قلوب الناس

[علي السبيَه]

قلوب الناس كم تقسى وتنسى
والحياه ادوار
وانا قلبي رهيف احساس لا
يقسى ولا ينسى
.
اعيش ابذاكرة عمرى وفي
دوّامة الاسرار
يذوب الصمت والآهات بين
البوح والهمسى
.
حدايق ذكرياتي زاهيه
بالورد والازهار
وينعشني شذاها في صباح
العمر والممسى
.
وعمري ذاب لعيون الزمان
اللي فداه اعمار
زمان الوصل يوم الموج بين
الشطّ والمرسى
.
وياما الورد والنرجس تمايل
في شهر آذار
وياما ذاب مابين الشعور
وخافي الحسّى
.
اقلّب صفحة الذكرى واتابع
سيرة المشوار
صحيح اللي يحب بصدق
لا ينسى ولا يقسى
.
ولولا الحب صار الكون كله
في جحيم النار
ولا نور القمر يضهر ولا تشرق
لنا شمسى
علي السّبيّه

[صقر الجنوب]

اقلّب صفحة الذكرى واتابع
سيرة المشوار
صحيح اللي يحب بصدق
لا ينسى ولا يقسى

قمة الرقة والعذوبة في المشاعر يطوعها احساس شاعر
ابداع يفوق الابداع

[علي السبيَه]

اقلّب صفحة الذكرى واتابع
سيرة المشوار
صحيح اللي يحب بصدق
لا ينسى ولا يقسى

قمة الرقة والعذوبة في المشاعر يطوعها احساس شاعر
ابداع يفوق الابداع

تسلم ياابواحمد واشكرك جزيل الشكر على
كلامك الطيب والابداع يتجلى في تشريفك الغالي