محاوره مفتوحه للجميع

يقلون وضحى سبب موت ابن عجلاني .......... دعيجة العين يا مكثر بلاويهااااا=
يا راعي العشق هاك اكتاب الالباني............ اقره ونفسك تفكر في مسويهااا=

أنا صريع المحبة والملا فانــي
حب شريف ولا هو حب آغانيها
قصدي شريف ولا قصدي بشي ثاني
والله يشهد على روحي ويدريها

قلبي غدا كــالقبر من حب زهــراني..

وماغير واحــــــد بقلبي ولا بثنيـــها..

أقطف ورودالغلا وأزهـــار بستاني..

وبكل ذوق الكون للزين بهديـــــــها..



..............



تنوية؛
كالقبر بمعنى أنه مكان لشخص واحد لاغير..











,,,

صحة السنة الجميع وابشارك معكم مدام المشاركه للجميع

حدى بي الشوق ليته ماتعداني
على بروج المحبه واعتلا فيها
عطيته الحب والاخلاص واهداني
باقة غلا فاح جوريها وكاديها

والله ياشاعرنا انا مالي في المحاوره ولااعرف لطاروقها

لكن هذي مشاركه لعيونك ان كانت زينه ولا احذفها

هلا يا مرحبا بالجميـع فـلان وفـلاني=والخطى فوق الخطي يارفيقي نمشيها
و البحر في غبته لولوي ومرجانـي=ومن جاب الثمينه ياوسيع العرف راعيها

بارك الله فيكم الكل والجميع امتعتمونا عسى الله يرعاكم ومشكور يا شيخ على الله يوفقك

يا سلام يا سلام

ميدان بعض الشعر ماهوب ميداني=لا جاك مُرً القصايد راح حاليها
لا تقتل الشعر ما جهزت الأكفاني=وزن القصايد بكى موتة قوافيها

اقتباس : المشاركة الأصلية كتبت بواسطة بدوية [ مشاهدة المشاركة ]

والله ياشاعرنا انا مالي في المحاوره ولااعرف لطاروقها لكن هذي مشاركه لعيونك ان كانت زينه ولا احذفها هلا يا مرحبا بالجميـع فـلان وفـلاني=والخطى فوق الخطي يارفيقي نمشيها و البحر في غبته لولوي ومرجانـي=ومن جاب الثمينه ياوسيع العرف راعيها

ماعاش من يحذف حرف واحد من قصايدك يابدويه
واصلا الصفحه دوبه نورت بوجودك وصح لسانك ملايين

تحيا وتدوم ياشاعرنا

الصفحه منوره باهل الابيات الجزله والمعاني الفريده

لاخلا ولاعدم

ولاهنت شاعرنا

ياالربع الكلمات اللي راحت لا تعيدونها

بنيت لكن جا من هد بنياني=لما سمحنا لغربيها وشاميها
والورد لونه مميز بين الالواني=القصد نهتم باالورده ونسقيها