وترحل

هذه القصيده اخر انتاج علي السبيه الغلبان
ان مريتم مشكورين وان طنشتم مشكورين

قالت وترحل قلت وين ارحل عسى عمرك طويل=قالت ترى ماقصدي الرّحله على دار الاياب
القصد ترحل في سماء الاشواق والحب الجميل=قلت الفراق المُرّ ما في رحلته غير العذاب
قالت على فكره عرفت اسمي وقلت اهواه حيل=اسمك غلا ياحلوتي في داخل الوجدان ذاب
قالت تسلّى وانتعش ياصاحب الجسم الهزيل=وقلت جرحك منتعش حتى المداوي منه طاب
قالت تذكّر ياعلي الذكرى ترى تبري العليل=وقلت تاهت ذكرياتي بين صدّك والعتاب
اتذكّر اني سرت وحدي لا نديم ولا خليل=واحاول انسى وحدتي واقول انا توّي شباب
واتذكّر النسيان مرّه وادرك انه مستحيل=وادرك ضماء شوقي وحُبّي لكن اللقياء سراب
واسكن متاهات الزمان اللي جلا منها النزيل=والى تعذّر باب واحد ينفتح خمسين باب
يا غادره ومغادره ماللرجوع ولا بديل=الا تناهيد الذنوب اللي شكت سوط العقاب
ما كفكفت عيني من اجروح الدموع اللي تسيل=تسئل بنضره حايره والدمع ماغيره جواب
انا ادري ان الحب قاتل غير وش ذنّْب القتيل=والهجر سهمه مايحنّ ولا رحم حال المصاب
والشوق ضامي والعطاء مفقود من كف البخيل=ما غير قطرات العذاب اتهل من عين السحاب
والبدر غايب من سماه وغاب في ضِلّه سهيل=وصار ليلي سرمدي والنور يحجبه الضباب
قالت ترى حملك خفيف ولا بعد شلت الثقيل=وقلت عفوا وش بعد ماشلت من حمل الغياب
هم وجروح وشوق ومعاناه في قلبي وويل=ولا بقي الا اموت هايم واندفن تحت التراب

الله الله الله
صح لسانك يابو طلال مبدع يالغالي اينما كنت سجل اعجابي وتقبل مروري من هنا

الله الله
على الكلمات التي تدق في نياط القلوب كلمات سحر كلمات لها وقع الحسام المهند
ابا طلال صح لسانك ودمت متألقا وفالك البيرق

صح لسانك يابو طلال دائماً مبدع ومميز
قصيدة في غاية العذوبة والجمال
دمن هكذا أخي الكريم
تقبل سلامي ومروري
آمير الكونــ

الله الله يابو طلال
إبداااااااااااااع من منهل الإبداع العذب الذي لا ينضب
صح لساااانك ملايين
أبدعت فأمتعت

</I>

الله الله ياعلي
عليّ عنك..
كلمات شامخة التحفت احاسيس مرهفه ومشاعر وارفه في نزيفٍ مؤلم وجرحٍ غالي..
علي
حلّقت معك بخيالي هناك..اوشكت ان انسى نفسي وان انصهر في طي ابياتك
لاهنت ولا هان مغليك
تقبل صدق مودتي

اقتباس : المشاركة الأصلية كتبت بواسطة فهد قزعه [ مشاهدة المشاركة ]

الله الله الله صح لسانك يابو طلال مبدع يالغالي اينما كنت سجل اعجابي وتقبل مروري من هنا

تسلم ياابورنيم وصح بدنك ياالغالي والابداع يتجلا في مرورك الكريم

اقتباس : المشاركة الأصلية كتبت بواسطة احمد معيض الخماش [ مشاهدة المشاركة ]

الله الله على الكلمات التي تدق في نياط القلوب كلمات سحر كلمات لها وقع الحسام المهند ابا طلال صح لسانك ودمت متألقا وفالك البيرق

تسلم ياابومعيض والله يحييك تراحيب الغلا ياالطيب واشكرك جزيل الشكر
على كلامك الطيب ومنحك لي شرف مرورك الكريم