يا برودي كم هي احلامي غبيه

السلام عليكم ورحمة الله وبركاته

لا تلوموني ترى روحي شقيه= وارحمو فيني معانات الذليل
كان ماضي وانتهى الماضي بدّيه=ساقني المكتوب والخطوه تميل
يا ظروف"ن" غيرت فيني شويه=كيف ما تبغيني اعبث بالدليل
وانا في جيزان روح"ن" هامديه= لاني بالميت ولاني بالعليل
ذقت من جمر العنا والمر كيه=وانهزمت من العباير لاتسيل
يوم حطيت بمطار الصابخيه=قلت بلقا لي رفيق"ن" او خليل
يا برودي كم هي احلامي غبيه=ما دريت اني بها عابر سبيل
احتضرت وقلت يالله المنيه=من بكار الوقت والدرب الضليل
قمت ادور في الشوارع عنجهيه=ياهل الديره ابي مطرح نزيل
غالطوني من عصرها لاعشيه=لاني دلوني على فندق اثيل
واسترحت بحجرتي ساعه هنيه=ساعه اتخبا بها ليل"ن" طويل
قلت اب اهرب من هموم"ن" محتريه= ياعسى لو درت بالديره قليل
وين اب اهرب والهموم تحط فيه=كل ما درت بشوارعها تغيل
جيت مكسور الجناح ابلا هويه=واختظنت الليل والوقت الثقيل
وبعسق صبح"ن" تمنيته منيه=قمت اشيل الروح يم الفرع شيل
جيتهم قالو هلابك والتحيه=عندها حسيت بالحظ الظئيل
قلت ادور ندب قالو الداخليه=قلت ابنقل قالو دور لك نقيل
وقتها غارت بوجداني سريه=كيف انا اللي كنت اذل المستحيل
واقتنعت بحال فيه الروح ديه=عقب ما شاطر معاناتي جليل
الرفيق اللي وفى نفس"ن" غنيه=اكرم بجوده ولايكرم بخيل
عشت بيام المسره والبليه=والتقيت بناس معدناها اصيل
حاربو فيني هموم"ن" معتديه=واطلبوني اترك الوادي يسيل
قلت يا ربعي الفوارق معتريه=ودي اسبل وين يا وين السبيل
شفت شي انهد منّه منكبيه=حسبي الله فيهم ونعم الوكيل
ناس فيها من صفات الجاهليه=جاهل ومفرط ومعتوه وطفيل
الخدود مورمات مقرحيه=فنّه ياخاه عندهم ديم الكهيل
يخزنون من العشا حتى الضحيه=والبعض فيهم صباحه مثل ليل
والقبايل في نظرهم بلحطيه=لا نديد ولا مثيل ولا قبيل
تهت في دار"ن" معالمها خفيه=واتجاه البوصله سهمه شليل
وش اسوي ضاقت الدنيا عليه=يني ابقا والا اعود واستقيل
يالله انك لا تعذبني بخطيه=مابقا فيني ولا في الصبر حيل
عين يالله ما صفا من وقت ليه=لاين ما تسنح لي الفرصه واحيل
من ديرا"ن" داخليها بكيه=والخوارج تبكي فرحات الرحيل
لا تلوموني ترى روحي شقيه=وارحمو فيني معانات الذليل
انا في جيزان روح"ن" هامديه=لاني بالميت ولاني بالعيل

[table1="width:95%;"]