قارعه خرافيه .. زلزال وعلي السبيه

البدع / علي السبيه


ياخوك بعض الناس مثل المويه من تحت التّبن
من عيدهم لا شافو اجساد الخلايق في نعاش
احذر تصدّق زوبعه وتضـن فيهـا هيلمـات
والمرجله ماهي مع اصحاب المياعه والـدلال
والموت مايمهل وباد النـاس وافنـا جيلهـا


الرد / زلزال الجنوب

فـي مزرع البـن ابصـر ايدين الجناه تحـتت بـن
واقول للزراع هذا البـن الاصلـي فيــن عـــــاش
والهيل يحفـظ نكهتـه حتـى لـو ان الهيـل مــات
ماقـر راسي الا معـا ذيـك المعـامـــل والــــــدلال
والله يـــقـــطـــع دلــــة المــركــاز وفـنـاجيلهـــا


البدع / علي السبيه

التفـو العربـان تهتـف للمنـادي ولفتـن
والكيمره تعمي عيونك يوم تكشح باالفلاش
ياليت نتريّح مع اصحاب القلوب المنسمات
جرّة قلم تمحي الحقيقه من سطورك ياالمقال
والواسطه مانكتمل فيهـا ولا نقـوى لهـا


الرد / زلزال الجنوب

راعـي العلـوم الطيبه مـا سايـر اصحـاب الفتــن
والونعم ادري عنه يسوى مية ونعـم والف لاش
الارض فيها الحاسدي والرزق ياجي من سمات
مهما يصيـحـون الخلايــق للغشيــم ومهمـا قــال
انحـن درينـا عـن هـروج اهـل الحكـم واقوالهــا


البدع / علي السبيه

اسقيتم باالماي المدغثر عود يشكي من ضمن
وهدّيتم القصر الذي عامر وبنّيتـم عشـاش
والى بغيت الحق ماتبنى المعارف من شتات
مهما حصل لامايصحّ الا الصحيح امن المثال
والرايه السودا تسوّد وجه من هـو شالهـا


الرد / زلزال الجنوب


لا تامـن الايـام وصـروف الزمـن يا مـن ضـمــن
بعض الخلايق كان يبصر وانعمى صابه عشاش
فصل الربيع اصبح على قـانونـكـم بـعـد الشتــات
الرامي اللـي طـلقتــه مـا تنـقـصــر دون المـثــال
يـتـعجبون النــاس والعربــان مــن هوشــا لهـــا


البدع / علي السبيه


الهودج اللي طاح ماعود على ضهـر المـدن
ماشفت تزوير الحقايق في الكتب وترو غشاش
ومحزم البلجيك الاصلي ماغدى مثل السبـات
ليتك من اول ياصليب العـود ربيـت العيـال
ولايكن ساويـت عقّـال العـرب واجهولهـا


الرد / زلزال الجنوب

ياصاحبي ظهر القرى ماهو كما ظهر المدن
في كل قريه لرعد الرعاد جاء مطر وغشاش
والخلق من بعد العشاء ماكنه الا في سبات
واليوم في وسط المدن ريت المسطل والعيال
وش حد خلق الله على هذي المدن وجهو لها