يمه ويـــــنك ...!!!

[عاشقة الصقر]

صرآحـة ً، لم أعرف أيُّهم القصيدة ..!!
هي الصُّورة، أم البَوحْ ..


http://www.m5zn.com/uploads/e3a5f24672.jpg

/
\
/

يُمَّه وينك !؟
آنا بنتك .. " ضي عينك " !
شوفي وش قرب المسافة بين أهدابي وبينك !؟
بس ّ يمه أنتي وينك !؟
يمه قومي !؟
توني أصحى على الدنيا .. دخيلك لاتنومي !!
من يرتب لي الدفاتر !؟
من يبدّلي .. اهدومي !!؟
يمه بدري .. والله بدري ! آتهجّاها اهمومي !
يمه مات !
كل شي ٍ كنت أحسه " حي " في هذي الحياة !
" الأمل في رجعة الأحباب "
" صوت الأمنيات " !
وكل شي ٍ كنت أحبه ..
مر ..
ودعني ..
وفات !


طفلتك ماعاشت " إحساس" الطفولة !
............. فاقده في هالزمان ... إحساسها !

شافت إن الصبح ..... ماتقدر تطوله !
............. وازفرت .. ونّه ! ورى أنفاسها !

واحضنت هالليل والورد ..... وذبوله !
............ لين مانامت ...... على كراسها !

فيه شي ٍ لو قدرت إني ....... أقوله !
.......... كان شفت الناس ... حبّت ناسها !

/
\
/


يمه ضميني بـنام !
خايفة أبقى لحالي عايشه وسط الظلام !
عام مُرّ ..
ومر ّ عام ..
وآنا كل ليلة أتمتم : بكرى تذبح لي حمام !!
يمه وينك !؟
ماتت اللهفة بيدّي .. تنتظر لهفة يدينك !
يمه خوذيني معك ..
بس اشوفك .. واسمعك !
ودي لو أقتل بصدري هالسؤال :
يُمَّه وينك ..؟
/

[أم رتيبة]

لا اله الا الله

ابكيتنى يا عاشقة الصقر

شكرا لك

كلامك جد مؤثر

[عاشقة الصقر]

والله انها تأثر بالقلب

بصراحه الصورة اثرت فيني اكثر من الكلام

كل انسان لازم في شي في الحياه ياثر فيه

الله يعين

والله الحمدلله عايشين في نعمه ماحد داري عنها غير الله سبحانه

غيرنا عايش بلا حنان ام ولا محبة اب

الحمدلله على كل حال

تحياتي للجميع