%%% (( اللــــــــــه لا يــبـــــــــلانـــــا )) %%%

أهل الهوى .. وأهل العِشِقْ .. مبليّه=
ماأقول غير : الله لا يبلانا=
هذا فيوزه ضاربته رقيّه=
وهذا معلّق في غرام ديانا=
وهذا يفكّر يختطف تُركيّه=
من يوم ماشاهد لميس أذّانا=
وذاك .. أوووو ياذاك .. ناوي نيّه=
طايح بعبده كنّها فوفانا=
هوّت وقامت .. والعبا مثنيّه=
على الخصر كنّه غصين ألبانا=
والدلخ مثل اللي نهب ماليّه=
قام أرتعد وأهتزّت الأركانا=
حتى أقترب منها شويّ شويّه=
وأرسل لها غمزه من الأعيانا=
يوم أكشفت والا وهي جنيّه=
هذي نهاية ظبْيه الفتّانا=
والعالم اللي فوق والتّحتيّه=
واللي سمع بالحب وأنتم وآنا=
وذا .. وذاك .. وذي معَ هاذيّه=
واللي يشدّ الرحل واللي جانا=
خلّوا علاقتنا أبد سطحيّه=
ماصابنا في مامضى كفّانا=
أهل الهوى .. وأهل العشق .. مبليّه=
ماأقول غير : الله لا يبلانا=
***

ووورد ووورد ووورد

الله لايبلانا....واللي ابتلي يعافيه الله
صح لسانك وقلبك
رائع
متجدد
مميز
فعلا .............المبدع
لاهنت

ههههه
صح لسانك ودفنوك على طول والله اعجبتني يعلم الله

اذا كان في العشق داء وابتـــلاء ً
فلا تلومون قلبً بالمحبة يبتلي

هههههههههه

صح لسانك ملاييين ومبدع اينما اتجهت

صح لسااااانك ملايييييييييين

وانتبه تراني كتبت قصيده نبطيه هنا إسمها (( الله يعافيكم ولا يبلانا ))

وسببت لي مشاكل بعد بعثرتها لا ذلحين ههههه

اقتباس : المشاركة الأصلية كتبت بواسطة سمّار [ مشاهدة المشاركة ]

الله لايبلانا....واللي ابتلي يعافيه الله صح لسانك وقلبك رائع متجدد مميز فعلا .............المبدع لاهنت

الله لايبلانا ...... آمين

صح بدنك وقلبك .....

الروعه والتميز والتجدد

في مرورك العذب .. لاهنت

اقتباس : المشاركة الأصلية كتبت بواسطة فهد قزعه [ مشاهدة المشاركة ]

ههههه صح لسانك ودفنوك على طول والله اعجبتني يعلم الله

صح بدنك ههههه ياقشطه وضحكه دائمه ......

إعجابك هدف منشود لاهنت وتسلم.....يعطيك العافيه

اقتباس : المشاركة الأصلية كتبت بواسطة ملك الليل999 [ مشاهدة المشاركة ]

اذا كان في العشق داء وابتـــلاء ً فلا تلومون قلبً بالمحبة يبتلي هههههههههه صح لسانك ملاييين ومبدع اينما اتجهت

هههههههههه ضحكه دائمه والظاهر إنك تضحك على ( فوفانا ) لاعب النصر زمان

شكلك هلالي حوااجب ..... لاهنت ويعطيك العافيه غمززززة

اقتباس : المشاركة الأصلية كتبت بواسطة الهجيــــر [ مشاهدة المشاركة ]

صح لسااااانك ملايييييييييين وانتبه تراني كتبت قصيده نبطيه هنا إسمها (( الله يعافيكم ولا يبلانا )) وسببت لي مشاكل بعد بعثرتها لا ذلحين ههههه

صح بدنك ملايييييييين ...

وماعليك أنا ماقلت الله يعافيكم ههههه الضمير للبعيد حوااجب
تسلم يابو محمد وألف شكر على المرور ...

مبدع

صح لسانك

يعطيك العافية


تحياتي