%%% (( مجــــــرّد كــــــراسي )) %%%

حنّيت لك يومي تذكّرت ماضيك=وأنا أحسب إنّ القلب داله وناسي
يبطي عظم قلبي ولا هوب ناسيك=بإسمك صرخ بين المِحَن والمآسي
أحيا على ذكراك لا حلّ طاريك=وإن ماتذكّرتك تعطّل حواسي
أهواك.. وأتمنّاك .. وآموت أنا فيك=وغِيرتي كُبْر الجبال الرواسي
وكانك تحِبّ الغير .. فالله يهنّيك=أصلك معي من بادي الوقت قاسي
عز الله إنّي كنت من كُثْر ماأغليك=أفشيت حبك بين ربعي وناسي
والناس ماتسوى بعيني مواطيك=تغرق على بحرك جميع المراسي
لو قلت لي :دوّر على من يسلّيك=قلت : آآآه أنا واشيب عيني وراسي
لاذا .. ولاهذا .. ولاذي .. ولاذيك=كل البشر بعدك مجرّد كراسي
***

الله الله
صح لسانك ملايين يالزيادي وسلم بنانك

المبدع
صح لسانك وسلمت يداك
ابيات قمة الجمال والذوق الرفيع

اقتباس : المشاركة الأصلية كتبت بواسطة متعب الدوسي [ مشاهدة المشاركة ]

الله الله صح لسانك ملايين يالزيادي وسلم بنانك

وصح بدنك ياغالي ... لاهنت

لاعدمتك .... والله يعطيك العافيه

نص يتباهى برووعته وشمووخه ليصل الى الاعماااااق
اعحبتني ماسطرته هنا من كلمات لامست مشاعري

صح نبضك وقلبك وفكرك وتسلم يمينك ويعطيك العاااافيه على الابيات الرائعه ...

كل التقدير والاعجاب ...

صح لسانك ياشيخ لين ترضى مبدع اينما حليت

صح لسانك شاعرنا المبدع

أبدعت كالعاده

لاذا .. ولاهذا .. ولاذي .. ولاذيـك

كل البشر بعـدك مجـرّد كراسـي

صح لسانك ..وبارك الله فيك

ابداع من مبدع

عسل
صح لسانك مبدع ولا فيك حيله والله يصبر قلبك

الله على الابداع وراعيه .. حسبك الله ياشيخ مابقيت شي للشعار