الى علي السبيه

[شاعر غير متوج]

الاخ علي السبيه امل منك الرد مع كل الشكر


البدع:
ياسلام الله لشاعر سكن وادي مدار
ينظم الابيات يوم الخلايق شيفات (( يشوفون))
غير وانا اخوك لا عد يجينا منك ثيره
والمعاني هات نظم(ن) وتنسيق(ن) لها

[علي السبيَه]

الله يحييك ياشاعر غير متوج

تشرفت بقصيدتك وزادني شرف يوم اني رديت عليها
استلم الرد
مرحبا بك عد برقً على الوادي مدار
شيَن مقبل من ورود الزمان وشى فات
ادري ان المال ميَال قلَه من كثيره
علم اصحاب الطمع يوم تنسى قل لها

[صقر الجنوب]

علم اصحاب الطمع يوم تنسى قل لها

عاشوا المطاليق الله يعطيكم العافية كلام يشابه لك ياتمر ياسري

[شاعر غير متوج]

البدع:
وش معك ياقاضي المحكمه ردعت بار
البري لا تحسبه في ديار المكر مات
اني انقض كل علم(ن) ردين ثم أغيره
وانت قلبك لاهين ياعلي وش ذا الها

[عبد العزيز القنوت]

صح لسانكما

واصلوا و الله معاكم

[علي السبيَه]

الرد
لا ظلمك اصويحبك خذ نه رد اعتبار
والغلط مرفوع بين القلوب المكرمات
لكن لا تشره على صاحبك لا شفت غيره
واللي الله ذلهَا لا تقل وش ذلّها

[شاعر غير متوج]

طيب يابو طلال خذ هذا البدع البسيط

البدع:
ياعلي كف البطل حين وافى قلب حار

لو يوافي اهل الردى لاهيا تغدي ميات

واللي قلبيه لو تمايل بيتمابل بحيره

انشده عن جور الاحمال ليش اتقلها



وكل عام وانت بخير

[علي السبيَه]

الرد

الخيال اوسع من الكون وافاق البحار
والاماني لو ظمت مابترويها الميات
كن في قلبي جبل مستقر على بحيره
وانا عيني تحتقر كثرها وتقلها

[شاعر غير متوج]

الاخ علي السبيه صح لسانك على هذي الردود الرانعه وخذ هذا البدع وادري ان البدوع مش ولابد لكن من قس المعرفه واهي ماجارت لكن امل منك التعديل والتوجيه


الكفو يبدي بوجهه ولا صدا مجار

مايحسب للخساير ولا للعيدمات

كل مومن لا هيا له جزاه وله وزيره

والمزارع تفرق ابعبرها وبكيلها



تحياتي

[علي السبيَه]

صح لسانك ياشاعرغيرمتوج وانت شاعر متوج
ببدوعك الطيبه وانا يسعدني ويشرفني اقصد معك
انت شاعر وقصايدك قصايد شاعر
الرد
حكم الاعدام الذي صار في صدام جار
من غلاظة حكمهم في نهارالعيد مات
اعتمدها المالكي ثم نفذها وزيره
والقلوب الضالمه مانويت ابكي لها

[شاعر غير متوج]

خذ هذا البدع وهو مش ولابد واعتذر عن عدم التواصل

بعض الرميات من غير وقع ولا مطار
يالله اني اجور بك مالهروج الطايرات
وانت لا تامن من النار لنها شي خطيره
ابتعد ع النار واعجل على جنحانها

[علي السبيَه]

استلم الرد
الصقر ماشاله الا جناحه يوم طار
ما بيلحقه القنا والسهوم الطايرات
وان مدحنا الطير مانمدح الا شيخ طيره
والنعامه ما بترقى بها جنحانها

[شاعر غير متوج]

هاك يابو طلال

يوم يلقانا العدو ياعلي جنه وانا ار

كنت انا راعي ذلول اوسم اعلى ابلي سمات

والجمال اللي عليها تصير الوشم صيره

وشمنا يبري جربها ووشم يعلها

[علي السبيَه]

الرد
الجزاء قدر العمل قبلنا جنه و نار
الهوى يغلب ولا تحسب ان ابليس مات
من يحشرمن زمرة ابليس قلي وش مصيره
في جهنم موقدا لنار واشميعلها