الحظ

[علي السبيَه]

من زان حظه زان ليله
بالكواكب والقمر
ومن شان حظه في عيونه تختفي
شمس النهار
.
الحظ يلعب لعبته مابين
رغبات البشر
يختار مايحتار يلعب فالبشر
لعب القمار
.
ناس" يحلّي ايامها وناس
يهريها قهر
واحد يذوّقه العسل واحد
يجرّعه المرار
.
وشخص يبني له قصر وشخص
يحفر له قبر
بيوت يعلي شانها بيوت
يغديها دمار
.
ماهي على حسب النوايا
واختلافات النضر
خلف الكواليس الحقايق غير
والاسرار عار
.
لكن ترى الدنيا حظوظ وبعضها
يفلق صخر
من طاب حظه مالبشر طابت
حياته بختصار
علي السّبيّه

[صقر الجنوب]

من زان حظه زان ليله
بالكواكب والقمر
ومن شان حظه في عيونه تختفي
شمس النهار

ابيات حكمة من شاعر الحكمة والابداع
صح لسانك عداد ماخط القلم من حروف

[علي السبيَه]

تسلم وصح بدنك ياابواحمد ياالغالي وكلامك
اعتبره تاج على راسي والله لا يخلينا من
الناس الطيبين مثلك يارمز الطيب والوفا