باموت من صدك وشعرٍ تفله

قلب الهواوي مايمل الهوايل=دايم مغامر لو يجيه الف عله
يهوى الجمال ويزرع احلى الفسايل=في كل يوم العشق به منزلن له
مفتون غارق فالهوى والخمايل =بين الورود اليانعه ولفتن له
اليين شفتك ياسليل الحمايل =يابو الكلام العذب مافيك خله
حسيت منك الود والطيب سايل=واحسست فيك العشق دقه وجله
ياللي ملكت القلب باحلى الرسائيل=في كل يوم اشوف للسعد طله
لاتمتحني في كثير المسايل=والا تطيع اهل العقول المظله
اللي لهم بالحسد سوق ودجايل=وعيونهم فيها شهاب الأهله
في داخلي حبك كما ضلع حايل=لو صوروني معك وسط المجله
ماني بخايف معك والا امتحايل=وثقت لك عهد الهوى وانت شله
ياطب جرح الصب ياغصن مايل=من نسمة الغربي وفا شم فله
ارفق بمن حبك وساق الرحايل=واسمح لنا يازين لو جاك زله
وان ما تهيّا لي وصال الجدايل=باموت من صدك وشعرن تفله

نجم الجنوب
شاعر الابيات الجزله صح لسانك وسلمت يدك

الله الله عليك ياشاعر الابداع .. هكذا يكون الغزل وهكذا يكون الشعر والاحاسيس والا فلا

باقة ورد

نجم الجنوب
صح لسانك وسلمت يدك