جديدي( قالو ثمانين عام وقلت باقي ثمان)

قالو ثمانين عام وقلت باقي ثمان = ضيفو عليها ثمان وقسموها رباع
قالو لك الشعر يكتب قلت يامستعان = ليّه عقل يحتميني من كلام الضباع
قالو عنيده وقلت الضعف ما له سمان = ماني بسهله تقاد ولا نويت الضياع
قالو علامك قويه او سليطة لسان = قلت الحقيقه تراني منصته باستمااع
انا بعالم غريب وشفت فيه الجنان =خالطت عقل الكبير وشفت بعض الرعاع
وشفت المهبل يصبون العسل للحسان = ويدني جلابيب من زين الحكي بانصياع
ان قلت له والشهامه قال مابه امان = وإن قلت له والاخوه شفت منه اليراع
هذا زمن مات فيه الطيب والغدربان = واستسيد الثعلب الشرير لام القناع
ياهيه ياللي وثقتي ما بوقتك ضمان = ما تدري ان الزمن ما فيه غير السباع
لا بد ما ينكشف ويبين لك هرج فتان = موال غدره يجرك يا حسين الطباع
الخير والشر ما له بالزمن والمكان = لو سارت ابك السفينه لازمن لك شراع
اعمل لدنيا كأنك ما تغادر زمان = وخلك زهيدن بدنيا لاجل كسب المتاع

صح لسانك وسلم منطوقك ياأديبتنا الجميلة
قصيدة في غاية الحكمة والبيان
تسلمين على هكذا أبيات
لكي مني أخلص الدعاء
آمير الكونتحيــــــــــــــــة

وش تبين بن هندي يقول؟؟؟

صح لسانك يابنت الرجال أنتي سلطانه متسلطة على المفردات الجميله
إذا ليس لدى الشاعر مفردات وأبيات كهذه فمن الأفضل أن يعتزل الشعر

أبارك لك هذا الإبدااااااااااع

صح لسانك يا ترانيم الشعر والاخلاق ..مبدعه في كل حالاتك العلم الاخضر

ترانيم المطر

صح لسانك ملاييييين على هذا الابداع والحكم
فالك البيرق العلم الاخضر

اقتباس : المشاركة الأصلية كتبت بواسطة آميــر الكـونـ [ مشاهدة المشاركة ]

صح لسانك وسلم منطوقك ياأديبتنا الجميلة قصيدة في غاية الحكمة والبيان تسلمين على هكذا أبيات لكي مني أخلص الدعاء آمير الكونتحيــــــــــــــــة

أمير الكون أسعدني تواجدك حيل
ربي يسعدك
أشكرك على دعوتك ولك منها نصيب بإذن الله
تقبل تحيتي وتقديري
ودمت بود / ترانيم

ميه ميــــه

صح لسانكــ ترانيم

مافيكــ حيله وفالك التوفيق

ارق التحايا

صح لسانك مليارات يا ترانيم الابداع

اقتباس : المشاركة الأصلية كتبت بواسطة (((بن هندي))) [ مشاهدة المشاركة ]

وش تبين بن هندي يقول؟؟؟ صح لسانك يابنت الرجال أنتي سلطانه متسلطة على المفردات الجميله إذا ليس لدى الشاعر مفردات وأبيات كهذه فمن الأفضل أن يعتزل الشعر أبارك لك هذا الإبدااااااااااع

صح بدنك ولااااااااا هنت لقد أسعدني تواجدك فالابداع هو مرورك
تقبل تحيتي وتقديري
ترانيم

اقتباس : المشاركة الأصلية كتبت بواسطة نديم القوااافي [ مشاهدة المشاركة ]

صح لسانك يا ترانيم الشعر والاخلاق ..مبدعه في كل حالاتك العلم الاخضر

صح بدنك يا صاحب الذوووق الرفيع
الابداع هو تواجدك
تقبل تحيتي وتقديري
ترانيم