&&.. ترحيب بالمبدع.. &&

المبدع حياك الله وأهلاً بعودتك في منتداك وبين أخوانك
وتقبل مني هذه المشاركه المتواضعه
وهي بالتاكيد لا تفيك حقك

البدع=
أوووه يا صدر الفضاء لا عشت بين الضيق والترحيب=
كان صدرك مضرب الأمثال في وسعه وفي ترحيبه=
وأما ذلحين أبصرك محتار بين الكسر والشعور=
نام ليل الشعر فتره وش لقينا من ورى غفواته=
والله ما قد قلت قومي يالنجوم وفزً.. يا ديجاه=
وآنا مابغى الليل حيلو به وعن شوف النظر غيبو به=
ما لقينا منه غير أشباح وكوابيس وأحليًام=
والذي قال إن باب الفتنه طيب والغياب محمد=
ناظره بالحزم.. لا زاد العبث وأرتد ناظره=

الرد=
يالزيادي ما يكفيك الغلا والشعر والترحيب=
وانا شعري لو يقارن بالسعاده ما يجي ترحيبه=
أصعب الأوقات لا صار الشعر يقصر عن الشعور=
الزيادي فات..قلنا من بعد يملأ فراغ فواته=
وآنا لا دق الفرح بابي عرفت إن الزيادي جاه=
والله إنك من تركت المنتدى والشعر في غيبوبه=
من يصب أعذب ليالي في كفوف الشعر وأحلى أيام؟=
أنعمى شوف الشعر واللي سرق شوفه غياب محمد=
ورمينا له قصيدة رجعتك.. وأرتد ناظره=

صح لسانك من سويسرا الى عندك والله انك كفو والزيادي يستاهل ونعم بكم يالاثنين لين يلين صميد ... تقبل مروري وتقديري ...

إبداع ونظم من النوع الثقيل

الهجـــــــــــــــــــــير
صح لسانك وعلا شانك أنت
شاعر له ذائقة خاصه ومتميزه
الزياد يستاهل الترحيب أزف
لكم التحيه المرحب والمرحب به

الله الله الله

صح لسانك يا الهجير وبيّض الله وجهك
كفيت ووفيت في الترحيب بالمبدع

والله يحيي الزيادي ملايين ويصح لسانك ملايين

تقبل مروري

ياسلام سلم هذا اللي يجمد على الشارب انا لله حسبك الله يالهجير
صحيح انك اغتبت زملاك بالغيبوبه لاكن ماشي زمحه معذور

صح لسانك يا الهجير وبيّض الله وجهك
كفيت ووفيت في الترحيب بالمبدع

والله يحيي الزيادي ملايين ويصح لسانك ملايين

تقبل مروري

طيب طيب ياخي ... صح لسااااااااااااااااانك لين ترضى ..
وينك من زمان عن زي هذي المعلقات ..الشكر موصول للزيادي
لانه رجع .. وخلاك تجيب هذي الدرر.. والزيادي يستاهل .
وانت تقدر .. واكرر صح لساانك ياشديق لين ترضا ..

كفيت ووفيت يالهجيروالمبدع له ثقله في المنتدى
تحياتى للجميع

ابدااااااااااااااااااع وصح لسانك لين تلين الجبال ياالهجير
والف ونعم بك وباالمبدع وغالي يرحب بغالي واثنينكم من
رموز الشعر

الله الله
صح لسانك يا شاعرنا ابداع بالبدع والرد
ومحمد يستاهل الترحيب
تحياتي للجميع ودمتم بود
ترانيم

ابو محمد البقاء يامرحب وألف ألف ألف شكر لشخصك الكريم على شعورك الطيب
وغير المستغرب فأنت أخي الغالي والحبيب والقريب من قلبي دائما" عساني ماأعدمك
والله يقدّرني على رد كل جميل منك ومن الأخوان الطيبين والنشاما مثلك وشرواك
ومهما حاولت أجاري قصيدك فلن أستطيع ولن آتي بمثل هذا الإبداع والدرر المنثوره
ولكن ( الصمت في حرم الجمال جمال ) ... إحترامي وحبي وتقديري لك يارجل ...