وينك و وين العيد يا......... وصايف تهامية

[وصايف تهامية]

ليست نظره سطحيه سوداويه للحياه بل هو شعور عميق مع احترامي لمن يعارضني ... وعيدكم مبارك


وينك ووين العيد؟؟؟
وينك ووين العيد ياقلب ياللي
محروم من كله ولا هو بكيفَه
العيد للي بخاطره عيد واللي
اكبر همومه ملبسه وزاد ضيفه
لاشايلٍ همٍ ولاهو من اللي
دمعه صباح العيد عاود ذريفه
وينك ووين العيد خله يولي
عيد الجفا عيد العلوم المخيفة
عيدٍ نسى مادري قسى قلب خلي
من منهم أشهر على الحب سيفه؟
مادري زمان العيد مات وبقن لي
بعض التهاني وذكرياتي و زيفه
ياللي تحس العيد هالعيد قلي
العيد هذا العام ياشيخ كيفه؟؟
ضحك ومزوح ومن يهلي يهلي
وهذااتصل وذاك اتصل به وليفه؟
عطني علوم العيد تكفى لعلِّي
ألقى بعد موته فعيني خليفة
أدري علوم العيد عيد مولِّي
لاصوت خلك جا ولا جاك هيفه
ماحس به واللي يهلي بهلِّي
لامن طرت بعض العيون العفيفة
الحمد لله عيد لكن وش اللي..
يفرّحَـك والمسلمين بنكيفه؟!
كم حال ؟ كم زلزال؟كم دمع هلَّي
كم جرح هذا العيد جدد نزيفه؟؟
كم روح؟ كم مذبوح صاروا مع اللي
تحت الثرى واهله تعايد فـ طيفَه؟
كم هَم ؟لا كم أم ثكلى تعلَّـي
صرخاتها واحنا بحياةٍ وريفه؟
العيد ماهو كلمةٍ قالها اللي
آمـِن فؤاده في حياة مخيفه
وشلون احس بعيد واحس باللي
لاذاق طعم العيد لا شاف طيفه؟
يا كلِّنا في العيد والا يولَّي
يصير نتعايد وهم في نكيفه؟
ماني من أهل العيد أنا مع اللي
محروم من كله ولا هو بكيفه




وصايف تهامية

[صقر الجنوب]

ماني من أهل العيد أنا مع اللي
محروم من كله ولا هو بكيفه
******
من نافلة القول أنها قصيدة اكثر من رائعة لكن الجديد انك تطرقت لموضوع لم يتطرق اليه غيرك على ما أظن كنا نظن أن العيد فرحة ونسينا أن العيد لا يكتمل الا بجمعة الاحباب والاصحاب كم من الاحباب فارقنا وكم من الاصحاب نسينا وبين هذا وذاك العيد إما أن يجمعنا بهم أو يحزننا لفراقهم ....

[مشهور]

اذا كان الشعر يحاكي القلوب فنعم الشعر ذاك واذا كان الشعر يدمل الجروح فنعم الشعر ذاك واذا كان الشعر يعيد الذكريات فنعم الشعر ذاك اذا كانت ابيات هذه القصيدة تحرك الشجون فنعم الشعر ذاك هانا اقرا لك من جديد كلمات في الصميم هنا اقرا عن اجمل يوم يعرفه الانسان في حياته العيد عيد باي عيد عدة ياعيد كيف نعيد وهناك من ينقل احزانه في صباح هذا العيد كيف نعيش العيد وهناك ثكلا في كل مكان كيف نعيش العيد ونحن نرا الجنايز تحمل والنعوش باي عيد عدة ياعيد لقد عرجتي على الحب والمحبين وعرجتي على الاسلام والمسلمين وعرجتي على كلمات في الصميم *وينك وويوينك ووين العيد خله يولي
عيد الجفا عيد العلوم المخيفة*عيدٍ نسى مادري قسى قلب خلي*عيدٍ نسى مادري قسى قلب خلي*مادري زمان العيد مات وبقن لي*بعض التهاني وذكرياتي وطيفه *ياللي تحس العيد هالعيد قلي*العيد هذا العام ياشيخ كيفه؟؟*ضحك ومزوح ومن يهلي يهلي *وهذااتصل وذاك اتصل به وليفه؟*عطني علوم العيد تكفى لعلِّي *ألقى بعد موته فعيني خليفة *أدري علوم العيد عيد مولِّي*لاصوت خلك جا ولا جاك طيفه*ماحس به واللي يهلي بهلِّي *لامن طرت بعض العيون العفيفة
هذه هي الكلمات التي سنعيد عليها وهذه هي اعيادنا اليوم بصرف النظر عن الحب هناك اخوة لنا يعيشون تحت الضغط والقهر وباي عيد عدة ياعيد غفرالله لنا ولك اختي وصايف وشكرا على هذه القصيدة ونرجو من الاخوة الدعا لااخوانهم الماسورين والمقهورين في انحا المعموره من المسلمين وكل عام وانتم بخير
مشهور

[وصايف تهامية]

اخواي

صقر الجنوب

ومشهور


كل عام وانتم بخير

واعذروني ان قصرت

احترامي وسلامي

وصايف

[صقر الجنوب]

وجدت ان القصيدة قد تم تعديلها وكذلك الردود يرجى التكرم بإعادة تلك الرائعة وكل عام وأنتم بخير

[وصايف تهامية]

صقر الجنوب

عيدك مبارك

وابشروا بالقصيد كله ولا هنتوا

احترامي و سسلامي

[بدوية]

الله الله..تسلمين على هالشموخ

صح لسانك يا مبدعه

تقديري

[الهجيــــر]

؟؟؟؟؟؟؟؟؟؟؟؟؟؟

[اللساب]

وينك ووين العيد ياقلب ياللي
محروم من كله ولا هو بكيفَه
-0-0-0-0-0-0-0-
عز الله إنك صادقه يا وصايف 0-0-0-0-0-0 ماعد ليوم العيد لذه وفرحه
وشلون وحنا عقب كنا ولايف 0-0-0-0-0-0 كلاً معه غيرك وكلاً بجرحه