....ما نـزّل البعـد قدْرك(يـا رفيـع المقـام)

ما نـزّل البعـد قدْرك(يـا رفيـع المقـام)
صورتْك في القلب لا زالـت علـى حالهـا

محبّتك شوفها .. لو شفـت حالـي حطـام
كسـرت نفسـي لهـا وامتـدّت اظْلالـهـا

من يوم حطْ الصبر من فوق ظهري (سنـام)
وأنـا ارتكـي للحمـول بهـدي جماّلـهـا

وإن قالت الناس: مـا بلّلـك حلـم الغمـام؟
مـا نمـت الاّ ودمعـي كــان همّالـهـا

واليوم طيّـرت فـ/ وجيـه الليالـي حمـام
وأحلامنـا وقّعـت مــن دون منْزالـهـا

إنْ قلت لي يارقيق القلـب: ويـن الغـرام؟
حبّيـت نعْمتْـه.. ثـمْ حبّـيـت زوّالـهـا

ما قلت غيـر الكـلام اللـيّ عليـه الكـلام
ولاّ امـس عقـدة لسانـي ضـاع حلاّلهـا

مايلحق البنت شرهـات وعتـاب ومـلام
لاصار ماهـي مَرَتْـكْ ومنـت رجّالهـا

وإنْ طاح دمع الوداع .. وضاع مسك الختام
البعد كلمـة .. وصـح لسـان مـن قالهـا

هذا وقدرك كبير ,, ولـك غـلا واحتـرام
وفرقاك في القلب .. ( فال الله ولا فالهـا

للحين مـا جفّـت ادمـوع الغـلا والهيـام
علـى المحاجـر ، و هـم القلـب يبرالهـا

ذكـراك عِـد ٍ عليـه آمـال قلبـي حيـام
يعنـي حبيبتْـك مـا تعطـش علـى جالهـا

إنْ مت مـن بُعدهـا تحييـك بيـن العظـام
تعيـش فـي قلبهـا وتْعيـش فـي بالـهـا

وتشـوف محبوبتـك لا مـر عشرين عــام
تنساك ! .. ولاّ تنادي بـ/اسمك عْيالهـا

مما راق لى
اتمنى ان يروق لذائقتكم الشعريه