بوح

يهل المقامت الرفيعه والانساب=الباب مايقفل على كل لافي
يوم"ن" طرقت الباب رديتم الباب=وارصدتم الاقفال كره وتجافي
لاعرف يرضاها ولا جود نباب=ولا الفقير اللي حلومه مضافي
هب ذا عميلي ماقبل مزحة اصحاب=هبني على المزحات رجل"ن" منافي
لاكن لا توصد على الباب الانشاب=عيبه بحقك وانت بالحق وافي
يمكن تعالت شوفتي كل مرقاب=والا السحابه عاصفت موج سافي
لربما الواقع تصوره كذاب=والعالم الخافي بما فيه خافي
يامحتسي دمي كفا صكع الاكواب=نخبك دمي لاتحتسي الدم كافي
لوكانت الدنيا سبب فرقة اقراب=انشد على الدنيا عوافي عوافي
واليل لو هو صبح ما عاشو احباب=والسيل لو هو قطر مات فيافي

عساك سالم

هذي القصيده لك والا منقوله ؟

هلا يا زهران

القصيده بقلمي

أبو غايب

ياخي أذا هذي بقلمك فكيف تكون في المواهب وقصائدنا في القسم النبطي ؟؟؟

انصافا للشعر تكون قصيدتك هذي في قمة القسم النبطي وقصائدنا هنا

او قصائدي أنا بالذات

ابداااااااااااااااااااااااااع ما بعده ابداع

صح لساااانك ملايين


وسجلني من جمهورك

اخي الكريم زهران

رفع الله قدرك
وما انا الا هاوي للشعر

اشكرك على الإ طراء والمجامله

وتقبل فائق امتناني

القصيده رائعه بكل المقاييس وانا برضو سجلني من جمهورك ياابو غايب

احترامي وتقدير لك يا اخ علي

والعين ما تعلا على الحاجب

تقبل فائق امتناني

كلام كلام ابو غايب
بيض الله وجهك كلام من ذهب
لا تحرمنا جديدك