فوق الموايد ماوعت نفس درسي

لاحان وقت افطارنا وانتهى الصوم=فوق الموايد ماوعت نفس درسي
قمت اتفكر كل جائع ومحروم =واشوف جوع الشام في كل تبسي
تنسد نفسي واحمد الله واقوم =من عقب جوعي والضما ناض ضرسي
قالو هلي وشبك مع الفرحه مهموم=قلت اتركوني ياهلي ودي امسي
هي فرحة الصائم لها جاه معلوم =وفرحة لقا المولى لها مال حسي
نحمدك يارب السما دائم الدوم =ياللي بجودك نالنا الخير محسي
من عقب فقر اهل الجزيره مع القوم=اغدقت لين الفقر بالناس منسي
نعمه من المولى وماهي لنا دوم = هذا نعيم وكل متروف يقسي
لاشفت حال الناس بالمال ملزوم=قمت افتكر وش لي ببكره مع امسي
امسي عسى انك تغفره منك مقسوم=وبكره بعلمك وانت لاشئت تكسي
يارب دينك حق ماله بنا لوم = لكن منهو يدّعي الدين لبسي
في مصر قام اهل العبايا على الشوم=وش فادنا اصحاب العبايا ومرسي
مرت سنه والحال من نوم الى نوم =مية سنه في فكر الاخوان هلسي
بانت سياسات الهوى كلها حلوم =يقلدون الروم من فكر فرسي
الدين له حكمه وله قلب مكلوم = ماكل من جا يدعي الدين يوسي
للدين همه والسياسه بها عوم =والدين مقعد صدق والملك كرسي
عهد الصحابه راح والعالم اليوم=كلن يبا يركب مع الناس جمسي
يالله طلبتك نصر يالله محسوم =للدين وانك شرف اركان خمسي
وانك تصلي عالنبي خير معصوم=محمد اللي درّس الحق درسي

صح لسانك يانجم الجنوب

صح لسانك واعتلى شانك وفقك الله

اقتباس : المشاركة الأصلية كتبت بواسطة علي السبيَه [ مشاهدة المشاركة ]

صح لسانك يانجم الجنوب

صح بدنك ياعلي

وشكرا لشرف مرورك وماخطه قلمك

لاعدمتك

اللهم صل وسلم على سيدنا محمد وعلى اله وصحبه وسلم
شاعر الابيات الجزله نجم الجنوب صح لسانك وسلمت يداك

صح لسانك وبدنك ملايين ياشاعر انا اشهد انها معلقة كلها حكمة وابداع

في مصر قـام اهـل العبايـا علـى الشـوم
وش فـادنـا اصـحـاب العبـايـا ومـرسـي
مـرت سنـه والحـال مـن نـوم الـى نــوم
ميـة سـنـه فــي فـكـر الاخــوان هلـسـي
بـانـت سيـاسـات الـهـوى كـلـهـا حـلــوم
يـقـلـدون الـــروم مـــن فــكــر فــرســي