الوسام .. الاكاديمي ابن الجنوب ..حسن القرشي ... لؤلؤة زهران كل الحكاية قسم المحاورة


 
 عدد الضغطات  : 3002


إهداءات


 
 

منتدى القصائد النبطية والقلطة ( المنقولة) هنا توضع القصائد النبطية والقلطة المنقولة

« آخـــر الـــمـــشـــاركــــات »
         :: فائدة ماء الشعير (آخر رد :ضياء روحي)       :: عام / الصحف السعودية / إضافة ثالثة واخيرة (آخر رد :صحيفة رباع)       :: سياسي / الولايات المتحدة تفرض عقوبات على كيانات إيرانية مرتبطة بانتشار أسلحة الدمار الشامل (آخر رد :صحيفة رباع)       :: أفضل التطبيقات والألعاب لأجهزة آبل هذا العام (آخر رد :صحيفة رباع)       :: عام / وزير الحج والعمرة يستقبل وزير الأوقاف والإرشاد اليمني (آخر رد :صحيفة رباع)       :: برنامج المحاسب العربى للمخازن (آخر رد :عايدة عيودة)       :: اليونيفرسال ستوديو سنغافورة (آخر رد :ضياء روحي)       :: عام / أمانة عسير تُعرف بآليات مشروع إدارة التنمية العمرانية (آخر رد :صحيفة رباع)       :: شركه مكافحة حشرات بالكويت (آخر رد :فهد العصيم)       :: عام / حالة الطقس المتوقعة اليوم الأربعاء (آخر رد :صحيفة رباع)      

إضافة رد
 
أدوات الموضوع إبحث في الموضوع انواع عرض الموضوع
#1  
قديم 07/04/2015, 03:41 PM
ابوعاصي
شاعر وعضو شرف منتديات رباع
الاكاديمي ٌهé÷àٌ يà ôîًَىه
Saudi Arabia     Male
SMS ~ [ + ]
رأس الحكمة مخافة الله تعالى
لوني المفضل Crimson
 رقم العضوية : 25511
 تاريخ التسجيل : Jan 2014
 فترة الأقامة : 2141 يوم
 أخر زيارة : 29/04/2018 (12:39 AM)
 الإقامة : العالم العربي
 المشاركات : 155 [ + ]
 التقييم : 770
 معدل التقييم : الاكاديمي is a splendid one to beholdالاكاديمي is a splendid one to beholdالاكاديمي is a splendid one to beholdالاكاديمي is a splendid one to beholdالاكاديمي is a splendid one to beholdالاكاديمي is a splendid one to beholdالاكاديمي is a splendid one to behold
بيانات اضافيه [ + ]
افتراضي ديوان الشاعر محسن الهزاني



ديوان
الشاعر الكبير محسن الهزاني
لايذكر الغزل في الشعر النبطي إلا ويبايع محسن الهزاني أميرا ً له وعميدا ً لشعرائه الكثر
ولايذكر العشاق في العصور المتأخرة إلا ويذكر "محسن وقوت" كمثال لقصة لايعرف تفاصيلها سوى ما يذكره محسن في شعره
ولايذكر التجديد في الشعر إلا ويذكر الهزاني رائدا ً له حيث نسبت له العديد من المبتكرات، وإن لم تكن خالصة التسجيل بإسمه كما أرى إلا كان بإختصار شاعرا ً مطورا ً على صعيدي الشكل والمضمون ومبدعا ً في كليهما وبه بدأ عصر القصيده النبطيه الحديثه ذات الهوية المستقلة والخصوصيه الفنية الواضحة وأنتهى عصر القصيده الهلالية الساكنه على ضفاف القصيده الجاهلية وتحت ظلالها
نَسَبُهُ:
أسرة الهزازنة من أقدم الأسر الي ظهر اسمها من قبيلة "عنزه" إذ يذكرها ابن حزم الأندلسي في القرن الرابع للهجرة ذاكرا ً نسبهم إلى عنزه فيقول: "هم بنو هزان بن صباح بن عتيك بن أسلم بن يذكر بن عنزه بن أسد بن ربيعة بن نزار، وفيهم يقول الأعشى مخاطبا ً إمرأته:
لقد كان في فتيان قومك منكح ٌ=وفتيان هزان الطوال الغرانقة
مولدٍه:
بين (1160 - 1170هـ)
وفاته:
حسبما جاء في مخطوطة "شذى الند في تاريخ نجد" لمطلق صالح المطلق فأن الهزاني توفي سنة1240هـ(1824م) بينما يؤخر السويداء كاتب معاصر هذا التاريخ إلى سنة 1248هـ وكلا التاريخين معقولين وإن كنت أفضل التاريخ الأول لأن محمد بن لعبون المتوفي سنة 1246هـ ذكر الهزاني بصيغة الماضي السابق
إبتكاراته الشعرية:
الهزاني له فضل على الشعر النبطي فقد أدخل الأوزان السامرية كما أنه أول من أدخل نظام القافيتين على الشعر النبطي خارجا ً بذلك عن القاعده الهلالية بالنظم حيث كان الشعراء قبله يعتمدون طريقة بني هلال بالنظم على قافية واحدة فأدخل الهزاني بحر المسحوب ذا القافيتين الملزمتين، واصبح هذا الشكل ملزما ً بعده
وأدخل الهزاني على الشعر النبطي النظم "المروبع" لكل بيت أربع أشطر مستخدما ً فيه الجناس اللفظي


((((( إستغاثة الهزاني )))))=

دع لذيـذ الكـرى وانتبـه ثُـم صـل = واستقم في الدُّجـى وابتهـل ثُـم قـل
يا مُجيب الدُّعـا يـا عظيـم الجـلال = يا لطــيـــفٍ بـنــــا دايــمــا لــم يـــزل
واحـدٌ مـاجــدٌ قـــابـضٌ بـاســـطٌ = حــاكــمٌ عـــــادلٌ كـل مـا شـا فـعـل
ظـاهــــرٌ بـاطـنٌ خـافـضٌ رافــعٌٍ = ســامـــعٌ عالـــمٌ مـــا بحكـمـه ميـل
بعـد لطفـك بنـا ربنـــا افعـل بنـا = كل مـا أنـت لـه يـــا إلهـــــي أهـــــل
يـا مُجيـب الدُّعـا يـا مُتـم الرجـــا = أســــألـك بالـذي يـا إلهـــــي نــــــزل
به على المُصطفى من شديـد القـوى =أسألـك بالـذي دك صـوب الجــبــــل
الغنـا والرضـا والـهـدى والتـقـى = والعفـو العفـو ثـم حسـن العمـــــــــل


وأســـــألك غـاديـاً مـاديـاً كلـمـا = لج فيـه الرعــــد حـل فينـا الوجــــــــل
وادقٍ صــادقٍ غــادقٍ ضـاحـكـاً = بـــــاكيـــــاً كلمـا ضحـك مزنـه هـطـل
المحـثَ المـرثَ المحـنَ الـمـرنَ = هـــامـيـــاً ســـامـيـــاً آنـيــــاً متـصـل
به يحـط الحصى بالوطى مـن عـلا = منحـوٍٍ بالـرفـــــا والغِـنـا بالشـــــلـل
أســــألـك بعـد ذا عــارضٍ رايــحٍ = كـن طـق مثنـى سحـــــابـــــه طـبـل
كن مزنـه إلـى مـا ارتـدم وإرتـكم = في مثانـي السـدا دامـرات الحـــــلل
ناشيـاً غاشيـاً سـداه فـوق السهـاة = كن مقـدم سحابـه يجرجـر عـجــــل
مدهـشٍ مرهـشٍ مرعـشٍ منـعـشٍ = كن لمــع برقـه سيــوف هنـدٍ تسـل
دايــــرٍ حـــايــــرٍ عــــارضٍ رايـــــحٍ = كل من شاف برقـه تخاطـف iiجفـل
ادهـــمٍ مظـلـمٍ مـوجــــفٍ مـركــمٍ = جـور مــائـه يعـــم الوعــر والسهـل
كلمـا اختفـق واصطفـق وانـدفــق = واستهـل وانتهـل انهـمـل الهــــلـل
حينمـا استـــوى وارتـوى واقتـوى =واستقـل وانتقـل اضمحـل المحـل


والفياض أخصبت والريـاض أعشبت = والركايا ارعجـت و المقـل إسـفــهل
والحزوم أربعت والجـــوازي سعـت = والطيور أسجعت فوق زهـر النفـل
كن وصف اختلاف الزهر في الرياض = تخالـف فـرشن زوالــــــــيٍّ تـفـل


بعـد ذا علـهـا مـرهـشٍ قــالــــــــطٍ = ربو شهـر سقـى راسيـــات النخـل
راسيـات المثانـي طـــوال الخضــور = مستطيـل المقاديـم الجريـد المظـل
حيثهـن الذخـــــــايـر إلـى مــا بـقـا = بالدهـــر مـا يديـر الهديــــر الجمــــل


تغتني بـه رجـــال بــوادي الحريـق = هُم اقرومٍ كـرامٍ إلـى جـا المحــــل
هُم جـزال العطــايـا غـزار الجـفـــان = هُـم بـابٍ لـضيـــفٍ بليــــلٍ هشـل

يـا مُجيـب الدُّعــا يـا مُتـم الرجـــــا = استــجـــب دعوتـي إنـنـي مبتـهـل
امــــح سَيْتـي واعـفُ عـن زلتـي = فـــإننــي يـــا إلهـــي محـــل الـزلـل
فنـا الـذي بــك أمــدّ الـرجــــــــــا = فـلا خـــــاب مـن مـــــد فيـك الأمــل
وأنـت الـذي تهــــــدي ألين قـــال = دع لذيـذ الكــــــرى وانتبـــه ثُـم صـل
ثم ختمـه صلاتـي علـى المُصطفـى = عد ما انحا سحـــابٍ صُـدوقٍ وهـل



((((( ::::::: )))))=







من ناظري دمعي على الخد مسكوب=ومن الحوادث شاب راسي وانا شاب
لا لذّ لي زاد ٍ ولا حلو مشروب=ولا لموق العين طيب الكرى طاب
لا شك مايجري على العبد مكتوب=طول الزمان وكل شي ٍ له اسباب
وانا سبب قتلي ضحى شفت رعبوب=يضحك ويومي لي وهو من ورا الباب
من قبل شوفي له وانا كان ابا توب=ومترّك ٍ عنّي هوى تلع الارقاب
هايف حشا عنقه كما الشاخ مسلوب=والردف عزّال ٍ لوسطه وجذّاب
ومبيسم ٍ كنّ العسل فيه مذيوب=إن ذاق سلساله ضجيع الهوى طاب
والعين خرسا كنّها عين يشبوب=وجدايل ٍ من فوق الامتان سكّاب
طرّشت انا لمورّد الخد مندوب=يقول لي مرسول معسول الانياب
ترى خليلك قال لي قل لمحبوب=عينه تباري للقمر خامسه غاب
وانسبت له في جنح ليل ٍ ولاهوب=عيب ٍ إلى خل ٍ على خله انساب
لولا الحيا نطّيت من راس مشذوب=وانوح نوح الورق وآجيب ما جاب
وقطفت ورد ٍ فيه بالناز مكتوب=كالآس ياسي له لمن كان طلّاب
وخلّي سقاني كاس وصله على الدوب=وبنيت له في مسجد القلب محراب
قولي انا من عقب مادار دالوب=وصرف النيْـا وافق بتفريق الاحباب
لاحزن يعقوب ٍ ولا صبر أيوب=حزني ولا صبري على تلع الارقاب
يالله يا مولاي يا خير مطلوب=ياللي إلى ماساله العبد ما خاب
تجعل موازين المحبّـه على الدوب=بيني وبين مورّد الخد بالباب
ختمي صلاتي عدّ ماسار مندوب=يمشي بعقد الصلح مابين الاحباب


((((( ::::::: )))))=


غنّـت ضحى من فوق الاغصان ورقا=واستفتحت للقلب خمسة عشر باب
معها أنوح وأرتقي كلّ مرقا=ولنوحها وجدي حضر كلّما غاب
لمن تزايد حبّ من به مشقـّى=عقلي وروحي والحشا فيه تلهاب
وبكاس خمرات الهوى صرت مسقى=والى ان ملفي من حمى الصاحب كتاب
زيّـد غرامي والحشا راح مرقا=بين الفرح والهم من فوز وعتاب
صار الهنا بي ينحدر ثمّ يرقا=في طربة ٍ ياحيّ مرسول الاحباب
يامرحبا ما روض الاوجان مسقى=من سحب عيني أحمر اللون سكّاب
يامرحبا به كلّ ما بات شرقا=قنديل نوره من بها الشمس او غاب
ترحيب ٍ أطيب من شذى المسك وانقى=من ريحة العنبر اذا بالغضى ذاب
من قلب يهوى كل الاوقات ملقا=من صاحب ٍ هو طربتي دون الاصحاب
يهواه قلبي دون الاصحاب طبقا=حيثه لطير القلب وكر ٍ ومحراب
انسان عيني من انا منه مشقى=عقبه فلا نومي ولا العيش لي طاب
هذا ويا من حاز للمجد سبقا=ياسامح الكفيّن يا زاكي الانساب
ياابن الذي في غبّـة الجود غرقا=كم شرب منها ذا موارات ولهاب
عون الضعيف ومزبن ٍ له ومتقا=عن جور دهر ٍ إن تبلّتـْه الاسباب
إن سلت عمّن لك من الودّ مسقى=كاس المحبه والحشا بالجفا ذاب
اجفانه الحرقا من الدمع غرقا=ومن التباعد كثر الافكار ما تاب
لا عنّ لي عقب اللقا ذاك فرقا=وآقول يا من هو للأرزاق جلّاب
تسرع بجمعانا على الطيب ملقا=مع صاحب ٍ لزمام الانفاس جذّاب
مفتون في لاماه والحق حقـّا=واللي فلا عن سايله صكّ له باب
إني محب ٍ مستجن ٍ محقـّا=من وجد لوعاتي شعر مفرقي شاب
فان كان تنشد حال مضناك تلقا=جسمه على فرقاك ياصاحبي ذاب
وامّـا من الاسباب فـ الرزق غدقا=من فضل مولانا جنى زهرها طاب
ما بين إكرام ٍ وعز ٍ وملقا=وإجلال قدر ٍ فايق ٍ قدر الانساب
وصلّوا على من بيّـن الحق حقـّا=طاها المشفـّع ثم ّ آله والاصحاب


((((( ::::::: )))))=


طيف ٍ بعيني طاف والناس غرقا=بالنوم واحرمني بلذّات الاحباب
لج الهوى بي من جنوب ٍ وشرقا=ونشفت عرف ٍ طاف من فوق الاطياب
حبّـه رقا في ضامري كلّ مرقا=له في سعود القلب قصر ٍ ومرقاب
له لسعة ٍ في لاجي الروح زرقا=وسم المحبّه ينقضي كل ّ ما طاب
كل ٍ جروحه تنتداوا وترقا=وانا على الفرقا تزاود ولا طاب
قربه معيش ٍ وان بدا منه فرقا=عفت المنام وطيب عيشي والاشراب
والله يالولا الخوف من حضر ورقا=يدرون في سرّي مع ريف الاحباب
لاقحص على طولي على الرجم وارقا=وآنوح من حبّه وأرمي بالاسلاب
يارب تجمع بعد بعدي وتلقا=وتلمّني ويّـاه يارب الارباب
من صاحب ٍ شرواه ماعاد نلقا=بالقوم من كلّ الطوارف والاصحاب
هم نقوتي من جملة البيض طبقا=إن قيل خذهم واتركه قلب ما ناب
ماني بـ من يجزى الحساني بدرقا=ايضا ً ولا ينسى عشيره إلى غاب
حبّـه صبغ للقلب طرق ٍ بطرقا=فلو محيته بازرق الدمع ما ذاب
محبة ٍ بالقلب تهفا وترقا=لو غاب له زول ٍ عن القلب ما غاب
خل ٍ نطيب بطيب طيبه ونشقى=من حادث الدنيا إلى ناب له ناب
فامنن على قلب ٍ ملكته بعتقا=لاناسي ٍ عهدك ولا لغيركم جاب
إعذر وسامحني ترى القلب مشقى=وصل ٍ وصلك الله مع كلّ الاسباب
وصلاة من يفني الخلايق ويبقى=على رسول الله وآله والاصحاب



((((( ::::::: )))))=

عوجوا بالأيدي لي رقاب النجايب=تحمّلوا يا ركب منّي بترحيب
سلام ٍ أحلى من تلال السحايب=والذّ من كاس ٍ بصافي العسل ذيب
واحلى من السكّر إلى عاد ذايب=واغلى من الفيروز عند الجلاليب
وابهي من ازهار الرياض العشايب=سلام ترحيب ٍ بري ًّ عن العيب
سلام سلسال ٍ بالانياب نايب=يفوق فوق متون عالي المكاتيب
ازكى سلام ٍ عدّ ما البدر غايب=او غدّر الما في محاني المحاذيب
للمتقـّي والمعتني للعجايب=والمعتصم بالله عن كلّ ما هي بـ
ركب الهشالى بالسنين الجدايب=فرز الوغى معطى المهار العباعيب
سرداح وان جال القنا بالضرايب=يذبح مقاديم الرجال المطاليب
يا شيخ يا مدّى حقوق النوايب=يا معلّق ٍ جمع المعادى الاصاويب
أسجد وجد وارجد على كل صايب=ودار العواقب وابدل الخبث بالطيب
واخضع وضع وارفع بشان القرايب=ثم استدم في نعمة ٍ طيبها طيب
أيام ذكّـرني وانا كان تايب=حمام يلعى فوق روس الاشاذيب
أيام لام وصال بيض الترايب=لوصالهن ياما دعـنّ المناديب
غزلان ريم ٍ بالمنازل ربايب=ملبوسهن لي من غوالي الجلاليب
نجل العيون معكثلات الذوايب=خمص البطون ردوفهن كالمراقيب
ذا قول من لا شيف وسط الزلايب=ولا مشى في ساحة الجار كالذيب
أبن الذي ما داس بالعمر عايب=شمّ العرانين العصاة الشخانيب



((((( ::::::: )))))=

الألف أولّف من تحيّـات الاعراب=عدّيتهن بالقلب من غير مكتوب
والبا بليت بحبّ وضـّاح الانياب=هو سالم ٍ منّي وانا رحت مصيوب
والتا تنيته لين بدر الدجى غاب=واصبحت لا جاني ولا شفت محبوب
والثا ثلاث اوجاب ما شفت الاحباب=مع مثلهن ما شافت العين محبوب
والجيم جمّ الدمع واغرست الانياب=أبكي بكا ورع ٍ يتيم ٍ ومضروب
والحا حوى قلبي بها تلع الارقاب=حلفت ما انسى زاهي اللبس والثوب
والخا خرف قلبي بزين الترحّـاب=لكنّ قلبي بين الاضلاع منهوب
والدال دنّوا لي على خيل وركاب=أبـ آصله بالراس من غير مندوب
والرا ربطني بالرسن بين الاطناب=ربط الحصان اللي من الخيل مجلوب
والزا زوايا قصّـته فوق الاعذاب=والنهد بيّح فيه لبسه من الثوب
والسين سنّوا لي مواصيل محراب=واقضيت كنّي بين الاضلاع مصيوب
والشين شان الحال من عصب الاحباب=والقلب عصب صويحبي فيه دالوب
والصاد صدّ القلب ومن الهوى تاب=إلا عشير ٍ حالف ٍ عنْـه ما توب



((((( ::::::: )))))=













دن كتاب ٍ ثمّ قرّب لي دواة=وانت عجّل يانديبي ثمّ هات
لي سجل ٍ وابرْلي راس اليراع=باغي ٍ من حيث ماتدري الوشاة
إكتب ابيات ٍ تلالا نظمها=لم تزل منّي تناقلها الرواة
كالزمرّد واللوالي بالعقود=قاربن ما بينهنّ الناظمات
دنّ لي شروا الحنايا العوج عوص=أو عراجين العياد المنحيات
صيعريّـات ٍ مرابي كلّ دوّ=يعملات ٍ هاربات ٍ داربات
شدقميّـات ٍ هجاهيج ٍ هجان=للبعيد إمن الفيافي مدنيات
بالتغاري والتماري والخبيب=ضابحات ٍ مدنيات ٍ مبعدات
مربعات ٍ ذا لهن أربع سنين=بين دمخ ٍ والنيوفي راعيات
من غداري ما تهوّق بالهياض=ما تدّفق من عياز ٍ مروحات
كنّـهنّ إليا تجاذبن الحزوم=بالتماري من بعيد ٍ مقفيات
جول ربد ٍ يختفق عقب اجتوال=جافلات ٍ بالحبايل شايفات
او قطا قد ذارهن لفح السموم=من غدير ٍ لي غدير ٍ واردات
ينشرنّ الصبح من جرعا نعام=والعصير معقبّـات ٍ مزعلات
والعتيم القابله من غير كود=يشربنّ بروسهن من ما الصرات
ايّها الركب الذي شدّوا قلوص=للشديد إمن المديد معفّـيات
أركبوهن من ربى دار الحريق=وريّعوا لي روسهنّ الناجيات
شرْب فنجال ٍ يجيكم لي كتاب=به سلام ٍ عدّ مبتسم النبات
بارتحاب ٍ عدّ ملفوظ الجواب=او همل وبل السحاب المرزمات
فاخر ٍ بالشمّ عن ريح الزباد=والمذوقه نافل ٍ طعم النبات
من حشا قلب ٍ مشقـّى من زمان=من زمان ٍ له زروع ٍ هايفات
من حشا روحي لسين وعين دال=من نشا ماجا طريق العايلات
من ينال مناه في طول الزمان=بالضمير رياض حبّـه ناعمات
بعد هذا يا شقا عين الحريب=يا حجا اللاجي وستر المحصنات
منتهى سدّي وملفا ما أقول=من لعيني قرّة ٍ طول الحياة
من بقلبه لي وداد ٍ مثلما=مهجتي له من قديم الحبّ هات
نابتات ٍ من مطر سحب الوداد=بالتمنـّي والتوجّـد مورقات
اشتكي لك من هوى نجل العيون=يوسفيّـات المها حمّ الشفاة
سالبات ٍ للملا تلع الرّقاب=خرّدات ٍ بالبيوت مخفّرات
قاصرات الطرف عنهنّ البدور=لو تبيّـن جنح ليل ٍ كاشفات
عنبريّـات الروايح بالكمال=في جمال ٍ قايمات ٍ قاعدات
والثنايا والعوانق والخدود=صافيات ٍ ناعمات ٍ كاملات
والجدايل والنواهد والحجول=سابحات ٍ قاعدات ٍ حايرات
والردايف والخواصر والبطون=زاميات ٍ ضامرات ٍ هافيات
وبالنواظر والمفاليج العذاب=مغزلات ٍ مغضيات ٍ ضاحكات
عذبنّـي بالمماطل والوعود=كاذبات ٍ ماهرات ٍ باطلات
بالمواعد والمواصل والكذوب=باطلات ٍ باخلات ٍ ميسرات
ساعدنّي يوم عجّات الشباب=بالمواصل والدلول الباهرات
وانكرنّـي يوم لاح بي المشيب=لا جزى الله بالجميل الغاويات
ما بغن سوّنّ في خلّ ٍ جميل=بالمواعد والكذوب الواهيات
آه عشير ٍ يا عشيري ثم ّ آه=من محبّة كل عنقا كالمهاة
عذبنّـي باعتدال ٍ وانعواج=وانغماز ٍ كالبروق الموضيات
وانحراف ٍ وانصراف ٍ وانغراف=وارتشاف إمعسـّلات ٍ صافيات
وانهصار ٍ واعتدال ٍ وارتشاف=من عسال ٍ مرهفات ٍ سايفات
واغتماز ٍ وافتراز ٍ والتزاز=واهتزاز إقدودهنّ المايسات
واجتماع ٍ والتماع ٍ وامتناع=واستماع ٍ للحكايا المطربات
وابتعاد ٍ واقتراب ٍ وارتحاب=واشتمام إعطورهنّ الفايحات
كلّما حدّثتهنّ من الفنون=عاقبنّـي يا عشيري بالسكات
وإن تناسى خاطري باغ ٍ أشوف=لوحة ٍ ما شافها عين الوشاة
مابغنّ البيض منّي رحت أجيب=وان بغيت إمن العذارى الغانيات
ان بغيت الصبح قالن جنح ليل=وان بغيت الليل قالن بالغداة
وان بغيت اجزي العذارى بالصدود=جاوبنّي بالدموع الذارفات
وان تناسى خاطري وقلت آتوب=ماحننّي ياعشيري بالسكات
ربما لي أو عسى لي أو قمين=يرجعنّ عصورهنّ الماضيات
يحسبنّي عن مودّتهنّ سليت=لا وعمّـا والضحى والمرسلات
إنهّنّ بخاطري يقض ٍ ونيم=خاشرنّي في ركوعي والصلاة
إنهنّ بخاطري طول الزمان=لو بقت منْـه المنازل خاليات
آه الا يالبيض يا نجل العيون=فوق شاحوف البحور الطاميات
بعد هذا يا شقا عين الحريب=يا حمى الجاني وستر المحصنات
تحسبنّي سالي ٍ لوني بعيد=لا وخلّاق الجبال الراسيات
واخف عن كل الملا ما أنت فيه=لا بلاك الله بسوّ الحادثات
وانتهى نظمي ومنطوقي على=سيّـد الكونين نختم بالصلاة





((((( ::::::: )))))=


















ناح الحمام وقلت لحوّل مكنون=صبر ٍ وهلّ الدمع ساعة له أوحيت
حج الحجيج وكلهم له يلبـّون=وأنا بدار مورّد الخدّ لبـّيت
فـ الى لجوا باركان بيته يطوفون=والتـجّـوا الحجّـاج بموادع البيت
وادعت من دارة حجاجه كما النون=وابكي وباطراف الجدايل تلوّيت
فـ الى جو الكعبه بنصح ٍ يحبـّون=لانجال وارد ضافي القرن حبـّيت
فان كانهم من كلّ ما لاح يشرون=بايعت له باقصى الضماير وشاريت
ذا شارب ٍ خمر ٍ وذولاك غليون=وأنا لريق مبيسم الترف مزّيت
فـ الى خذوا يشرون مما يبيعون=أخذت غرضان الربيعي وشاريت
أحرمت يوم الفوز ألبّي لمزيون=صافي البياض وغفر ماكان زلّيت
حدرّت بطح النوم والقلب مشطون=وذكرت أنا أعلى المداين وحنّيت
يا عاذليني لا تتمّـوا تعذلون=في حبّ مجمول ٍ لسدّه توليت
فان جاو حسّـادي بهرج يقولون=ماسمعهم إلا إن يسمع النايح الميت
قبلي "عرار ٍ" قالوا الناس مجنون=مع ذا واظن أنّي بطرياه أوحيت
أسهر إلى أوحيت النواما يفخّـون=واقول ليت بلذّت النوم يا ليت
أسهر طوال الليل واهلي يحْسبون=أني إلى ما طبّق الجفن غطّيت
بالغد لا اتلوهم ولا هم بـ يدرون=من شي باقصى ضامري لو تزرّيت
إلى جـو المسجد بليل ٍ يصلّون=فـ أنا لمجمول الحلايا تولّيت
قامت تواعدني بشهر ٍ يصومون=ساعة يصلون التراويح فانت ايت
أمس ٍ نطحني عقب هجران وشجون=واخضرّ عودي يوم للعذب وافيت
وقبلّت مطواح ٍ على الغرو وقرون=حلفت ماخلّيه أنا يوم شدّيت
وإن كان عمّال البرايا يشحّون=فانا الذي نورك يقبّس هل البيت
أحيان ما جرّوا وقاموا يمسّون=معصوم يدّ ٍ قال وصباك يا شيت
أنت الذي في بعض الأطفال مفتون=من به بليت إمن الملا، قلت: بـ"قويت"
غرو ٍ بريمه طول فترين أو دون=والخدّ قنديل ٍ يوقـّد من الزيت
ما اسمع ولا ابصر من هوى اللي تعْرفون=لو ارفعوا لي روس الأرماح ما اوحيت
أصبحت باد ٍ للملا فيه مفطون=وابديت سد ٍّ ما بعد قبله امضيت



((((( ::::::: )))))=


















مرّيت وأومى لي بروس البناني=طفل ٍ ضحى له جوف الاظعان صادفت
لو إن عـّلام السراير هداني=يوم إنه أومى لي بالاصباع ما وْقفت
وادهشت واختزّيت من شن غشاني=حسنه خدوده صافيه والبها شفت
القامه اللي كنـّها الخيزراني=يا طال ما ليّـنت قدم ٍ وعطفـّت
نهار له داعي المحبه دعاني=وارتادني لوصال شفـّه وساعفت
من عقب ماني ميّس ٍ منـْه جاني=عليه تفت ٍ كابع ٍ فيه قلت افت
قال انتبه ان كنت للورد جاني=واجن الثمر يوم انني لك طرّفت
اغنم وقم واجن النمش من اوجاني=جزا لما لي لجوف الاظعان وقفـّت
شدّيت ردنه واصلح الترف شاني=بالحب والتلميس والتـّل والعفت
وامن الثنايا اللي كما القحوياني=لله در انياب شهد ٍ ترشفـّت
ومن خدّه اللي نقش بالزعفراني=شمّيت ريحانه وللورد قطّفت
واضحيت واخضرّت جوانب جناني=واحييت والا آنا على الموت أشرفت
روّق وصاله لي عقب ما جفاني=وارتادني من عقب ماللهوى عفت
يابو ثمان ٍ واربع ٍ مْع ثماني=في تلف قتل ارواحنا قطّ ما رفت!
لاتحسب اني يا عريب المجاني=ناسيكلا واركان حجٍّ بها طفت
او تحسب ان النوم بعدك هناني=مْع طيب مشروبي ولذ الكرى عفت
بالهون يامن بالتجافي براني=لمتيّمك يا زين والله ماانصْفت
ومن محنتك يا زين ليتك تراني=في ضيقة ٍ يا زين ما بي تلطفّت
ما للشقي يا طربتي منْك اماني=ويش الذي حدّك لقتلي تحرفّت؟
الله لحْد سهم الجفا منْك باني=على وليف ٍ دوم لاعضاه نشفّت
عـّذتك باسما سيّدي والقراني=عن شر ما تخشى وعن شر ماخفت
لو رمت صدّي يا حسين المعاني=وبالهوى أبلشتني به وعرفّت
لو يعتري جمع الملا مااعتراني=ما أظهروا لومي ولوني تنتفّت
لو كان عابد يعتني ما عناني=اعناه لو شاف الذي امس انا شفت
معذور انا لو أبيض اللون باني=أو إنني للناس بالحال شرفـّت


((((( ::::::: )))))=


من عند باب مورّد الخد مرّيت=واثر الحبيّب شافني حين خزّيت
أومى وكشّف عن ثمان ٍ ولي قال=أنت الذي سبحان ربي تعاليت
والى عجوز ٍ من ورى صاير الباب=تقول ما يضحكك ياعذب الانياب؟
الضحك مايجري كذْا الا له اسباب=قالت نسيت البارحه ما تحنيّت
واقت مع الفرجه بداجي الظلامي=قالت لها اوحيت عندك كلامي
قالت ادوّر حلقتي في منامي=ضيّعتها في مرقدي في قرا البيت
قالت لها ياام الثنايا العذابي=هذي حلاقك سبع تـمّ الحسابي
قالت ثمان ٍ هاك ككب الترابي=شريتها رابع زمان ٍ تخبّيت
قالت علامك يا بريع ٍ ومالك؟=أضفي بثوبك عن مراعي خيالك
قالت عسى الله يجعل الخزْي فالك=ثوبي يعثـّرني الى اقبلت واقفيت
قالت لها ياامّ البدع ياامّ الاجهام=ثوبك قصيف ٍ مايغطّي للاقدام
قالت لها ياجعل رجلك لها القام=هذا بريسم خالتي فيه صلّيت
قالت لها ملعونة الناب والشيب=يابنت كثر الضحك والكهكهه عيب
يا طفلة ٍ ندرا عليها من العيب=اسمعك يوم انّك تقولين له "ايت"

((((( ::::::: )))))=

سلام أحلى مـن تـلال السحايـب = وألذ من كاس بصافي العسل ذيـب
واحلى من السكر الى عـاد ذايـب = وأغلى من الفيروز عند الجلاليـب
وأبهى من ازهار الرياض والعشايب = سلام ترحيب بـرئ عـن العيـب
سـلام سلسـال بالانيـاب نايـب =يفوق فوق متون عالي المكاتيـب
أزكى سلام عد مـا البـدر غايـب = او غدر الما في محاني المحانيـب

((((( ::::::: )))))=
ابا الله ما يبقى من الخلق واحـد =وكل نعيم ما سوى الخلـد نافـد
لكل امرئ فيها مقـام وينقضـي =وكل عمل مـا هـو بالله فاسـد
فلا تبتغي من غير مولاك مطلـب = فلا عنك يوم يمنع الرزق حاسـد
ولياك تلجي في حجى جال مبغض= ولا تتصل بحبال مـن لايساعـد
ولا تامن الدنيـا وايـاك مكرهـا =فكم ضيعت بالغدر من راي واحد
والى امنت اهلها مع الامن جاتهم = بغارات بين مالهـا مـن يطـارد
((((( ::::::: )))))=

لا تبـدي اسـرارك لغيـرك فلربـمـا = يلومك من لا فيـه مـا فيـك رامـع
ولا عـز الا فـي لقـا كـل متعـب = بسمر القنـا والمرهفـات القواطـع
دع الناس من لا يبتـدي منـك رقـة = ومالنـاس الا مـن حسـودٍ وشانـع
واحذرك عن درب الردى لا تبي الردى = فتصبح طريـح بيـن واشٍ وشافـع
تشمت عليك عداك في كـل مجلـس = وكن عاقلٍ واتـرك كثيـر المطامـع
فكم واحدٍ يمدحك فـي حـدّ حضـره = وهو ربما في عرضك وان غبت راتع
يرميـك بالبهتـان والـزور واحـد = من العقل جيعان من الجهـل شابـع

((((( ::::::: )))))=
من ناظري دمعي على الخد مسكـوب= ومن الحوداث شاب راسي وانا شـاب
لا لـذ لـي زاد ولا حلـو مشـروب =ولا لموق العين طيـب الكـرى طـاب
لا شك ما يجري على العبـد مكتـوب = طول الزمان وكل شـي لـه اسبـاب
وانا سبب قتلي ضحى شفت رعبـوب =يضحك ويومي لي وهو من ورى الباب
من قبل شوفي له وانا كان ابا تـوب = ومتركٍ عنـي هـوى تلـع الارقـاب
هايف حشا عنقه كما الشاخ مسلـوب = والـردف عـزَال لوسطـه وجـذَاب

((((( ::::::: )))))=
يا بكرتيـن ناطحنـي ضوايـع = عفر سهاويـات جـدع قرايـع
اطلع عليهن يوم فقدن ساعـه = زوليتيـن ومهرتيـن وطلايـع
عانقتهن وقلت ما بالحكي بـاس = يوم التفت الى ان الاثنين جلاس
قالوا نسالك بالذي يرزق الناس = وش ذا البكار وقلت ذولي ودايع
قالوا كذوب من يودعك ذينـي = ما تنتودع جنس ذا البكرتينـي
والله يا من شدهن بـلا يدينـي = ما أدهن الا اللي له بالعقل ضايع

((((( ::::::: )))))=

يـا زيــن قلوبـنـا صافيـاتـي = ما طعت عذال ولا ارخصت بك سوم
وارخصت من غالي حياتي مماتـي = وادعيتني لا اكل ولا شرب ولا نوم
عـن الوشـاة احوالنـا مبهماتـي = يا بو دليق كنـه اطـراف حمـوم
رميت باسباب الهـوى الموجباتـي = قلبي رمى الله نجلك السود بسهوم
وبك اتهموني بظنهم يـا شفاتـي = يا ظبي حور سالمٍ منـك مسلـوم
قلت اسقني مـن ذبـل مرهفاتـي = عسى طيور القلب تركد عن الحوم

((((( ::::::: )))))=

دع لذيذ الكرى وانتبه ثم صـل = واستقم في الدجى وابتهل ثم قل
يا مجيب الدعا يا عظيم الجـلال = يا لطيف بنـا دايـم لـم يـزل
واحـدٍ ماجـدٍ قابـضٍ باسـط = حاكمٍ عادلٍ كل مـا شـا فعـل
ظاهـرٍ باطـنٍ حافـظٍ رافـعٍ = سامعٍ عالمٍ مـا بحكمـه ميـل
اولٍ اخـرٍ ليـس لـه منتهـى = جلّ ما له شريكٍ ولا لـه مثـل
بعد لطفك بنـا يالله افعـل بنـا = كل ما انت له يا إلاهـي اهـل

((((( ::::::: )))))=

قالت عجوز لي من البيـن غشيـه = يا ولد بـدل مشيتـك ذي بمشيـة
قلت اننـي يـا ذي ادور لحشيـة = قالت ابكارٍ قلت أصاعيـب قعـدان
واوحيت رمي الحكي منها وقفيـت = من خوفتي عجز الخطا يوم قفيـت
قالت لعودٍ جالس من ورى البيـت = يا عود من ذا قال ذا ولـد عثمـان
قالت عجوز شينه الوجه والشيـب = مشى الفتى جوف الظعن عندنا عيب
قلت اخشى الله عالم السر والغيـب = واومت وقالت لي وانا عاد زعـلان
قالت متاك مضيعٍ قلت قبـل امـس = قالت شريقٍ قلت لاوقفت الشمـس
واسترمعت ملعونة الشيب بالخمس = وقالـت لشيبـانٍ حذاهـا وشبّـان

((((( ::::::: )))))=

مريت بخشيفات ريـم يخوضـون = سيل وللقلـب المشقـى يريفـون
من حين شافنـي رهـاف الثنايـا = قامن لي باطراف الاردان يومـون
رديت راسي عقب مانـي معيّـي = قالن دعونا له الـى جـا نحيّـي
قالن حيّـه قلـت حـي المحيّـي = قالن علامك تلتفت قلت مشطـون
قالـن ترانـا ثبـت الله مقـامـك = ننذر على شوفك ونفـرح بلامـك
واليوم يا عذب السجايـا علامـك = مسمور في ذا الدار انا قلت مفتون
قالن نسالك بالذي شـرف البيـت =وبجاه من له في دجى الليل صليت
من به بليت من الملا قلت بقويـت = قالن بليت بحبهـا قلـت مجنـون

((((( ::::::: )))))=

يا شين ما عينّت لي داعج العيـن = قلبي عليها بالهـوى زاد طنيـه
الى ضحك في مبسمه طقني بيـن = لجت صناديق الحشا واقرشنيـه
ساره وزعبيه ونصره غدت وين = خواتم باصبـاع سـاره زهينـه
ساره حلاهن مير نصره حلا العين = وسطه الخاتم على ضو ضحينـه
وان كان عندك وحده عندنا الفين = حتى الرخيصه ما نبيعـه برنيـه

((((( ::::::: )))))=

يا راكب من فوق سمح الذراعيـن = فوقـه غـلام لا ندبتـه شفنـيـا
يطوي مسير العشر في ظرف يومين = واليوم الاخـر بالحريـق امرحنيـا
يلفي الهزازنـه القـروم المسميـن = من سمعني في مدحهم مـا كذبنيـا
ذباحـة الحيـل ريـف المقلـيـن = ما كولهم يركد علـى الكبـد هنيـا
مجلاسهم فيه الشرف والنبا الزيـن = لـولاه قـال كليـمـه وازعلنيــا

((((( ::::::: )))))=

انا الذي من حـر فرقـاك فريـت = وأنوح كالبهلول في وسط الاسواق
يا ما طلبت الله ويـا مـا تمنيـت = ويا ما دعيته عند حزات الاشراق
ويا ما دعيته في المساجد وصليت = وياما شحذت الله قسّـام الـرزاق
يبني لحالي من جنان العلي بيـت = ومن الثمر نقطف ثمر كل مـا لاق
عسى الى رق البكـا واستمريـت = بمنقشات الريش زينات الاطـواق
واستانست روحي لروحه ودشيّت = سوقه ووافق مرتي حين مـا واق

((((( ::::::: )))))=

يا قبر ما تنباج ننظر بالاعيـان = صفوة هل الدنيا بحسن ونظري
يا قبر هذا يشبة لحور الاعيـان = غروٍ نزل يحكم به الموت سكري
يا قبر هذا سيد غضات الابـدان = هايف ومهضوم لوسط وخصري
يا قبر هذا نور عيني بالاوطـان = قرة عيوني بين بدو وحضـري
يا قبر هذا مدة شهور وأزمـان = عليه دمع العين بالليـل نثـري

((((( ::::::: )))))=

يا موت ما تاخذ عن الشوق الاثمان = احكم بكل شي وانا منـك باشـري
اعطيك بغداد مـع ملـك سبهـان = خزاين الشامين مع ملك مصـري
وبنادر الشاهات والهنـد وعمـان = والبصره الفيحا مع ملـك هجـري
مع كل ما يجنون حضر وبـدوان = اسوقهم باللي كمـا خـط عفـري

((((( ::::::: )))))=

إترك الغيّ وامسك بكف الهـدى = العرى التي مـا ابـد تنفصـم
كلمـا ناظـر لبيـب الـكـرى = ارم ثوب الكسل والتأنـي وقـم
والبس اردان جلاليـب الدجـا = واتزر بالمسا وارتهب واستقـم
ثم صلّ اربع باربـع يـا فتـى = ثم من بعدهـا بالوتـر أختتـم
ثم بعد الفراغ إسالـه ذاك مـن = أوجد السبع والسبع بعد العـدم
جامع الناس في يوم لا ريب فيه = جابر العظم من بعد ما ينقصـم
ذو جلال يرى ما يلـج بالثـرى = واحترك في غسق ذي ثلاث ظلم



 توقيع : الاكاديمي


رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 

(مشاهدة الكل عدد الذين شاهدوا هذا الموضوع : 1 :
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الإعلانات النصية ( أصدقاء الأكاديمية )

انشر مواضيعك بالمواقع العالمية من خلال الضغط على ايقونة النشر الموجودة اعلاه

Powered by vBulletin® Copyright ©2000 - 2019, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع

a.d - i.s.s.w