يا أمير المنتدى ونائب كبار المشرفين

يا أمير المنتدى ونائب كبار المشرفين = التحيه من قصيدي لا وصل في منتداك
جيت حشمه للرجال اللي وطت رمضا السنين = جيت ومخلابي يعشيني وعيني ماتراك
حر فوق النايفات وما اصيد الا السمين = وش بغيت من القصيد اكتب ولا ادور وراك
مانقلت الشعر عندي للجزاله موق عين = لا نظرت الصوره ارسمها واشوها عراك
وزاوية تسعين عندي في القصيده ماتبين = لين احارب كل ضلع وابتدي بالاشتباك
القلم سيفي وعلمي في البلاغه علم دين = والحروف تطيعني محل ما وثقها هناك
وارسم الصوره وتطلع زين يحضن كل زين = ويرتفع بيرق خيالي في سما ماهي سماك
وانتصر في معركة حطين والا في حنين =المهم الانتصار اللي تعدا مبتغاك
الجزاله في قصيدي ما تدور كلمتين = ولا شهاده او وسام الشعر او صفقت يداك
الجزاله تطرب الخافق واذ لك مطربين = صوت طبلتهم على ايقاع صوت الاحتكاك
السبب في ها القصيده طمرتك والله يعين = ماقريت اسمي وتوقيعي وقل لي وش بالاك
ماعرفت الصقر لا ماينشوي حر الجبين =ولابغيت تفكر انك تشتوي شف من شواك
لاغديت تشوف نفسك ياعقاب انك فطين = فعرف اني حر وعيوني تصيدك ماتراك

القصيده للنادر الصغير

دام حسك ونبضك


صــح لـسـانـك مـلاااايـيـن لا هـنــت

تـحـيـتـي وتـقـديـري

الله عليك يالنادر الصغير انت نادر صغير ولكنك كبير بكلامك وقوة معانيك الرائعه


حر فوق النايفات ومـا اصيـد الا السميـن
وش بغيت من القصيد اكتب ولا ادور وراك

كفو ياشاعر وصح لسانك............

اقتباس : المشاركة الأصلية كتبت بواسطة بدوية [ مشاهدة المشاركة ]

دام حسك ونبضك صــح لـسـانـك مـلاااايـيـن لا هـنــت تـحـيـتـي وتـقـديـري

صح بدنك
لاخلا ولا عدم من اجمل حضور

لك التحيه من النادر

دمتي بخير

اقتباس : المشاركة الأصلية كتبت بواسطة شاعر المعنى [ مشاهدة المشاركة ]

الله عليك يالنادر الصغير انت نادر صغير ولكنك كبير بكلامك وقوة معانيك الرائعه حر فوق النايفات ومـا اصيـد الا السميـن وش بغيت من القصيد اكتب ولا ادور وراك كفو ياشاعر وصح لسانك............

شاعر المعنى

ماعليك زود يالقرم

لاخلا ولا عدم
تسلم على اطرائك
لك الاحترام والتقدير من اخوك ابو نايف

دمت بخير

لا تعليق ؟؟؟

رغم ماتحمل قصيدتك في طياتها
من معاني واضحة

ما اقول الا

صح لسانك وعلا شانك ملايين والله يحييك في اكاديمية المبدعين

صح لسانك

يعطيك العافيه\
شـكــ وبارك الله فيك ـــرا لك ... لك مني أجمل تحية .