النساء عندنا مظلومات!

تقديري واحترامي لكل من رد علي وآراءكم ممتازة لكن يجب ان تعرفو اني اريد اناوصل لكم بس ان البنت في ديرتنا خاصة محاصرة من الاب والام والاخوة الذكور
مثلا والله ما اقدر اشوف مبارة كرة قدم رغم اني احب الكورة . لاتقولوا حللتي شي حرام .
والله ما اقدر اتكلم مع ابوي في البيت مثل اخوي هو رباني كذا ما يقابلني .
والله ما اقدر اكتب قصيدة واحدة فيها حب او غرام . قصدي كلمات مثل حبيبي وغيرها.
البنات دايم مشكوك في امرهن .
النت لو في احد يدري اني اكتب لكم مصيري الضرب والشتم والفضيحة في القرية .
شباب : هذا المتنفس الوحيد اللي لي اتكلم فيه بحرية ويسلم من وضع الموقع .
انا بصراحة ابي الديمقراطية الاسلامية .
ماابي شي ماني مقتنعه فيه الا بدليل واضح من الكتاب او السنة .
واخيرا فانا اختكم ان كان بي ظلال فمن الشيطان فعدلوني ون كنت اقول الحق او بعضه فايدوني . فمن معي ومن ضدي حتى يتضح الامر والصورة .
ملاحظة : شكر خاص للمشرف صقر الجنوب
ويمتد لسعيد
اما المتميز فقد وضح قواعد ودرس لاخلاف فيه وتهرب عن قضية الميراث في ديرتنا حيث تكلم بوجه عام والحقيق ان ثقافته العالية تخوف . واتمنى ان يصب ثقافته في مجتمعنا فقط الديرة فقط ولا اريد ذكر اسماء قرى بعينها للتقدير.
اختكم المزيونة.

شكرا على ردودكم

ياشباب المزيونة تبغي الأنفتاحية لكن معك شيبان زهران انا فداهم

الأخت المزيونة : نحن نعيش في مجتمع اسلامي محافظ وتحكمنا عادات اجتماعية واعراف قويه هدفها العام المحافظة والعفة وكل مافيه الخير للجميع ، ومع ذلك نسمع عن الكثير من الإنحلال والإنحراف في مجتمعنا فكيف إذا ترك الحبل على الغارب ؟ أظنك حريصة على حماية المرأة المسلمه من كل اسباب الإنحراف وكل مايشوه سمعتها ولوبعد حين وقد حصلت المرأة على معظم حقوقها في المجتمع وحصلت على أعلى الشهادات والمكانة الإجتماعية المحترمة 0اشكرك على طرح الموضوع واشكر اخي المتميز على توضيحه الوافي لهذا الأمر والله الموفق0

ابي الديمقراطية الاسلامية .

حلوووووه

أول شيء مشكورة أختي على الموضوع

و بالنسبة لي انا ضد الفكرة تماما

http://www.movn.net/al_rasyah/mleet_antther.ram

الأخوة الأعزاء كل من شارك برد في هذه الزاويه له منا جزيل الشكر والأمتنان واخص بالشكر المتميز على اطروتحه التي لاتحتاج منا الإ رفع القبعه اعجاباً وفخراً

السلام عليكم

الاخت مزيونه اول شي احب اشكرك على طرح موضوع مثل موضوعك علشان نتناقش فيه

بس انا اشوف فيه لبس في الموضوع وياليت توضحين اكثر يعني انتي من خلال الموضوع

يوم قريته حسيت انك تبين ( الاهتمام الاكثر من جهه الاهل والمجتمع ) هذا الي انا فهمته من كلامك

بس اتوقع ان التعبير خانك <-------<< واذا خطأ كلامي ياليت تصححين

ولاحظت من ردود الشباب انهم فاهمين الموضوع خطا يعني يقولون تبين الانفتاحيه

والديمقراطيه الي تكون على اساس خاطي


ياليت يالمزيونه توضحين اكثررررر

ويوم قلتي انك ماتقدرين تشوفين مباره ولا تكتبين قصيده مستحيل ان كل بيت فيه نفس الاسلوب

يعني انا الي اشوفه ان كثير من الاهل والاباء موفرين الحريه للابنائهم وبالذات البنات

بس اكيد لها حدود لان كل شي في العالم له حدود ولا كان ضعنا من زمان

ومقابل هالحريه فيه الثقه والصراحه الي لازم يكون اساس التربيه مبنيه عليهم

باختصار الكلام الي قلتيه خاص على بعض البيوت وليس عام

اتمنى اني اكون فهمت قصدك بشكل صحيح وعلى اساسه كان الرد

واذا كان غلط ياليت توضحين


قبل مانهي كلامي احب اوجه كلمه لبعض الاعضاء المشاركين في الموضوع

اتمنى من كل واحد يبي يشارك يقول كلام فيه فائده وبدون سخريه او استهزاء

على كاتب الموضوع الهدف من النقاش هو الفائده للجميع وليس استعراض للعضلات

وفهم الموضوع قبل الرد بشكل قاسي


وشكرا

الاخت المزيونه الموضوع بأكمله غير هادف ارجو ان تكون نضرتك وكتاباتك ابعد شوي الله يعطيك العافيه

اشكر اختي المزيونه لموضوعة وتمنى من الله ان مطالبك يامزيونه في حدود عاداتنا وتقاليدنا
واشكر اخي عافك وقله والله زمان والله اشتقنالك والف شكر لتنبهك للاعضاء لردودهم على الموضوع

يالمزيونه فيه شي تبع الرجال عامه وللنساء خاصه فالدش والانتر نت والكوره منتي مجبوره عليها فاتمنى ان تمضين على المنهج الصحيح وشكرا ؟