علوم الحج من اللساب وابو خالد

البدع من يحيى اللساب

علمنا خير ياهل الخير والستر دامه ربنا

في نهاية ذي القعدة حزبنا معاً يم المشاعر

نا ويا الشيخ ابوخالد على رغبة وعلى وصول

جارنا الله وياكم ومن حج لله ما الكوارث

غيرها من دعا فينا نلبي علومه والدعا

والذي كان يدعينا لحاجه نقل له سم وابشر

في مشاعر منى عند الجمار الثلاث المكربات

غيرها هلت الامطار حتى دعينا الله تصحي

البعض جاره الله والبعض مالخلايق ما نجي

وبقينا بها لا ليلة الاحد اللي راح واقفى

اخبرونا بتوديع المشاعر وتسليم العهد

عادنا الله لها وانحن وياكم بخير وفي عوافي

هذي اعلامنا وسلامة اللي قراها واعتنا

الرد

الحذر مايردك مالقدر لو تقول اهرب بنا

يوم ناظرت في زلزال شرق آسيه هز المشاعر

هب الأعصار واهتزت بحورٌ وخذ جوله وصول

راحت املاك واما البعض ماعد بقي للملك وارث

وانحن مانملك إلا ندعي الله ونلهج بالدعاء

يالله يارب لاتغضب علينا تجازي الشر بالشر

واجعل المكر والتعذيب حوب الذي بالمكر بات

من نوى الله بخذله مايفيد الدعا لاجله ونصحي

ما يجي الخير والشر في عروق ابن يآدم ما يجي

الذي عاقلٌ يحسب وياخذ له مع النفس واقفا

ياخذ العبرة من غيره ويندم ولا ينقض عهد

ينتقي صحبته ويصاحب أهل الوفا في علم وافي

يالله أحمدك ياللي عن دروب الخطا منعّتنا