغى حجز الصاله وخلو العرس بخيمه بجنب بيتهم بين البيوت فى ساحه وسكرو كل المنافذ بعد مااستاذنو من الجيران عشان
ما يوقفون سياراتهم عند بيوتهم عشان العرس وكانت الخيمه لنساء وكان بس فيه باب واحد للدخول الخروج فى الخيمه من اهل المعرس...
ويعرفون من الداخلو من الطالع

ومعروف فى الكويت الحريم يسوقون سياره وسكرو الحي بسياراتهم...
والدفاع كان متواجد حتى مركز العبدلى والسالميه جاء من مسافااات بعيده مرررررره
وهذا الى رفع عدد الضحايا لان الاسعاف والدفاع المدنى مااقدر يدخلون بسهوله لان الشوارع مسكره من كل الجهات وكانت فيه صعوبه وعلى مابعدو السيارات عن طريق الدفاع المدنى صدمو السيارات وطوقو الناس لان مجموعه كبيره من كل مكان في الكويت جت تشوف ايش صار عشان اهلها او قرايبها بعد ماانتشر الخبروعشان محد يصور من الفضولين بجولااتهم احتراما لعورات المسلمين واهل ا لضحايا على موصلو للخيمه الناس متفحمه وكل شي متفحم ومنتهي .....
و بعض الناس من هول ا لموقف تدافعت تنقذ الضحايا لدرجه فى ام ضامه عيالها على صدرها محترقين ماقدرو يفكون بينهم الله يغفر لهم ويرحمهم شالهم وهم متلا صقين
الله يرحمهم ويغفر لهم جميعا
من غلطه وتصرف شيطاني دمر الكل


احرق قلبها بتصرفاته فاحرقت ماحولها


((هذا الكلام من مصدر موثوق بنت جيران اهل المعرس))
والزوج ماسافر زي ماتناقلته بعض الاخبار موجود عند زوجته واهل المعرس
والعروس ماصار فيهم شي كانو المتوفين والمصابين من الضيوووووووووف
ومن بعد الحادث امنعو الخيااااام فى الكووووويت سبحان الله يمكن يومهم او الله مقدر لهم
الكل ينتظر ويطالب بااقصى العقوبات للجانيه

الله يرحم اموات المؤمنين والمؤمنات والمسلمين والمسلمات الاحياء منهم والامواااات رحمه واسعه من عندك

لاحول ولا قوة إلا بالله الامر أفجعنا جميعا ً
وأرى أن ثبت أنها ليست تعاني من حاله نفسيه
أن يقام عليها العقوبه الرادعه كما ارى أن زوجها مشارك في الحادثه
لأنها قامت بتهديده بحرق الصاله وتجاهل ذلك
والله يعين كل واحد بيتزوج على زوجته يسوي عرسه في قسم الشرطه
علشان ما أحد يتعرض لهههههه