بعدها اهدي تحيّة كل غالي في رباع اللي لهم قدر ومكانه

اهداء متواضع لااخواننا واصدقائنا في رباع ونخص الشيخ الفاضل ابو عادل بهذه الابيات التي لاتصل الى مانريد ولكن اعذرونا على القصور

ابتدي قافي بربي ذا ألجلالي
قاف مثل البحْر والمقصود دانه
قاف تفرح به قلوب الرجالي
والشعر والقاف والمعنى أمانه
بعدها اهدي تحيّة كل غالي
في رباع اللي لهم قدر ومكانه
ياهجوسي بعْد ماجالي مجالي
قاف يرفع مانزل يم الدنائه
لـبو عادل راعي الصدر الشمالي
العزيز اللي حفظ قدره وصانه
شيخ ياقف للحمل مثل الجمالي
بينه وبين الوفا حب وميانه
لاوقف تقصر ليا قام الطوالي
في فعول الخير يسبقهم حصانه
في اللوازم معه إجابة للسؤالي
وفي المجالس فاح طاري زعفرانه
هو حمود ابن احمد الحر المثالي
شيخنا اللي نصخر المعنى عشانه
كاسبٍ كلمة نعم في كل حالي
جل شآن اللي رفع قدره وشآنه

صح لسانك وبندك ملايين ياشاعر
والشيخ ابو عادل ورباع يستاهلون المدح
قصيدة رائعة بروعة القائل

ابيات جزله من شاعر جزل
صح لسانك وسلمت يداك

ابدعت وصح لسانك ملايين ياحفيد جريبيع وابوعادل
ورباع يستاهلون الامداح والف ونعم باالمادح والممدوح

سلمت يدااااااااااااكـ ..
تحياااتي مع جزيل الشكر ..