الكنز

[الغريب]

ياكنز لو ماتعرض للتسيب والاهمال
ماكان توصل عليه ايد الحرامي وتجرا
دونه رجالن رموا بالموت في سوق الاسهم
لااخطاك سهمن فلا تفرح فالاكبر مصيبه

[علي السبيَه]

مرحبا اخي الغريب
اسمح لي ان ارد على القصيدة وياليت
تكتب اسم من بدع القصيدة

كلن بغا له من الاسهم مكاسب وله مال

وللهوامير ضلَينا غنايم وتجرا

اثر الغلابه خذوهم طُعم في سوق الاسهم

وسوق الاسهم غدا للعالم اكبر مصيبة

[الغريب]

اولاّ شكرا على ردك الجميل
ثانيا هل سؤالك يعبر عن رضاك ام عدم رضاك عن البدع

[صقر الجنوب]

أخي الغريب الشاعر علي السبية لو ماكان راضي عن البدع ماكان رد

وشكرا لشعراءنا على البدع والرد

[علي السبيَه]

اخي الغريب
مثل ما قال استاذنا صقرالجنوب
لوماني راضي عن البدع ما كان رديت
والبدع بدع شاعر ومن حقنا نعرف من هو الشاعر
ولك مني جزيل الشكر والتقدير

[الغريب]

تحياتي لك ولصقر الجنوب على المرور
وياليت تبدع لي بدع احاول ارد عليك على هذه القارعه

[صقر الجنوب]

يعني بنشوف قارعة جديدة بين ابن السبية والغريب طيب طيب

[علي السبيَه]

ابشر يا الغريب
هذا البدع على القارعة وانتضر منك الرد

البدع
ما كل شاعر في المعنى مكمَل وجمَال

واللي غفل عن مواسيم الفرح ليته ادرا

وموسم الحج ندرى عنة بين المواسم

ولا علينا من ابيات القصايد صعوبة

[الغريب]

بدع جميل يا ليت يعجبكم الرد
انا بديوي وراعي بل وحادي وجمال
عقلت ذيك الجمال ونوخت لي تهدرا
وكل ديره وابلها تنعرف بالمواسيم
واحمال سمحان ماتقدر عليها صعوبه

[علي السبيَه]

صح لسانك ميت مره
والله انك شاعر
استلم القصيدة على القارعة وانتضرمنك الرد

البدع
ماتلتقي في قلوب اهل الهوى والحب ارزال

ولا في الصلب والقاسى نواقض وشقرا

ولو كسرتم عصاة اهل الفتن واشقريتم

والعين ماترتجي شوفك ولا منك تابه

[صقر الجنوب]

الله الله ... صح لسانك ولسانه شعار وكلام مثل العسل واصلوا ابداعكم يالنشاما

[الغريب]

وش يجملني من هذا البدع
اعذرنا ان كان ما جت على مافي خاطرك
الرد
قريت حتى غدا في خاطري ان الحبر زال
واليوم في عهد الانترنت مدري وش اقرا
لكن ياصفة الموضه قلو وش قريتم
وألى كتبتم فلا يا ضعفها من كتابه

[علي السبيَه]

سلمت يا الغريب رد مافيه كلام
وانتضر مني بدع جديد

[وصايف تهامية]

زاد المنتدى نور بوجود مبدع مثل الغريب بالرغم من انه لم يعد غريبا وهو بين من بأولى مشاركاته بالنسبه لي لاني اول مره اقرأ له فقد اصبح له شأن لدينا

صح لسانك و صح لسان مبدعنا اخي الشاعر علي السبيه ونبيه نشوف بحران كل بحر يلقي لنا انفس در في محاره

عليهم يالسبيه وانت قدها يالغريب

ايه كذا نبي الحياة والروح الحلوه تجدد رونق المنتدى
بس عاد لازم تنورون منتدى الشعر النبطي بعد

وشكرا لاخي صقر الجنوب الذي قادني الى هذا الكنز وعساك على القوة

احترامي و سلامي

اختكم التهامية / وصايف

[الغريب]

المندى منور بوجودكم جميعا على رأس صقر الجنوب
شكرا ياوصايف على مرورك واطرائك وهذا من ذوقك وانتظرينا قريبا لديك في منتدى الشعر النبطي مع العلم اني لا اجيده ولكن نتعلم منكم الكثير
اما انت ياعلي شكرا على ابداعك وخذ مني هذا البدع ولا زلت انتظر بدعك القادم لانك مبدع
ما عد لنا ياعلي عن ديرة الخير منقال
ما دام ما جا على قلبي همومٌ وكدرا
كلٌ في المندى ينشد ونس ما نشد هم
فيه التعارف ونقضي وقتنا الماتعي به

[علي السبيَه]

اولا اقدم جزيل شكري وتقديري للشاعرة وصايف
على مرورها واهتمامها بما بكتب هنا وهناك فهي
عقلية واعية للادارة وايضا شاعرة ملهمة وغنية عن التعريف
وانت ياخونا الغريب لك مني جزيل الشكر والتقدير
وانتم اهل الابداع والا انا شاعر غلبان ماعندي الا
رؤوس اقلام انتم الخير واهلة ومنكم نستفيد
وهذا رد القصيدة

ما كل هرجة نصدَقها مع كل من قال

قدَام ماتنطق الهرجة على علمك ادرا

واهل الجهل ماربح ياصاحبي من نشدهم

وكلمة الصدق للي قالها ماتعيبه

[صقر الجنوب]

الله الله صح لسانك

وكلمة الصدق للي قالها ماتعيبه

[الغريب]

صح لسانك على الرد الجميل
تحياتي

[احمد الدرمحي]

انا لله ياخي

الله يعطيكم العافيه كلام عليه الكلام بالحرام
علي السبيه انت شاعر ولا فيها كلام لكن الغريب هذا من خلال خبرتي المتواضعه تراه شاعر ماهو سهل وكلامه كلام شاعر متمرس ماهو عليمي انتبه له وانا خو علي
الغريب0وفقك الله واصل المحاوره وصدقني ان كلامك يرفع الراس وعليك بالسبيه تراه يشوف نفسه علي دايم

[علي السبيَه]

مرحبا يادرمحي وانا مستحيل اشوف نفسي عليك
العين ما تعلا على الحاجب
واتشرف اني اقصد مع الغريب وغيره من الشعار
وعلى كل حال انا موجود
ناخذ بيوم السعد حدَة والباقي على الله

[الغريب]

الف شكر على مرورك يادرمحي وتواضعك الذي يعطينا حافز كبير ويشعرنا بالمسئولية
اما الشعر فصدقني اني هاوي ولست محترف مثلكم انا مثلي مثل الاعب الهاوي ما يتمرن الا يوم واحد في الاسبوع وتلقى لعبه على قده

[علي السبيَه]

تأخرت عليك ياالغريب وانت والله انك شاعر
متمكن
استلم القصيدة على القارعة وانتضر منك الرد
يمكن نستفز الدرمحي ويشاركنا
البدع
يادرمحي ما احسبك فينا مخيل وخيَال

دارت صقور الخلا ف الجو والهام دارا

متى بعد يدهم العزَال والخيلً ادهم

والمدح وازي وهو عن كل خيلً درو به

[الغريب]

هذا الرد يابن العم ابشر بسعدك
أصايل الخيل ماتسبق مع كل خيال
ميزاتها تختلف عالخيل ولها مدارا
مادمت خيلي وانا الخيال يالخيل الادهم
ماخفت يوم السبق من كل خيل اندروا به

[علي السبيَه]

صح لسانك ياالغريب وانا لا زلت اقول
انك شاعر متمكن شاعر من الدرجه الاولى
وانا كان قصدى ان الدرمحي يشاركنا
الدرمحي شاعر غني عن التعريف
شاعر له مستقبل واعد في عالم الشعر
انتضر مني بدع جديد ياالغريب

[صقر الجنوب]

سلمو المطاليق ونحن في الانتظار

[علي السبيَه]

سلام ياالغريب
استلم القصيدة على القارعة وانتضر منك الرد
البدع

مال الرضا في قلوب اهل الهوى والدلع مال

لمَا هجرنا بلاد الخير والمال هجرا

احلف بربك وتمم حليتك والقسم تم

ولا تطيع الذي لا جا له المنح سابه

[الغريب]

سلمت على هذا البدع والله انك تحرجنا بقوة البدع واخاف الرد ما يجي بنفس القوة
استلم لا هنت
أحنا اتفقنا ونتحاسب على قد الاعمال
واللي يخل أتفاقه بالعمل ما له اجرا
لا تنقصون الغريب أجره الى من قسمتم
واللي يجامل فيعطي صاحبه من حسابه

[علي السبيَه]

صح لسانك يا الغريب رد اقوا من البدع
انتضر مني بدع جديد

[علي السبيَه]

تأخرنا عليك يالغريب
استلم القصيدة على القارعة

يابن الغريب ان نشد عن صاحبك سايلن سال
قل ان عنوان بيتة وسط وادي مدارا
مهموم حالي من الدنيا و قلبي مغيًم
لو صحَ لبن الغريب خذ ع القصايد ضريبة

(ملاحضة)
يالغريب محلنا اسمة وادي مدار

[الغريب]

سلمت على هذا البدع
واستلم الرد
الخير في تهمنا كم واديُ ياعلي سال
نظرة في دقلته شال السدر والمدارا
ياسروي حظكم بالباحة الجو مغيم
الله يهنيك بالماء والمطر والظريبه

[صقر الجنوب]

عاشوا المطاليق وسلموا ودام إبداعكم

[علي السبيَه]

يعطيك العافية ياصقرالجنوب على
اهتمامك وتشجيعك المتواصل
والغريب شاعر ماهو بسيط شاعر
له وزنه بين الشعراء والله يعلم من هو
صح لسانك يا الغريب وصح ابداعك
انت شاعرمتمكن بكل ما تعني الكلمة
استلم القصيدة على القارعة يا الغريب

تقصد رجال الجميل وتعتزي ياخ ب ارجال

والليل الاقشر غدا نومه هواجس و جهرا

احسبك طالب مع اهل الشعر واثرك معلم

كما شعاع البدر ما يشبهه وشع لمبه

[الغريب]

سلمت ياعزيزي ولا عليك زود واستلم الرد
الضاهر انك عرفت اسمي وبالقى الخبر جال
واللي كتمنا من الاول بدى اليوم جهرا
لوكنت مانيب واثق صاحبي مايعلم
باشك في موقفه واقل علي وش علم به

[المهلهل]

مشرف رائع يقاتل لوحدة في اكثر من جبهه والباقي نوم عميق والاقصايد لاوزن ولا قافية

[علي السبيَه]

انت شاعر معروف ياالغريب
شاعر لك صولات وجولات
في القصايد ولكن الى ذلحين
ماعرفت اسمك ويكفيني فخر
اني اقصّد مع شاعر مثلك

استلم القصيدة على القارعة

لاتنتحي النجم الاول واتركه وانتقا التال
الى رقبت النجوم بتالي الليل غدرا
ولا تبين النجوم الا مع ليل ظالم
شعاعها عالمياه المالحه والعذابه

[علي السبيَه]

يعطيك العافية يا المهلهل وشكرا لك
على كلامك الطيب واطرائك الجميل
وياسيدي انا شاعر غلبان يعني شويعر
ماني بشاعر والبركه في الشعّار الموجودين
في المنتدى وانت من ظمنهم ياالمهلهل
لك مني خالص التقدير والاحترام

[الغريب]

سلمت وصح لسانك على هذا البدع الرائع واستلم الرد
يامن رماني بنظرة عابره فانت قتال
قتلتني مثل من يقتل عدوه بغدرا
وش حجتك يوم تلقى الله قاتل وظالم
وش تعتذر به وش اللي يمنعك من عذابه

[علي السبيَه]

الله الله يالغريب
رد ولا اروع
استلم القصيدة

الغيم الى حثّه البارق بماين من الحال
والسيل من بعد ما حث البرد مال همرا
من بعد سيله بتنعم كل ديره بنيعم
والخير في كل منزل فايضً من عتابه

[الغريب]

استلم الرد يابن العم مع الشكر
مثلك نجلّ احترامي له ويامر على الحال
واللاش ماله عليك ولا علينا ولاامرا
أنا لي الفخر لاسرت انت وأنا بني عم
واللي تحبه وتزعل منه تكثر عتابه

[علي السبيَه]

صح لسانك يالغريب ياشاعرالابداع
استلم القصيدة على القارعه

عبر الفضاء نستلم بث المحطات بريال
في الكمبيوتر قصايدنا لها اليوم نشرا
ياابن الغريب الكلام الزين منا و منكم
وانا قصيدي معك يابن الغريب اعتني به

[الغريب]

استلم الرد ياشاعر البدع
من باعنا ياعلي بالرخص بعناه بريال
وأنحن لدرب المراجل والبطولات نشرا
قل للذي لاهبط سوق الرخص بعت من كم
لو تحسب الفايده يارخص ما بعتني به

[علي السبيَه]

صح لسانك يالغريب ياشاعرالقيف
انت شاعر البدع والرد وانا تراني
عليمي لا تعتبرني شاعر خذ منا
الميسور واعذرنا على القصور

استلم القصيدة على القارعه

مال التمر من عذوقك يانخل والبلح مال
واليوم ماعاد له بين المزارع ضهورا
غريب يومً تقل لي لا ويومً تقل تم
والوقت لازم تفرَق بين لينه و صلبه

[الغريب]

لاعدمتك استلم الرد
القافله يالغضي حملتها لك بالاحمال
واحمال سمحات لو جارت بتلقى ضهورا
ما اعطيتني علم بالعنوان يوم انتقلتم
صعّبتم الوضع عا لمرسول غصبن وصل به

[علي السبيَه]

سلام يالغريب ياشاعرالابداع
استلم القصيدة على القارعه

الله يامطول الدنيا ويا قصر الاجيال
لوطالت اعمارنا فيها نوقص وقصرا
واهل الفقر بعد ذاك الفقر ربي غناهم
والجمر الى انشب يحرق كل عودً ولع به

[الغريب]

الله الله طيب استلم الرد
حاضيت حفلة رباع العام في قصر الاجيال
تنظيم حفلاتهم يشهد لها كل قصرا
كانوا شواهد لرواد الشعر في غناهم
تنظيمهم كل غمر وكل عودٌ ولع به

[علي السبيَه]

تحياتي يابن الغريب تاخرناعليك

استلم القصيده على القارعه ياشاعرالقيف

ياابن الغريب المحبه الوان واصناف واشكال
والحب لهل الرضا ماهو غصيبه و جبرا
لنا تدار الدلال اللي من الكيف و الكم
والقلب يابن الغريب انواع واشكال حبه

[الغريب]

سلمت يامبدع واعتذر على التاخير لظروف خارجه عن الارادة
واستلم الرد مع التحية
كلٌ معه كيل وانشد راعي الكيل وش كال
والبيع ماهو سوى فيها قطاعي وجبرا
ما همني كم ربحت وهمني الكيف والكم
وانا اعرف السوق والاسعار واشكال حبه

[*** الصهيبي ***]

كلام من ذهب يشرح الخاطر ويبهر العابر ويسحر الناضر

ادري ان القارعه هذي قديمه لكن كلامها مليان
للشاعر علي السبيه وللشاعر الغريب
اعذب التحيه وصادق الموده من اخوكم الصهيبي

[صدى الحرمان]

الله عليكم وعلى قصايدكم وين كنت يالغريب قسم انك شاعر وعلي شاعر اثنينكم فلــــــــــــــــه
تحياتي

[أحلـى]

فعلاً مـبدعيــن

[علي السبيَه]

ماشاءالله كيف اخترجتم هذه الصفحه من تحت الانقاض
والغريب شاعر متمكن وانا حضي مايطيجني الا في شعار
لهم ثقلهم في ميزان الشعر مثل الغريب وعابرسبيل والدرمحي
واخرهم الهمس ولكن انا استفدت منهم الشئ الكثير ولوانهم
ماقصرو اعطوني حقي وزياده ههههه.
اخواني: الصهيبي.. صدى الحرمان..احلى زهرانيه. شرفنا
مروركم الكريم واحيائكم للهذه الصفحه القديمه ولكم مني
جزيل الشكر والتقدير