محاروة علي السبيه وفهد قزعه

الـبـدع:عــلــي الـسـبــيــه =
. =
يافهـد وشبـك تغـلاّ عليـنـا يافـهـد =
الغيت اسمي من حياتك ورقمي والنمـور =
ليتك تشري الحب يوم ان بعض الناس باع =
ميّل ميزان المحبه فـوادك واصطغـا بـه =
آثر اصحـاب الهـوى ماعليهـم تاكلـه=
. =
الــرد:فــهـــد قـــزعــــه =
. =
الاسـد محتـار بيـن النمـوره والفهـد=
الفهد حتى ولوخذ من اوصـاف النمـور =
الاسد والنمر والفهد من ضمـن السبـاع =
الفهد جت صيدته بينهم في وصـط غابـه =
والسبـاع الباقـيـه مامـداهـا تاكـلـه=
. =
. =
الـبـدع:عــلــي الـسـبــيــه=
. =
كانـت الرّميـه خطيـه وتحسبهـا عمـد =
يافهد ماني بعالـم بمـا تخفـي الصـدور=
وقماش اهل الشـرف ماتدّنسـه البقـاع=
ومحل اهل الوفا والجمايـل ويـش عابـه =
بيني وبينك مـوده علـى الديـن وصلـه =
. =
الــرد:فــهـــد قـــزعــــه=
. =
اللذي حبـه تمركـز وفـي قلبـي عمـد =
انا اورد له علومي وهويبغـى الصـدور =
مستحيل انساه دامه بقـاع القلـب قـاع =
بيني وبينـه مسافـات واجبـال وشعابـه =
رغم عن كـل الصعوبـات ودي نوصلـه =
. =
. =
الـبـدع:عــلــي الـسـبــيــه =
. =
انت وحدك مـا تقاتـل ولا تحتـل احـد =
من جناح الصقر شيهان ياكم فـل قبـور =
للثمـار الطيبـه متـع والدنيـا مـتـاع =
لو تبهي كل المدن يابلـد واقـراك تابـه=
فرق بين اللي يوفّي الكـلام ومـن زلـه =
. =
الــرد:فــهـــد قـــزعــــه=
. =
يابن آدم ماينفع الا العمـل تحـت اللحـد =
تندفن لابد في قبر مـن ضمـن القبـور=
الجنـه مثـوى عبـادالله والدنيـا متـاع =
من يخـاف الله واستغفـره وقـرا كتابـه =
له في الفردوس الاعلـى مكـان ومنزلـه =
. =
. =
الـبـدع:عــلــي الـسـبــيــه =
. =
للعلا والمجد بااشـد حيلـي وانـت شـد =
والجزاء مرهون للناس الى يوم النشـور =
في بلاد الشام تلقـى المدايـن والضيـاع =
والفقيه اللي حمى الجمر وايضيئ عالجا به =
وانت لا تحجـز ميـاة العـدود الاسئلـه =
. =
الــرد:فــهـــد قـــزعــــه=
.=
ودي آخذ مـن علومـك وحبيـت انتشـد =
شوركم واهداية الله عن خمسيـن شـور =
يقلون ان المحبه ضياع(ن) فـي ضيـاع =
كم نشدنا ياعلي شخص وايضيع الاجابـه =
الاجابـه واحـده عـن عـدود الاسئلـه =
. =
. =
الـبـدع:عــلــي الـسـبــيــه =
. =
اقبل منحات الغلا لا تصـد المنـح صـد =
ابينال العهد فـي عالـم الحـب الصبـور =
البديوي عمّـه الخيـر واتمـدّن وصـاع =
واترك القصّاب ماتردع النـذّرى قصابـه =
وانـا مازيّنـت ثوبـي ولا حبّكـت لـه=
. =
الــرد:فــهـــد قـــزعــــه =
. =
بارت الحبـان للـي ذرى ولمـن حصـد=
لانه ماخذ وانتقى له من الحـب الصبـور=
اترك اللي كيلته ماتجي مـد(ن) وصـاع =
اللذي فالمزرعـه ودنـا نـذري قصابـه =
ياعلي قـدم يدينـك مـن الحـب اكتلـه =
. =
. =
الـبـدع:عــلــي الـسـبــيــه =
. =
مـا درجنـا عالمـزارع نـدوّر للشّكـد =
يقولون الارض ماشالهـا الا قـرن ثـور=
لو يلوذ القلب راعـه مـن التلويـذ راع =
والخطيب المعتمد لا درس فـنّ الخطابـه =
لا حضر في كل صفن يسيـر مـع اولـه =
. =
الــرد:فــهـــد قـــزعــــه =
.=
ياساقي دور على راحتـك وبـلاش كـد =
احنا لوجتنا الخطيـه مـن الانقـر نثـور =
ياذراعـي لاتـنـاوش ولاتـلـوي ذراع =
العاقل من ياخذ المخطيه والا الخطـا بـه =
مايطاوع ناس هبـل(ن) ونـاس امعولـه=
. =
. =
الـبـدع:عــلــي الـسـبــيــه =
. =
المعـارف والعلـوم ابتثـمّـن وابتـعـد =
من يلج للنـار مايلتقـي فالولـج حـور =
لاهيا يتغير الحـال مـن ساعـه لسـاع =
لا دعيتك يافتى بسـم طيـب سمنـا بـه =
منحنـا راسـي لمخلـوق وادّينقـت لـه =
. =
الــرد:فــهـــد قـــزعــــه =
. =
انت ليتك عـن جحـور الحناشـه تبتعـد=
ياعلـي لاتقتـرب مالخبايـر والجحـور=
الحنش يلسـع بنابيـه واللساعـه لسـاع=
انت لو تعرف مدى لسعته من سـم نابـه =
كان قلـت بعالـي الصـوت ودي نقتلـه =
. =
. =
الـبـدع:عــلــي الـسـبــيــه =
. =
لا لقيت الصيد لاعـاد تقـفّ البـر صـد =
واشهد باالحق لا تحرّف بقول ولا تـزور =
مانرى جنب الجبل لا شقـور ولا صـداع=
اغلينا الاقصى مع صخرته واغـلا قبابـه =
فالشتاء والصيف رحـلات لهـل القافلـه =
.=
الــرد:فــهـــد قـــزعــــه =
. =
ياوليـف الـروح لاعـد تقفـل بالرصـد=
احنـا نتمنـى نـزورك ولاتبغـي تـزور=
وش معك جننتني جبت في راسي صـداع=
امس يوعدنـي وماريتـه باغـلاق بابـه=
ماوصلـت الا وبيبـان بيـتـه قافـلـه=

الله الله الله الله صحت السنتكم

قارعه جميله وكلام جميل ف البدع والرد

لا عدمــــــــــــــنـاكــــــــــم ..


تحيـــــــــ انين الجرح ـــــــــاتي

ما شاء الله عليكم

السلام عليكم ورحمة الله وبركاته

صح لسلنك ياعم علي

صح لسانك يا فهد

مشكورين على المحاوره الرائعه

علي السبيه
شاعر عملاق وجبل شامخ ابياته من ذهب تصيغها وتترجمها احاسيسه ومشاعره المرهفه بمهاره

فهد قزعه
شاعر متألق استطاع بمهارته الوقوف بجوار عمالقة الشعر والمشي معهم بخطى ثابته وثقه كبيره


نقول لهما
ماشاء الله تبارك الله
حفظكم الله جميعا
اجمل تحيه وارق واعذب سلام

لا عدمــــــــــــــنـاكــــــــــم ..

تسلمون ياربعي واشكركم جزيل الشكر على تشريفكم الغالي كلن باأسمه
والشكر موصول للشاعر فهد قزعه لمنحه لي شرف مجاراته في هذه المحاوره

انا لله انا لله
اللي يبغى يطرب قصايد ياخذ له فنجال شاهي ويتربع هنيه
ابو طلال
ابو رنيم
صحت السنتكم
قمة الابداع والروعه

اقتباس : المشاركة الأصلية كتبت بواسطة ملك الليل999 [ مشاهدة المشاركة ]

انا لله انا لله اللي يبغى يطرب قصايد ياخذ له فنجال شاهي ويتربع هنيه ابو طلال ابو رنيم صحت السنتكم قمة الابداع والروعه

تسلم ياابواحمد والله يجمل حالك ونشكرك جزيل الشكر على اطرائك الطيب ياطيب
وكلامك يشرفنا ونعتبره تاج على روسنا والابداع والروعه تتجلا في مرورك الكريم

اشكر كل من مر من هنا وعلق كل" باسمه
والشكر موصول لحبيبنا ابوطلال اللي اتاح لي الفرصه اني استفيد منه فهو مدرسه شعريه ولنا الشرف نتحاور معه لاعدمتك يابوطلال