عالجت جرحي بروحي !!!

جايني تعتذر !! بعد ايش يالغالي=
من بعد دمعي على الخدين سيلته=
أخطيت واقفيت غير مصبراً حالي=
وش كثر دمعي على فرقاك هليته=
من بعد فرقاك ماعد جيت في بالي=
والله لا عاد ساعه يوم حبيته=
بدلت طعم الحياه المر بالحالي=
وحطيت قلبي بيدك لأكن افنيته=
ما ترحم الحال في حلي وترحالي=
خليتني لغز للعالم وحليته=
سبحان ربي نسيتك وانته أقبالي=
من كثر مالقلب تعبته وعنيته=
كنت اسهر الليل وانت تنام بخيالي=
والنوم لا يزعج أعيونك ووصيته=
أفرش لك الورد بقدومك ومن مالي=
والمستحيل لشوفتك يا زين سويته=
سرت اخدمك خدمة الخدام للوالي=
لأكن كحلت شوف الحب وأعميته=
شف له سنه لليوم مايطري على بالي=
عالجت جرحي بروحي يوم خليته=

وسلامتكم