الذاهبـــــــــــــه......

الله اللي راد والعقده قضاها اللي عقدها

لا على الدنيا سلام ولا لباقي العمر زينه

الفضــاء ماكنه الا خيمة طاحت عمدها

والفرح ماكنه الا شيـــخ انقــصت يدينـه

والعمر قطعة زجاج انكسرت ولا طال مدها

والعرب في العيد بدموع اليتاما مستهينه

والشوارع لفها ثوب الظلام اللي حقدها

والبيوت اطلال من عقب المحبة والسكينه

والشتاء والليل والبرد وسما يصرخ رعدها

والعيون اللي ورا الشباك مذعورة حزينه

طولوا في الكهف الاصحاب وبقت روحي وحدها

كنها في كوكب ثاني خلا من ساكــــــنينه

الوداع اللي بعلم العين يعذر من رمدها

والوداع اللي بلا علم القفص صدري غبينه

والوداع اللي بلا رجعه علي يامر ودها

والله انه غرغرت سم وسكاكين سنينــــــه

والعنود اللي جفيت الناس والدنيا بعدها

ردت الفرقا لغاليها وهي تعطي الثمـــــينه

وينها كيف تركتني ليه ماجت في وعدها

والقمر لا طل خابرها تجي بيني وبينـــــه

رحت انادي واتلمس في مهب الريح يدها

كني حصان بلا صاحب طوا البـيدا حنينه

رحت اصيح الصبح وينه والعرب مارد حدها

ماسمعت الا صدا صوتي يقول الصبح وينه

كلهم من يوم ذيك الشمس غابت عن بلدها

طلعوني في النفوذ وصكوا ابواب المدينــه

كلهم من يوم ذيك الذاهبة محد وجــدها

كل رجال من الشرهه قراه بدرب عينــه

اثرها ماتت وماتت كل فرحه في مهدها

والربيع اقفت به اللي كانت التاج الجبينه

جاورت عقب الحدايق حفرة مقسا لحدها

حفرة ماني مصدق كيف ضمت ياسنينه

للحزن فيني مثل ما للطهاره في جسدها

ويش اسوي لا فتشت اللي لها وسط الخزينه

زخرفت حلم وبنت له مسك وسمت ولدها

اه لو غرت ولدها في خميلة والدينـــــــه

عاهدتني واكفرت في يمين اقوى من عهدها

والصبي لاخير فيه ان كان مانفذ يمينه

ماتبقا عن رثاها عرق اكتظ بشهدها

ولاتبقا خلف قضبان السجن عذراء سجينه

كيف عند العالم ايام العزاء محصا عددها

ولا لا طالت شهوره والله اعلم كم سنينه

للثرى فيها نبات وللمشي خطت نكدها

للسماء فيها طيور وللبحر يمه سفينـــه

للقمر هذا مساء وللعصي هذا رغدها

للزهر هذا شذاه وللذهب هذا رنينــــه

قالو الشيخ الفلاني مرجع القوم وسندها

قال ابشر بالعوض والعرق جينا ناقلينه

ساق لك بدر البدور اللي نشدها من نشدها

جادر انهزت عروش خيبت روس النثينه

قسمها في رسمها في جسمها اللافي رشدها

واسمه انجال الغضب قومه على الالسن رطينه

اترك الناي وعطيت شيخنا غنا لسعدها

وانبسط ياعم وانسا اللي ورا التربه دفينه

قلت ولصدري تناهيت تروع من شهدها

اه واويلاه من يجذب على قلبي ظنينه

خلو اغلا ذاهبه ترعا ربيع اللي فقدها

والعطا راعيه محد صوبه الله لا يهينه

لو ظمنت الجنه تفاحة القلب وشهدها

قلت من بكره عسا مجنونها تاقف سنينه

الشــاعـر

نــــــاصر القحـــطانـــــي