الرحله المستحيله

[علي السبيَه]

الرحله المستحيله ما توديني
لو يرحل العمر فيها ضاع مشواره
.
ياليت الايام قبل الموت تمهلني
ابلغ هوى خاطري وازيّن اخباره
.
يا حلمي اللي غدى محتار في عيني
ما بين لمع السراب وضجة اغباره
.
يبعد ويقرب ويضميني و يرويني
يلعب بالاعصاب والاعصاب منهاره
.
ادوّر السعد لكن وينه و ويني
اغراني الوقت والايام غدّاره
.
عمري يعاني و يزداد التعب فيني
مابين مرّ الزمان وقسوة اقداره
.
واسرار قلبي على موتي تحيّيني
لا مات قلب المعنّى ماتت اسراره
.
سرّ الحياه لا تذكّرته يبكّيني
الهم بيني وبينه يسدل استاره
.
راحت عليّه الحياه وراحت اسنيني
وغاب نجم الامل في عين سمّاره
.
لو يجدب الوقت ليت العمر يمهلني
من قبل ما تنهي الايام مشواره
علي السّبيّه