قولوا للغالي قولوله

[قيثارة الشرق]

قولوا للغالي قولوله

.
.
.
وشهوله يبطي وشهوله
ما جا ولا جا مرسوله
و الحب الله يكفي شره

انا عليل الضماير
انشد و اسوق البشاير
همي زاد و فكري حاير
فارقني و الفرقى مرة

امشي و انشد عن مضنوني
و اسهر و انتم ما تدروني
دامي ما شفته بعيوني
ما ترقد عيني منسرة

اترك سكة و اقضب سكة
لقيت ابواب منصكة
جيت الطايف و اهل مكة
قالو ما شفناله جرة

جيت اهل ابها و اهل الوادي
و انشدهم حضر و بوادي
قالو عود يالنشادي
ما جا الدواسر و المرة

و انشد شمر و انشد علوى
و اهل قطر و اهل سلوى
قلت انا مبلي بلوة
في زين المبسم و الغرة


قالولي وشلون اوصافه
نرسل له ناس عرافة
تجوب بنجد واطرافه
تنشد و تلقى مقره

قلت اوصافه يا خلق الله
كامل و الكامل وجه الله
في عيني ما مثله والله
قلتها مرة باثر مرة

اوصاف الغالي غريبة
عين و خد و جيد و هيبة
عذبني و الله حسيبه
ياما شكيت المضرة

[صوت العقل]

الله الله ياقيثارة دايم مبدع

[متعب الزهراني]

ياما شكيت المضرة

سلامتك من الشكوى.ياقيثارتنا

[قيثارة الشرق]

صوت الارض متعب كلي فخر على تواجدكم معنا تحياتي

[المجهر]

حلوحلو يا بوصفر

[قيثارة الشرق]

بالسين وليس بالصاد يا مجهر اعقل تحيااااااااااااااتي