شو بدّك

[علي السبيَه]

شو بدّك تلعب في قلبي شو بدّك
قلبي منّك مقهور ومنّو مرتاح
.
من شان انّك مزيون الحىّ من قدّك
ومن شان انّك نور الحاره والمصباح
.
يادلّي منّك يادلّي من حبّك
تقبر قلبي يامن ملّيتوه اجراح
.
شفتك مرّه وارتحت وقلبي ضمّك
ومن يوم ماشفتك طيفك ما عنّي راح
.
ورد الشام الزاهي يخجل من خدّك
والتّوت الاحمر في لون الشّفه ساح
.
قلبي دخيلو حبّك يتمنّى قربك
ياطبّ القلب المتهالك يالجرّاح
.
انت قلبي واسمع ياقلبي نبضك
ينطق بااسمك دقّاتوه والخافق صاح
.
حبّك عذّبني ياهوه خاف من ربّك
بيّح صبري والمكنون الخافي
باح
.
بخطف رجلي للضيعه ضيعة جدك
واشكي منّك للمختار ابوصياح
علي السّبيّه