من القلب إلى أخي ابن سلمان ........

بسم الله الرحمن الرحيم.....
احترت ماذا أكتب في حق هذا الرجل العزيز على قلبي وكيف أشاركه فرحته بتخرجه الذي طالما انتظرته لأن مايسرّ أخي يسرني بكل تأكيد .......
لذلك لم أجد الشعر بكل أطيافه وألوانه كافياً للتعبير عن مدى فرحتي وسروري ولكنني اخترت لتهنأت هذا الرجل من كل باقةٍ ورده ومن كلّ حديقةٍ زهره ومن كل بحر ٍ قطره فتقبل ماجادت به نفسي المحبة لك في الله تعالى واعذرني على أي نقص ٍ أو تقصير ياأخي الكريم (ابن سلمان):

أوّلاً : أبياتٌ بسيطه بالفصحى أتمنى أن تنال رضاك وإعجابك :

هذا هو المجد لايسعى له الواني=فهنأ بنيل المعالي يابن سلماني
العزّ في غرّة الأمجاد موطنه=وأنت أعلنت أنّ المجد أوطاني
لمثل هذا يطيش القلب من فرح ٍ=ويستزيد له عزماً بإيمان ِ
أبارك اليوم والأفراح تغمرني=ويعلم الله أشواقي وأشجاني
وخطوة الألف ميل ٍ من هنا بدأت=تمضي بها شامخاً في كلّ ميدان ِ
لاخيّب الله جهداً أنت باذله=وزادك الله عزّاً يابن سلماني

ثانياً : أبيات بسيطه على لون الشعر العاميّ :

مبروك ياراس الرجاجيل مبروك=من وسط قلب ٍ طول الايّام يغليك
ياصاحب ٍ مايلحقه ظنّ وشكوك=والكفو ماجاله مع الناس تشكيك
ياصاحبي منتب مخلـّى ومتروك=من خاطري قلـّي وش اللي ينسـّيك
لولا ظروفي ماتركتك وانا اخوك=لكنـّها الدنيا عسى الله يعافيك
ياشاعر ٍ شِعره مصفـّى ومسبوك=يضرب على قلب الهواوي تماتيك
حتى لو انّ القلب بالهمّ مشبوك=اطرب معك يابيت شعره واغنـّيك
ماالوم ربع المنتدى لو يحبـّوك=حبّ الرجال اللي تقرّب مساريك
وختامها مبروك مبروك مبروك=والله يسهـّل في حياتك مساعيك

ثالثاً : أبيات بسيطه على لون المجالسي أتمنى أن تنال رضاك :


البدع:

مبروك مبروك وارقى للعلا وابن سلمان=
وبين الابطال لا تحني براسك ولا يوم=
ابوك من قبل نال الفايده جدّ من جدّ=
ماهي غريبه على بيت الشرف والمطاليق=
مثل النـّحل مايجيب الاّ علاج المراضي=
والكفو تلقى قلوب اهل الوفا منحياته=

الردّ:

أنا قرنت الرجوله كلـّها وابن سلمان=
من غير ماينقد اقوالي حسودي ولايوم=
واللي يحب المدوح الطيبه جدّ من جدّ=
يسعى لها مثل ماتسعى الخيول المطاليق=
ياولد سلمان جعلك طول الايّام راضي=
وكلّ مطلق يجيب الفايده من حياته=

ختاماً لايسعني إلاّ أن أصرخ من الأعماق لأقول ألف ألف ألف مبروك

وإلى الأمام دائماً وأبداً بإذن الله تعالى ..........



تحياااااااااااتي