الهمس
23/06/2007, 08:59 AM
السلام عليكم ورحمة الله
اولا احب انوه هنا ان الأحلام لا سلطان لنا عليها والنائم يرفع عنه القلم
وارجو ان يرفع عني العتب في احلامي فهي لا تتعدى غرفتي والأخوه طلبوا احلام في كثير من ألأعضاء ولا احبذ ان ازعل كائن من كان فيشهد الله ان الجميع هنا اخوه واحبه وهنا اشترط قبل الشروع في الحلم اي شخص يحس اني اثقلت عليه يتقدم فورا لي بالأنتقاد او طلب عدم اضافته للائحة الأحلام واخول الأداره الموقره بحذف الحلم بأكمله ان وصلها اي شكوى دون الرجوع لي ( واثق من نفسه) طيب وانا اكن للجميع الأحترام والتقدير تعالوا نشوف الحلم:
البارح رائيت في ما يراه النائم خير اللهم اجعله خير رايت ماهو أت:
شفت وكني مسافر رايح مصر (ام الدنيا)
وادور حجز واجيب واسطات واكلم وكل ما نروح مكتب قالوا الطياره( فل) مصطلح عند الخطوط يلفظونه قبل تحديد وجهة السفر ويعني انها ممتلئه الطائره
طبعا على الخطوط السعوديه الكلام هذا بحكم الأنتماء والله وانا اروح واسنتر عندهم في المطار وانشب لهم وانا القى لي واحد منهم قلت ياخوي تعال ابي حجز على القاهره الحين قال فل قلت اسكندريه قال فل قلت شرم الشيخ قال فل قلت رباع قال فل مادري كيف جت رباع بس يمكن عندهم وحنا ما ندري
المهم قلت له تعال يالحبيب ودني عند مديركم باي اشوفه وشوي الا يأشر لي على مكتب هناك قال ابد عندك الرجال هناك قلت زين وانا ادخل فارد صدري واسحب في ذي الشنطه الي كسرت ظهري ماغير اناقز فيها مترت المطار طول بعرض وانا ادخل المكتب والا هالرجال لا بس بدله عليها خطوط على كتفه يمكن ثلاثه بس ماعديتها
المهم قلت له صديق وين المدير ياخوي شفت خشمه لاصق بخدوده قلت يمكن فلبيني والا اندنوسي المهم انا قلت له صديق
قال لي(صديق في عينك بلا بشكلك ايش تبغى هنا انتا ما تعرف الناس ياواد) قال لي ياواد تصوروا قلت هين ما عليه قلت ياخوي ارسلوني هنا عشان المدير ابغى اقابله قال (نعم ايش عندك خير مزعجنا ومسوي قلق الله يقرفك )
قلت اتحمل ما عليه وانا اقول في نفسي اتودسه هالصيني هذا الحين اضيع معالم وجهه ووجهه اصلا ماله معالم تقول كوره مرسوم عليها عيون وفتحتين قلت يالله نسير هادين ومتحظرين
قلت ياخوي انا منسدح عندكم يومين هنا ابي حجز على القاهره ولا لقيت تكفى ياللحيه الغانمه ( قال لحيه في عينك انتا تتريق يعني شايف فيني لحيه والا حتى شنب)
قلت العن ابوه الي ماعنده ذوق رز ها الكديش في ذا المكتب
قلت ياخوي ما اقصد خلصنا خلنا بس نسافر
قال يالله تعال معايه وهو يسحب فيني من كاونتر لكاونتر ومن ثور لاثور منه لين لقينا رجال قاعد بالحاله تقول هذا مو تبع المطار قاعد عيونه للي داخل واللي خارج قلت يمكن يعد زباين المطار بس يركز مرررررره لما يدخل حرمه ويقوم يتبسم لها واي خدمه
واناماكل هوا يومين ماحد سالني انت ليش جاي المهم قاله فيه رحله على مسر قلت ياخوي مصر مو مسر قال اسكت ايش فهمك قلت زين وشوي الا ذاك الكديش الثاني يقول ايه ومليانه بس عشانك بنركب خويك هذا قلت ايه يحسبني خويه قال سووا له حجز وسفروه الرجال ما قصر بيض الله وجهه
حجزت وطلعت الطياره الا نص الكراسي فاضيه مافيه الا يمكن عشر حريم وعشرين رجال بس حريم وش حريم ما تشوف من الوحده غير اكفيفها
واقلعنا وانا افتح فمي بس ابغى اوصل مصر ويوم اعلن الطيار انا عدينا الحدود الا والغطاوي تقع على ام راسي والا الله لا يوريكم الحريم شالوا الغطاوي والله تمنيت لو انها بقيت وجيه تسد النفس قلت انا اشهد ان الستر ازين لهم
المهم الطياره فيها حركه غريبه وشوي الا هذا نبع الحنين واحساس رباع طالعين كل واحد معه مشعاب (مشعاب هو عصاه قويه شديدة الباس يطلق عليه في مصر النبوت) والا يطلعون قالوا الطياره مخطوفه ويبغون الكابتن يتوجه بهم رباع وانا اقوم اطلبهم يالربع رباع مافيها مطار خلوها العقيق على الأقل وهي تمسك معهم الا رباع
واحاول واحاول والا هم معيين مررررررره مسكت معه حقة الزهارين
وشوي الا وذي المره الذربه السنعه ناطه تقول نازله من الفضاء وهي تاخذ المشاعيب بعد ركل ورفس وتكسير اضلع وتقوم وتكلبشهم واطالع الا هي ماغيرها واسالها قالت ايه انا الدلوعه ما لقت وظيفه يوم توسطوا لها حطوها في امن الطيران وحماية المسافرين المهم ربطتهم بنت الأجواد
لين وصلنا مصر اااااااااه ما اجمل مصر وما اجمل هواها نزلنا المطار ولقينا الجيش والطواريء وامن المطار وفرقة حسب الله في انتظارنا وهم يمسكون احساس رباع ونبع الحنين وهو يشوتونهم وسحبونهم في سياره وحنا اخذوا عناويننا قالوا بكره تجون الحكمه كشهود
وصلنا للمحكمه واطالع الا القضاه والمحامين وفيه وحده في النص شكلها رئيستهم معها شاكوش في يدها ماغير تخبط فيه في الطاوله الي قدامها وواحد يصيح محكمه محكمه
ويوم اشوف الرئيسه والا هذي ام رتيبه لا بسه البالطو وشغل صح قويه وانيقه وجميله ماشاء الله عليها بس الشاكوش الي بيدها يخوف وهي تبداء المحاكمه
وين المتهمين الا هاذيلا واقفين قدامه والمحامي تعبت اجامل ياهو فشلنا لخبط المحاكمه وجنى على المتهمين
المهم وهو يترافع قام نبع الحنين مسوي فصيح قدام ام رتيبه بالضبط انتو ظلمه ماكمل الكلمه الا شاكوش ام رتيبه يرن على راسه واطالع الا مافيه الا كتوف وخدود الغت الرقبه خير شر
وهو يركد يعود للقفص واطالع الا احساس رباع ينتفض قالت ام رتيبه انت عندك شيء قال لا سلامتك ابي اعرف بس اي عنبر سكتت ام رتيبه قالت الحكم بعد المداوله
وساكمل لكم الحلم في حلقه قادمه ان لم اجد معارضه من احد ودمتم بخير
اولا احب انوه هنا ان الأحلام لا سلطان لنا عليها والنائم يرفع عنه القلم
وارجو ان يرفع عني العتب في احلامي فهي لا تتعدى غرفتي والأخوه طلبوا احلام في كثير من ألأعضاء ولا احبذ ان ازعل كائن من كان فيشهد الله ان الجميع هنا اخوه واحبه وهنا اشترط قبل الشروع في الحلم اي شخص يحس اني اثقلت عليه يتقدم فورا لي بالأنتقاد او طلب عدم اضافته للائحة الأحلام واخول الأداره الموقره بحذف الحلم بأكمله ان وصلها اي شكوى دون الرجوع لي ( واثق من نفسه) طيب وانا اكن للجميع الأحترام والتقدير تعالوا نشوف الحلم:
البارح رائيت في ما يراه النائم خير اللهم اجعله خير رايت ماهو أت:
شفت وكني مسافر رايح مصر (ام الدنيا)
وادور حجز واجيب واسطات واكلم وكل ما نروح مكتب قالوا الطياره( فل) مصطلح عند الخطوط يلفظونه قبل تحديد وجهة السفر ويعني انها ممتلئه الطائره
طبعا على الخطوط السعوديه الكلام هذا بحكم الأنتماء والله وانا اروح واسنتر عندهم في المطار وانشب لهم وانا القى لي واحد منهم قلت ياخوي تعال ابي حجز على القاهره الحين قال فل قلت اسكندريه قال فل قلت شرم الشيخ قال فل قلت رباع قال فل مادري كيف جت رباع بس يمكن عندهم وحنا ما ندري
المهم قلت له تعال يالحبيب ودني عند مديركم باي اشوفه وشوي الا يأشر لي على مكتب هناك قال ابد عندك الرجال هناك قلت زين وانا ادخل فارد صدري واسحب في ذي الشنطه الي كسرت ظهري ماغير اناقز فيها مترت المطار طول بعرض وانا ادخل المكتب والا هالرجال لا بس بدله عليها خطوط على كتفه يمكن ثلاثه بس ماعديتها
المهم قلت له صديق وين المدير ياخوي شفت خشمه لاصق بخدوده قلت يمكن فلبيني والا اندنوسي المهم انا قلت له صديق
قال لي(صديق في عينك بلا بشكلك ايش تبغى هنا انتا ما تعرف الناس ياواد) قال لي ياواد تصوروا قلت هين ما عليه قلت ياخوي ارسلوني هنا عشان المدير ابغى اقابله قال (نعم ايش عندك خير مزعجنا ومسوي قلق الله يقرفك )
قلت اتحمل ما عليه وانا اقول في نفسي اتودسه هالصيني هذا الحين اضيع معالم وجهه ووجهه اصلا ماله معالم تقول كوره مرسوم عليها عيون وفتحتين قلت يالله نسير هادين ومتحظرين
قلت ياخوي انا منسدح عندكم يومين هنا ابي حجز على القاهره ولا لقيت تكفى ياللحيه الغانمه ( قال لحيه في عينك انتا تتريق يعني شايف فيني لحيه والا حتى شنب)
قلت العن ابوه الي ماعنده ذوق رز ها الكديش في ذا المكتب
قلت ياخوي ما اقصد خلصنا خلنا بس نسافر
قال يالله تعال معايه وهو يسحب فيني من كاونتر لكاونتر ومن ثور لاثور منه لين لقينا رجال قاعد بالحاله تقول هذا مو تبع المطار قاعد عيونه للي داخل واللي خارج قلت يمكن يعد زباين المطار بس يركز مرررررره لما يدخل حرمه ويقوم يتبسم لها واي خدمه
واناماكل هوا يومين ماحد سالني انت ليش جاي المهم قاله فيه رحله على مسر قلت ياخوي مصر مو مسر قال اسكت ايش فهمك قلت زين وشوي الا ذاك الكديش الثاني يقول ايه ومليانه بس عشانك بنركب خويك هذا قلت ايه يحسبني خويه قال سووا له حجز وسفروه الرجال ما قصر بيض الله وجهه
حجزت وطلعت الطياره الا نص الكراسي فاضيه مافيه الا يمكن عشر حريم وعشرين رجال بس حريم وش حريم ما تشوف من الوحده غير اكفيفها
واقلعنا وانا افتح فمي بس ابغى اوصل مصر ويوم اعلن الطيار انا عدينا الحدود الا والغطاوي تقع على ام راسي والا الله لا يوريكم الحريم شالوا الغطاوي والله تمنيت لو انها بقيت وجيه تسد النفس قلت انا اشهد ان الستر ازين لهم
المهم الطياره فيها حركه غريبه وشوي الا هذا نبع الحنين واحساس رباع طالعين كل واحد معه مشعاب (مشعاب هو عصاه قويه شديدة الباس يطلق عليه في مصر النبوت) والا يطلعون قالوا الطياره مخطوفه ويبغون الكابتن يتوجه بهم رباع وانا اقوم اطلبهم يالربع رباع مافيها مطار خلوها العقيق على الأقل وهي تمسك معهم الا رباع
واحاول واحاول والا هم معيين مررررررره مسكت معه حقة الزهارين
وشوي الا وذي المره الذربه السنعه ناطه تقول نازله من الفضاء وهي تاخذ المشاعيب بعد ركل ورفس وتكسير اضلع وتقوم وتكلبشهم واطالع الا هي ماغيرها واسالها قالت ايه انا الدلوعه ما لقت وظيفه يوم توسطوا لها حطوها في امن الطيران وحماية المسافرين المهم ربطتهم بنت الأجواد
لين وصلنا مصر اااااااااه ما اجمل مصر وما اجمل هواها نزلنا المطار ولقينا الجيش والطواريء وامن المطار وفرقة حسب الله في انتظارنا وهم يمسكون احساس رباع ونبع الحنين وهو يشوتونهم وسحبونهم في سياره وحنا اخذوا عناويننا قالوا بكره تجون الحكمه كشهود
وصلنا للمحكمه واطالع الا القضاه والمحامين وفيه وحده في النص شكلها رئيستهم معها شاكوش في يدها ماغير تخبط فيه في الطاوله الي قدامها وواحد يصيح محكمه محكمه
ويوم اشوف الرئيسه والا هذي ام رتيبه لا بسه البالطو وشغل صح قويه وانيقه وجميله ماشاء الله عليها بس الشاكوش الي بيدها يخوف وهي تبداء المحاكمه
وين المتهمين الا هاذيلا واقفين قدامه والمحامي تعبت اجامل ياهو فشلنا لخبط المحاكمه وجنى على المتهمين
المهم وهو يترافع قام نبع الحنين مسوي فصيح قدام ام رتيبه بالضبط انتو ظلمه ماكمل الكلمه الا شاكوش ام رتيبه يرن على راسه واطالع الا مافيه الا كتوف وخدود الغت الرقبه خير شر
وهو يركد يعود للقفص واطالع الا احساس رباع ينتفض قالت ام رتيبه انت عندك شيء قال لا سلامتك ابي اعرف بس اي عنبر سكتت ام رتيبه قالت الحكم بعد المداوله
وساكمل لكم الحلم في حلقه قادمه ان لم اجد معارضه من احد ودمتم بخير