وشبك تركت القلم والبوك والمحبره

[نجم الجنوب]

ياصاحب العقل ياللي تدعي بالكمال = وشبك تركت القلم والبوك والمحبره
ماعاد عقلك يميز شينها والجمال =ولا عاد تذكر صلاح الدين والشنفره
خذاك فكر النصارى لين سبت القتال=جنحت للسلم واستسلمت في منبره
صنع لك الفتنه لين اسهبت له بالخيال=وثارت احقاد فوق اوطانك مبعثره
الى متى وانت ساكت راكبتك الرخال =عثى بك الوهن مالك بيننا مقدره
يسيرونك جنوب وساع تمشي شمال=لو تعتذر مال مثلك للورى معذره
وين الامانه وتخلط بالحرام الحلال =اغروك بالمال والتهديد والمنظره
ياصاحب العقل لاتحتار والوقت مال =اخير من ظاهر الدنيا لنا المقبره
مادام شور الرجال اليوم ماله مجال =وزينو للنساء التغريب والصنفره
دار الفلك وانتهى المعروف بين الرجال=الحكم للغرب واما الشور عند المره
يارب خيرن من الفتنه تدك الجبال =وارسل لنا ريح تحمي دينك مدمره
والا فخذني عن اهل الزيف واهل الظلال=مابي حياتن بها الاذلال والمرمره
يالله طلبتك تعز الدين ياذو الجلال =وتوفنا مسلمين وجيهنا مسفره

[عذبه]

حالة مخزيه من الصمت والخذلان والانقياد تعم العالم العربي
والاسلامي .

رائع دائما في الحديث عن واقعنا بعين شاعر وقلب مسلم
تحز في نفسه حال امتنا .

بورك الحرف وصاحبه .

[لؤلؤة زهران]

شاعر الابيات الجزله
نجم الجنوب
صح لسانك وسلمت يداك