الشاعرالكبير سعد بن جدلان

[متعب الزهراني]

البارحـه يـوم الاوادم خواشـيـع
في نومها وناعلـى الكـوع واعـي

هم(ن)يمزع ستـرة القلـب تمزيـع

تقول ينهش ثومـة القلـب افاعـي

خذت القلم من بين روس الاصابيع

وحبيت اميـز سيرتـي وانطباعـي

عزلت من صدقـان عطلةالاسابيـع

وعزلت من ضحك الوجيه الصناعي

وعزلت من بنين بامالـي مشاريـع

جميد برد ولانس الشمـس ماعـي

وعزلت من زرع الخلـي البلاقيـع

وعزلت من رفـع الثنيـه رباعـي

من نفعة اللـي ماطلبنـي منافيـع

جميلة(ن)في غيـر اهلها ضياعـي

في اسواقها ماعاد لشـري ولابيـع

لخطيت من رفقة طويل الذراعـي

اللي على الرفقـه يسوقـه دوافيـع

هـذاك تشـرى رفقتـه ماتباعـي

امايشجعني علـى الطيـب تشجيـع

والايعلمنـي حمـيـد المسـاعـي

والاليامنـه رمعـنـي روامـيـع

وضاقت على كل الفجوج الوساعي

جيته ويسرلـي عسيـر المواضيـع

وخلاخفيا خاطـري لـه وسـاعـي

معرفته ماهـي معرفـة طماميـع

ماتنتـج الاالغطرسـه والضياعـي

[متعب الزهراني]

ي
ا راع الوساع السود يا ناسع الخمري

علي الحرام إني على شوفتك ضامـي

جمال الخصال اليوسفية يغلـب أمـري

عذاب ٍ على من حج لله و من ضامـي

يا راسي و يا صالب عظامي و ياعمري

يجيني بلا لا شفـت صورتـك قدامـي

أشوف الحياه اللي يغني لهـا القمـري

على حاجبيك السود في دمك الشامـي

[عصام شبير]

شكرا لك على كل جهودك المبذولة أخي العزيز لرقي المنتدى

[شاعر غير متوج]

تقبل مروري على مشاركتك ولك مني خالص الشكر

[المحترف]

مشكووووووووور

[صقر الجنوب]

سلمت يابو فهد حقيقة نسعد عندما نقرأ مثل هذه الروائع

[متعب الزهراني]

الاخوه
عصام
شاعر غير متوج
المحترف
صقر الجنوب..
شكرا على مروركم..واهتمامكم..
والشاعر سعد بن جدلان...من اروع الشعرا..وصدوقني انه من اروع من يكتب الشعر..ولكن حظ ذلك الشاعر..انه اتى في زمن الماديات...وله من الروائع...الكثير ساحاول جاهدا...جمع مايتسنى لي من شعر ذلك الشاعر الكبير...

[متعب الزهراني]

ياوليفي دمعكم في غيابي ردّ لي = وأدري انّ دمعتك خوفٍ عليّ ومن غلاي

أنت ممرضني وأشوف المرض فيكم وفيّ = الهبوب البارده منّك هبّت في حشاي

والله انّ كبدي عليكم عراويها أضميّ = والمشارب غير هرجتك ماتقطع ضماي

كيف تستغرب بطاي ومجييّ يوم أجيّ = منك اجيك أبدون رأيٍ وأروح ابدون رأي

ليلي أسهر به والا جاء النهار أشلى شوّي = مرتٍ أشلى ومرٍ يعاودني بلاي

وأنت سبّة كلّ شي ولا داويت شيّ = كيف ياقادر على داي ماتقدر دواي

بعد ما شتتوّ الفكر وأخليتو يديّ = كثرت أعلوم الشماميت وأفرحتو عداي

مابعد جاني من يوم التقو بي والديّ = ولابعد مرّ المحبين منّ حوّاء وجاي

لوّ خبر به حيّ يبكي على فقدان حيّ = كان يمدي من عرفني يشاركني عزاي

جعل يسقى يوم كان الهوى ماغير غيّ = فأول الرحله مثل مبتداك ومبتداي[/poem]

[متعب الزهراني]

مل قلبٍ من هوى الخدرات عيّا = باقيّ له من هو خلّه بقايا

لابغيت أسجّ من سمح المحيّا = شفت من وصفه على غيره حلايا

فز قلبي وانتبه عقب النسيّا = وانحرف فكري وجارن الكوايا

راح يشرفني على نور الثريّا = لين وردني على حوض المنايا

وانّ بغيت أجيه وصله ماتهيّا = صارو العربان من دونه حمايا

ياوليفي لاتسويبي كذيّا = الخطايا لاتلحقها خطايا

مايبور بصاحبه عقب البغيّا = كود ناسٍ مالها بالله عنايا

كلّ شيٍ أعمله كود الجفيّا = الجفا يزعل وسيعين النهايا




















ويش أسوي ياعيون الوحش عنق الغزال = لاحصل طاريك يفتح على قلبي أرواق

لي ثلاث سنين بين الحقيقه والخيال = وأخر اشهر ذالسنّه تكمل الرابع غلاق

شبه وضحاّ فالمخاضير زاويها الحيال = من غلاها عند أهلها تبارى ماتساق

تيهّت من صغرها بين ثنتينٍ هجال = مهتويها راعيّ البل وعاشقها عشاق

عنديّ إنّك ماخذٍ تاج ربّات الجمال = سلموّك الحسن من باب صنعاء للعراق














ياعيون مرقبٍ فعل الجداير = في صعانين الطوال المستديره

صاحبك يعطي على شوفك بشاير = ديرةٍ منتو بها ماهي بديره

من خذا منكم خفيّات السراير = والله انّ يبطي ولعكم في ضميره

لبةٍ بين المعنّق والزراير = مثل شمس الصبح قدّام السفيره

ويتفرشها من الخمري ستاير = ذيل شقراّ شعشعت قدم المغيره

جوهرة قارون غالية التجاير = أشهد انّك بهجة العمر الكبيره

واحدٍ حضّك مع حضّه يساير = شايفٍ القدر فالعشر الأخيره

جعل أبو من لامني حمر المناير = في محبّة واحدٍ مالي بغيره





الا واعيون موحشِ مابعد لزم = عدا كلّ صقارٍ بشبكه ولا لزمه

على القلب نارٍ ولعّت في قرى حزم = وحطوّ عليها من دقاق الحطب حزمه

يقاويك بن جدلان فالصبر والعزم = لكن حبّك الصافي تغلّب على عزمه

تراني دخيلك ياوليفي من الهزم = تموت الغزو ولا يقولون منهزمه

[احمد معيض الخماش]

شكرا ابو فهد نتقدم لك انا مشهور وكذالك عنتر يقريك السلام ونحن ننتظر طلاعاتك علينا فانت مبدع وتحب ان تسجل ابداعاتك شاكرين لك وما سجلته من معاني عن الشاعر سعد بن جدلان بارك الله فيك ونرجو ان نراك دايما بكل جديد مع التحية والتقدير عنتر بن شداد ومشهور

[متعب الزهراني]

على راسي والله...سيدي...لكم ابهجني..حظورك..وحظور..المبدع..عنتر...ولكم اشتقنا لعنترياته....

شرف لهذه الصفحة مروركم الكريم.....
تحياتي...لكم جميعا...ابنكم متعب...