مـــعـــلـــقـــة عـــيـــظــه بـن طــويـــر

[صقر الجنوب]

للأ ستماع أضغط هنــــا (http://www.geocities.com/alhatem17h/abumoneer.mp3)






يالله تثبت مجتمعنا على القول الثبـات=واجبر قلوبا صلاهـا التجلّـد والكمـد








لفقيد الامه الفهـد محمـود الصفـات=قايد النهضه منار الهدا نجـم السعـد








واجهتنا اكبر مصيبة دهتنا في الحيـاة=يوم بلغنـا الحقيقـه بموتـك يافهـد








قمت من وقت الضحى لامقيل ولامبات=كن في جفني تقرّح وفي عينـي رمـد








آتذكر صاحب التضحيـه والمنجـزات=حث في مسعاه وانجز وجاهد واجتهـد








آتذكر صاحب الفضل راعي المكرمـات=خادم البيتين زبن الدخيـل المضطهـد








آتذكر يوم حـرب الخليـج الكارثـات=السما دخـان والارض قـوة تُحتشـد








آتذكر حزم راعـي الـدراج العاليـات=للكويتي يوم زعـزع كيانـه وارتعـد








آتذكـر وقفتـك يافهـد للمكـبـرات=بالسياسه والرياسه وتحكيـم ورشـد








آتذكـر نهضتـك ومالشاهـد بينـات=العلم مرفـوع والـرّا يغـار وينعقـد








جبتها في وقت محدود من كل الجهات=ماصبحت والا المواكب تعـد وتستعـد








ماتقاعس للتفاوض وقيلة خذ وهـات=ثمـن الوقفـه وبالله توكـل واعتمـد








لين حررها واقـام البنـا والمنشيـات=وتهنت لـذة النـوم والعيـش الرغـد








استتب الامن وتحطـم النـازي وفـات=وانتهى التحرير بالنصر والصف اتحـد








سالوا التاريخ عن كبر هذا المعجـزات=عندما حلـت بجابـر ونـادى وانتجـد








ماوقف في جنبه الا زبون المعضـلات=لين قر البحـر والبـر والعالـم ركـد








كل ساعه يافهد لـك بقلبـي ذكريـات=ان تسلى خاطري وان صحى والا رقـد








آتذكر مانفقـت بـه يديـه الخيـرات=راحته ساحة عطـا والنكـارم تنحمـد








فيض جوده مثل فيض البحور الزاخرات=غطت العالم وفاضت على وجه البلـد








سدووا منها احتياج الآباء والامهـات=والعمي والبكم واطفال في حضن المهد








نسأل الله منـزل الغاشيـة والذاريـات=الرحمن العافي الشافي الفـرد الصمـد








ان يتغمد فهـد بالعفـو والمرحمـات=رحمة تغمر عظامـه وتربـه واللحـد








ثم يجعل منزله في الجنان المنعمـات=بجوار عمر وابو بكر فـي دار الخلـد








دار(..) اركانها حور عيـن معرّبـات=كنهن اللول مكنون فـي طـي الغمـد








الغرف محفوفـة بالنعيـم مزخرفـات=والسرر مرفوعة(ن) تستنيـر وتنتجـد








خير مانحلق فهـد دعـوات صالحـات=تاصله منا وتبقى علـى طـول الابـد








ماسهى عنا بنا ليـن وافـاه الممـات=وزرع مايغنـي الولـد واولاد الولـد








الرجا في من تقـدم واقـام الواجبـات=وتربع فوق عرشـه وللعليـا صعـد








الملك عبدالله العـدل رجـل الطايـلات=ماتربع في عرين الاسـود الا الاسـد








عزز احكام الشريعه وصان مقدسـات=وحكم بالعدل رغم الحسود ومن جحـد








انت ماتحتاج منـا دليـل وتوصيـات=نحن الشعب الذي في حماكـم يستنـد








عندنا بيعة ولاء من نفوسا صادقـات=مانخون ولانخـادع ولانخلـف وعـد








نعطي البيعه ونبرم عقـودا مبهمـات=من وفا واخلاص ماهي على زور وفند








استندنا تحت ظل الجبـال الشامخـات=واهتنينا الاكل والشرب وراتاح الجسـد








يامكلنا (..) في ذا البـلاد الطاهـرات=ياحجا المنكوب والي على بابـك وفـد








مملكتنا زاهره من عصورا ماضيـات=شامخه مرفوعة الراس ماتخضع لاحد








الامور بقبضتك والنواصـي خاضعـات=وانت عززت المباني وشيـدت العمـد








انت من صديت عنا الجموع الصايرات=في نهارا بـارد الزنـد ولّـى وابتعـد








انت درع المملكـه للامـور النايبـات=ياذرا المضهود واللي زبن وقت الهجـد








وولي العهد سلطان الى حلـت وجـات=وجّـه القـوة وزاد الذخيـره والمـدد








ان حدث حادث تقدم لحـل المشكـلات=وان حضر في المجتمع زاد تطبيق العدد








حقق المسعى لطلب الامور الساميـات=وابرم الخطه وثبـت مواثيـق العهـد








ياملكنا في يمينك رجل لـه تجربـات=العضيد اللي بجنبـك تربـع واعتضـد








له مع احداث الليالي خبر ومساجـلات=مزبن الخايف ومن قل مالـه وافتقـد








راحته تندا وله في البـلاد مساهمـات=لو يجود بما معـه لايمـنّ ولاحسـد








مكرماته مثل وبل المزون الممطـرات=جاد في ماله وفضله يجـود وينوجـد








هم عيال اللي جمع شملنا عقب الشتات=وامتطى صهوة جواده وبالسيف اقتلـد








ماحكم باصوات ومعاهـده ومبايعـات=واصل الحملات في سيرته وانجز وجد








ثبت اركان العقيـده وازاح المنكـرات=واحكم القبضة على من تحيّز وانفـرد








قال وش بالناس في شعبثه ومفاوضات=يستلب بالجبر مال الضعيـف ويقتصـد








حكم طاغوتي وجهلا يبيـح محرمـات=وعوايـد جاهليلـه تعـاب وتنتـقـد








وحكمهـا فيصليـا طموحـه راقيـات=ثبت الاركان وارسى الدعايـم والوتـد








عزز احكـام العدالـه وردّ المظلمـات=واعلن التوحيـد والشكـر لله وسجـد








كلما قال الله اكبر وحي على الصـلاة=اصبحوا عباد الاصنام فـي كـد ونكـد








واصل الحملات وانجز على عز وثبات=الكتايب سايره والطـرد يتـلا الطـرد








نصر الاسـلام مـن ذلـة وتغيـرات=وابرم الخطه على الحق واصلح مافسد








امن واستقرار واحكام عـدل مميـزات=العباد اخوان مابـه شقـاق ولا حقـد








هذا هو عبدالعزيز الذي بـاد الطغـاة=واذعنوا واعطوا مواثيقهـم يـدا بيـد








ساندوه الاوفياء والمشاهيـر الثقـات=لمصامخة الأعادي وهجمـات وصـد








العقيـده خالصـه والنوايـا طيـبـات=والعمل باخلاص واليوم مايجّـل لغـد








قال سيروا والمعونه بـرب الكاينـات=مايحقق نصرة الدين جيـش ولاعـدد








انتهت بالنصر واصبح لها مبـدا وذات=امن واستقرار في ظل من سدد وسـد








عزز المبنى وخلـف جبـالا راسيـات=مايزعزعها عواصف ولا برق ورعـد








الملوك ابنا الملوك الولاة ابنـا الـولاة=حكم عدل ولين جانب وباسـا مايُـرد








لو نظمت امجادهم في البيوت المفردات=مابلغت العشر منهـا وماعنـدي نفـد








لكن التاريخ يحيـي العظـام الفانيـات=والكتب ممـا يـورّخ تعـد وترتصـد