حزن الزفير.. ودمع الشهيق

مساؤكم شعر
أتمنى أن تنال الحد الأدنى من الرضى

يا صاحبي غيبتك تفتح لحزني مجال=ودي أضمًك عشان أقطع عليه الطريق
لا نام غصن المودًه في خفوقي ومال=لا تتركه للغياب المر خلًه يفيق
عصرت لك غيمة أشواقي قراح وزلال=وصار لك فكري المسجون حرً وطليق
داويت جرح الإجابه من دموع السؤال=وداريت حزن الزفير وبان دمع الشهيق
ماني مراهق ولا أدري كيف لعب العيال=أمًا أعتبرني خوي والا أعتبرني صديق
ماقصد بشوقي غزل ومراهقات وهبال=الا خلايا مناحيل وزهور ورحيق
ياللي رحيلك جريمه تشبه الأغتيال=شطرٍ كتبته زمان وشبً صدري حريق
ليت الموده يرجعها دعا وإبتهال=كان أصبح البعد بإحساسي حنون ورفيق
لا شفتني بين حد الحل والإرتحال=عطني يدك وأنتشلني وأعتبرني غريق
مأكبر من الغيبه الا كبر دمع الرجال=ولاكبر من الهيبه الا لا تهاوى طويق
أهم شي خل ما بين القلوب إتصال=عادي ترى كل دمعي في غيابك يليق
لا صار دمع الإجابه في عيون السؤال=بتنفًسك عشق لا تسمح لصدري يضيق

لا صـار دمـع الإجابـه فـي عيـون الـسـؤال
بتنفًسـك عشـق لا تسمـح لصـدري يضيـق

الله الله نحن هنا نتفس الشعر نقيا..نروى قصيدا ..نعانق خيال احاسيس الهجير
شكرا استاذي على ان امتعتنا هذا المساء بهذه الرائعه..تقبل مروري وخالص مودتي
لاهنت

ماأكبر من الغيبه الا كبر دمع الرجال
ولا اكبر من الهيبه الا لاتهاوى طويق
صح لسانك يابومحمد واعتلا شانك دايم مبدع فالك الطيب تقبل ودي واحترامي

الله الله
حسبك الله انا قعدت اشهق وازفر مدري عشق والا اعجاب منقطع النظير والا غزله ههههه

بس الاكيد اعجاب معتاد من صاحب الابداع المتواصل الهجير

الهجير
صح لسانك وسلمت يداك
ابيات يفوح منها عبير الورد والجوري فاضت بها قريحتك العذبه
لاعدمنا تواجدك الراقي

اقتباس : المشاركة الأصلية كتبت بواسطة سمّار [ مشاهدة المشاركة ]

لا صـار دمـع الإجابـه فـي عيـون الـسـؤال بتنفًسـك عشـق لا تسمـح لصـدري يضيـق الله الله نحن هنا نتفس الشعر نقيا..نروى قصيدا ..نعانق خيال احاسيس الهجير شكرا استاذي على ان امتعتنا هذا المساء بهذه الرائعه..تقبل مروري وخالص مودتي لاهنت

سمار

أشكر لك كل هذا المرور الراقي
ردك قصيده أخرى
لا هنت

صح لسانك ... إبداع كالعاده من صاحب الإبداع

لاهنت يابو محمد ، زفير وشهيق وكلام أنيق

كلمات جميله بجمال صاحبها
تحياتي لك يالهجير

هذه القصايد وهذا الابداع وصح لسانك ملايين ياالهجير يا استاذ الابداع

شاعر زهران صح لسانك ملايين
ابداع يفوق الابداع وجمال يفوق الجمال