القلب نادي في ملاعب غرامك

[علي السبيَه]

القلب نادي في ملاعب غرامك
عشرين عام ولا خذا له بطوله
.
وضاع ترتيبه بجدول نضامك
ماقد ثبت رقمه ولا نص جوله
.
كل المواسم يحتكرها جمالك
ألامر له وينفّذ اللي يقوله
.
واحنا في الملعب ندوّر وصالك
وقلبي معك يازين كم حال حوله
.
العب واتكتك وانت تلوي حبالك
لعبك غريب ولا عرفنا اصوله
.
جمهوري الاشواق وانته لحالك
والعام تتّابع علينا فصوله
.
ما توصل الاهداف شبّاك بابك
خسران من هاجم ولا جاب قوله
.
انت الذي تعصى عليّه شباكك
رغم ان لي فاللعب صوله وجوله
.
ما دام حنّا ما خطرنا ببالك
كاس البطوله من يدك ما نطوله
.
تدري وش اخر ما يدوّر جنابك
اترك لك الملعب بعرضه وطوله
علي السّبيّه