محاورات نبطيه للجميييييع

[الهمس]

هذه الصفحه مخصصه للمحاورات النبطيه
والجميع مدعو للمشاركه والتحدي انا هاوي بس الأبداع ياتي من الشعراء هنا فمن لديه القدره ستكون ساحة الجمال والتراشق الأدبي الجميل بين الشعراء ومن يثبت وجوده هنا سيكون له شان
الكل مدعو وشعراء المنتدى مدعوون جميعا

وسأبداء هنا


بدينا القاف والقاف ابتدينا به وسويناه= ترانا نعلن الترحيب والتهليل نبديها
من الي يحسن الترتيب حرف القاف حكمناه=على نظم القوافي وابحروف الشعر نهديها

[علي السبيَه]

صفحه ممتازه ياالهمس تشكر عليها
ونتمنا المشاركه من الجميع

[وصايف تهامية]

شكرا لصاحب الفكره و عساه على القوه وهذا ردي



على بسم الله الرحمن نخيت من الشعر أغناه
أببدأ منازلة إبداع و انا افضل من بيبديها

تهامية رضعت الدر ...شربت اوزانه و معناه
أتحدى جنون الشعر ... واقص اعتى اياديها
وصايف .................... و لا هنتو

[الهمس]

ونعم بوصايف


اهلا بالشاعره الكبيره ولي عظيم الشرف بمجارات ابداعاتك وللمعلوميه للجميع انا هاوي واعشق المغامرات الشعريه
ومهما وصلت اليه المحاوره فالقلوب تبقى صافيه ولكن فقط للمتعه
والشعار جميعا مدعوون هنا
وهنا اختي سا ارد علىما ابتديتي به وعذرا ترى هناك بعض الكلمات تحتاج الى حركات لكي تقراء بالشكل الصحيح هذا للتبيان فقط للقراء انما الشاعره من الطراز الأول وانا هنا اتعلم


يقول الهمس كم ذيبٍ عوا في البر ثم افناه=اسود الصدر في قلوه اعقلها واثنيها
الا مني طرقت القاف حروف الشعر تتمناه=ولا من شفت لي ميله ما اخليها واعديها

[علي السبيَه]

انا يادوب افك الخط واقرا السطر واتهجاه ........ وارى بعض الجمل واحتار مدري وش معانيها

ولا اميّز وش المقصد من المكتوب يوم اقراه ........تهجّيت السطور اللي تحيّر عقل قاريها

[وصايف تهامية]

سلامي للذي يفهم جوابي من قبل يقراه
وعلى كل القلوب اللي بيوتي أثرت فيها

على خير و نوايا بيض يسيل السيل من مجراه
ندك عروش جن الشعر و ونغلبها فــ واديها

.................................................. ............
وصايف

[صقر الجنوب]

شعراءنا صحت ابدانكم كنا من زمان ننتظر أن تدخل شاعرة الجنوب في محاورة وهاهي الان تحلق والهمس نجح في إقناع نجمة الابداع ..
ننتظر إبداعكم
وصايف تهامية
الهمس
علي السبيّة

وافر احترامي وتقديري لكم جميعا وفي انتظار المزيد من الابداع

[أم رتيبة]

الهمس بدا بكلام جميل و بديع
على السبيه شعره قوي ومريع
وصايف بنت التهامية أبدعت كـ أى شجيع
وانا مسكينة فى الشعر مازلت رضيع

[الهمس]

قرينا ما كتبتي يا وصايف وانفهم معناه=نفسر بالقصيد ابيات ندخل في مثانيها

ترى حرفي وليد اللحظه بالمعنى يبين اصباه=ترعرع في قصيدي واحكم اولها وثانيها



الحماس خذني قال شاعر

تحياتي للتواجد الرائع
صقر الجنوب عرج علينا
السبيه مبدع

وصايف متمكنه وغزيره

ام رتيبه نكهه جميله

[نبع الحنين]

من جد روووووووووووووعه وبالتوفيق للجميع

سلمت اخوي الهمس

انا من هواة الشعر ولكن ابدع قليلاً في الشعر الشعبي واتمنى لكم التوفيق وللجميع

سوف احاول معكم هنى ولكن شوي شوي علي تراني مبتدئ اذا سمحتم لي

اخوكم نبع الحنين

[وصايف تهامية]

على كثر القصيد اللي نظمته في خفوقي آه............. على شيٍ غبن حالي و لكن غصب اسليها
على نهر سقاني العذب و لكنه عكس مجراه............ على أرض حوتني حب ... و خلتني وانا فيها.


وصااااااااااااااايف



وحيا الله اخواني وخواتي اللي شاركو برد او تعليق لا عدمناكم


بس انا اشوف والراي للجميع انه المفروض بعد ست ردود السابع يكون بقافيه غير عشان التنويع فيه اثاره ومتعه اكثر وبعد لان القاف بيشيب بيننا رغم ان القافيه اللي اختارها اخوي الهمس جزاه الله خير و عساه على القوه سهله و سلسه و المفردات فيها ماتنتهي لكن برضه انا من رايي التنويع في صالح المحاوره

واحترم راي من يعارضني لاني لست باحسنكم ربما يرى احدكم ما لا اراه



احترامي و سلامي

[الهمس]

الله عليك يا وصايف ما اجملها والله قمه قمه قمه اقل ما يقال فيها

خليني ارد بس والله ما قدرت اقاوم روعة الأبيات دون مجاراتها




وللسبيه رد بعدين نغير القافيه
وتكونين انتي الباديه هذا رجاء





ذبحني روعة ابياتك وغنى القلب ياليلاه=شفق قلبي على عيني عشان انه مبكيها

وهمي قام يلعب بي الا يا معنده مجراه= جروحه في شراييني000 مثبتها ونافيها

[علي السبيَه]

هلا يامرحبا بك ياوصايف والخبر نعناه......... هلا بك ياتهاميه نقدرها و نغليها

حصان الهمس لو يعثروباقي الدرب في مبداه.....نقول المهره الحُرّه بيخسر من يباريها

[صقر الجنوب]

حصان الهمس لو يعثر وباقي الدرب في مبداه.....نقول المهره الحُرّه بيخسر من يباريها

عساكم دائما جميعا على القوة واصلوا لا عدمناكم توه بدأ الابداع توه

[وصايف تهامية]

شكرا أخي الهمس ....أخي علي السبيه .....أخي صقر ....و لا هان البقيه كلكم أنا أشهد ما عليكم زووووووود وإليكم القافيه الجديدة:

لا غدى الاحساس و رطه و ما لأمَّـه داعي....... العذر للخافق اللي حب فوق الميـَّـه
حب هـذي و باع هـذي و ذي لـها خدَّاعــي..... وبين ذولا وش يسوي اللي بعده نِـيَّه؟

............................. وصايف ....................

[أم رتيبة]

اصفق بحرارة

لوصايف التهامية

والهمس

تحياتى يا غاليين

[وصايف تهامية]

ام رتيبه شكرا لدعمك


و تسلم اليدين اللي تصفق


عسانا ماننحرم


احترامي و سلامي

[علي السبيَه]

ابعدي ولا اقربي ماللقدر منّاعي........ابتجيبك قدرتك مادام روحك حيه

القلوب اللي سقيناها لنا تنطاعي........واللي يقتلها ضماها مالها من ديه

[وصايف تهامية]

ياعلي ... حسبي خفوقي لو يهز اضلاعي........... قمت اطول في سجودي لين يترك غيَّه
ابك أنا في وجه ربي ...وان قدر فاقناعي........ قلت جاتك ياخفوقي (قُبــلـة )الجنبيَّـه


وصااااااااايف



مع الاعتذار للهمس كان ودي انتظر ردك بس رد اخي علي شب ثورة شياطيني ........... ابدعت اخي علي عساك على القوه


احترامي و سلامي

[نبع الحنين]

صحت السنتكم
قال ايش قال احاول قم بس قم يانبع الحنين

من جد روووووووووووعه وتكفون طلبي الوحيد انكم تواصلون واتنمنى للجميع التوفيق

ابــــــــــــــــــــــــــــداع لا حــــــــــــــــــــــــدود لـــــــــــــــــــــــــــــه

عيني عليكم بارده

اخوكم نبع الحنين

[الهمس]

اش السالفه
علي وين رايح ما كنك سقطت غلط
وش يالحبيب كنك تقول للهمس اترك المنتدى كله ؟؟؟؟بس هين !!!!
وترى انا في سفر والمسافر له ظروفه
بس الحقيقه انكما ابدعتما بدعا وردا وهاكما خواطر الهمس بعد ان اكل علي صدري البيتين

روعه وحتى الأن لست في مدينتي انما الشوق لما تسطره وصايف وعلي يجرني دائما بدون شعور
بعدين تراه رد سفري


بس يالله له يوم



اصرخي والا اصمتي ما للظا نزَاعي=روحي الي من عطاها عذبتها الكيََه

اصمتي واتشبثي لا تفظحين اوجاعي=لين تبدينا البوادي وابتبين النيَه

[وصايف تهامية]

أخي الهمس


ما للمحاوره غنى وانت من ابتديتها كيف تقول هالكلام عموما سفر السلامه و انا اختك

وما ادري ارد والا بيزعل احد لان ياخذت دورين الحين في انتظار سماحكم لان الرد يكاد يسبق يدي على الكي بورد



تحياتي للجميع ولاخي نبع الحنين اقول ان حبيت تشارك ترى تزيد المحاوره جمال جرب و ترى كلن هنا يحاور وكلن يكمل بعضه

احترامي و سلامي

[الهمس]

اختي وصايف قلب اخوك الهمس بحر
وانا اداعبكم فقط
وانا اعترف بشاعريتك

وانا ارسلت رساله للسبيه قلت له ينتظر ردك وحنا ننتظرك


فلا تزعلي
والله بالعكس ردك دائما شافي

[الهمس]

اختي وصايف قلب اخوك الهمس بحر
وانا اداعبكم فقط
وانا اعترف بشاعريتك

وانا ارسلت رساله للسبيه قلت له ينتظر ردك وحنا ننتظرك


فلا تزعلي
والله بالعكس ردك دائما شافي


روحي
اطربينا اشوف

[وصايف تهامية]

أوف يا رد(ن) كتمته قام يلوي ذراعي....................رد جني و ابن جني من حشا جنيَّه
لا تقول و لا تعيد و لا تهز اشراعي........................... خاف لو بيتي ذبحكم كيف اجيب الديَّه



وصاااااااااااااااااااااااايف ولا تهونون

[صقر الجنوب]

صحت أبدانكم محاورة أقل مايقال عنها أنها محاورة الكبار
وأبشركم بأن أخي الشاعر الكبير شاعر الجنوب الشاعر / عبد الواحد بن سعود الزهراني سينضم إلينا في رباع اليوم ولنا الشرف أن يكون بيننا شاعر كبير في مقام أبو متعب فأفرحي يارباع وارقصي يازهور وأمطري ياسحاب ...

[أم رتيبة]

http://home.no.net/anyas/anyaflower441.gif

جانا خبر كا أجمــل حلم في منامى
أن ضيف غالى وعزيز ح يشرف الغالي
عبد الواحد بن سعود الزهراني
أهــلا وسهلا ومرحبــا يا صاحب مقام عالى
http://home.no.net/anyas/anyaflower441.gif

[علي السبيَه]

الفتاه اللي لها ما قد طفيت اشموعي.......في خيالي ساكنه واوصافها حوريه

راغبه متمنّعه تذهب بعقل الواعي........... لو بتذبحني فداها ماعليها سيّه

[أم رتيبة]

يا حبيبي فيك ظني ما يخيب
لو حصل من بيننا صد وجفا

شمس حبك في عيوني ما تغيب
وفي حنانك يا بعد عمري وفاء

فيك معنى الحب يا روحي يطيب
صـادق شوقك وشوقي صفــا

[علي السبيَه]

شكرا لك ياصقرالجنوب على كل ماتبذله من جهود
في الحقيقه اسعدتنا بخبر انضمام شاعرنا المحبوب
الشاعرالكبير عبدالواحد بن سعود للمنتدى رباع
مليون مرحبا ياشاعرالجنوب عبدالواحد بن سعود

[مشهور]

من جديد هذه ابيات شعرية مراد جميله لها معنى جم وانس هذا الابداع والتنويع في القصيد والمرادد جميل لقد اثريتم المنتدى بهذه الابيات الجميله شعرا ومن هذا الشعر سنعرف الكثير من الكلمات المعبرة والتعبير بالشعر له ذوق ونحن لسنا بشعار ولاكنا نحب ان نتقول بما يقول الشاعر ونسمع منه والمرادد جميل جدا وله نكهة في الكلامات التي ينثرها الشاعر لانها تعبر عما يكنه كل انسان في قلبه ونحو الاخرين ويستطيع ان يقول البيت بكل رحابة صدر يستقبلها السامع لانه شعرا ممزوج بما يكنه الضمير شكرا اخواني الشعار شكرا اخي الشاعر علي السبية شكرا اخي الهمس شكرا شاعرتنا وصايف لقد انجزتم وهانتم اليوم تضيفون شي جديد على المنتدى ونحن نسمع منكم ونقرا شكرا لكم على هذه البادره نتمنى منكم ان تستمرو وتزيدونا من الشعر حتى نرتوي لكم التحية والتقدير
مشهور

[أم رتيبة]

وقـف لحظـه ياصاحبي أنا مانـي أي بنـت

أنـا مانـي بنـت العواطـف او الكلمات الخجـوله

ولاني بنت مسـتــــــــــــواها معرفـة نـت

لا هـذا مـو أصلي وكل(ن) يعـرف أصـوله

أنا لا صاحـوا بالكرامه في هالحظـه بيـنت

دوم دومي رافعـه راسـي اللي محـد (ن) يطـوله

يا صاحبي كم واحـد غيرك انـــــــــا جننـت

وكلهـم رجعـوا فاظيـن اليـد والحمــــــــــــوله

وكـم غيـرك في هواي أنا سـجـنــــت

وكلهـم فـقـدوا الأمـل لـو في نظـره جهـوله

لا تغـرك كتـاباتـي وشعـري لو تفنــــــنت

ترى مشاعـري وعواطـفـي ماتحكمني بسهـوله

عساااااااااااااااااك فهمتـني زيـن وتطمنـت

جنـب تـرا دربـي مستحــــــــــيل تطـوله

وأبغــاك تفهـم الحكي لا هـــــــــــنت

أنا بنــت ووقـت الشـدايـد فـيـنـي رجـــــوله

[علي السبيَه]

شرفنا مرورك الكريم يامشهور وعسى
ان نكون عند حسن ضنك بنا دائما ويكفينا
فخر مرورك على هذه الصفحه المتواضعه

[الهمس]

اوف يالنشميه شقت الأسماعي=وانزفت روح اللي في فؤاده هيًه
الحشا متقطع والعيون اتراعي=السنين ابتذبل في العيون الحيًه

نرحب بكل من مر واتي
واقدم الترحيب بمشهور اولا الحبيب الغالي
والحاظر الغائب صقر الجنوب

وصايف وقفة شكر
السبيه رائع
ام رتيبه عطر المنتدى

الهمس يتعلم منكم

وترحيبه بعبد الواحد

[الهمس]

السبيه مساء الورد الشطر الأول من البيت الأول راجعه زين ولا تستعجل في الكتابه
مو السبيه الي يكتب كذا او انا احول في القراه

تحياتي

[أم رتيبة]

أهــلا بالأخ / همس

وحشتنــــا

من يوم ما فارقتنا ودموع على خدنا

واوعى تعملها تاني وتسيبنا لوحدنا

دورنا عليك يا غالي وقدرنا عللى الليالي

والناس قالت يا عيني ده غالي عندنا

[الهمس]

ام رتيبه
انتي السعاده والهنا
وانتي الضيا ياستنا
انا رحت وانتو على بالي
انا انتو!!!!!!!!!!! وانتو انا

[علي السبيَه]

السبيه مساء الورد الشطر الأول من البيت الأول راجعه زين ولا تستعجل في الكتابه
مو السبيه الي يكتب كذا او انا احول في القراه

تحياتي


اولا
اشكرك ياالهمس على هذه الملاحضه ويشرفني
النقد والتعديل من شاعر مثلك

ثانيا
البيت مضبوط في وزنه ياالهمس يمكن يكون فيه
اخطاءاملائيه لاني غشيم في حكاية الكتابه

شكرا لك ياايه الهمس

[الهمس]

اعلم ان السبيه لا ياتي الا بالجميل برضو يمكن عندي حول في القراه
ما علينا
وصايف ابطت ويمها عسى المانع خير مع اجمل تحياتي
ترى الطريق باوله

[أم رتيبة]

لَيْسَ لِلْمَرْءِ فِـي الْقَضَاءِ اخْتِيَارُ ** لا وَلا فِيْ مْضَــائِهِ اسْتِفْسَارُ

فَـإِلَـهُ الْعِبَـادِ يُصْدِرُ أَمْـرًا ** أَوْ قَضَايَا فَلَيْسَ فِيْهَــاازْوِرَارُ

فَعَلَيْنَا الرِّضَـى بِذَلِكَ حَتْمًـا ** وَعَلَيْنَا الْخُضُـوْعُ وَالإِقْـرَارُ

فَـالرِّضَا بِالْقَضَـاءِ أَمْـرٌ جَلِيْلٌ ** وَعَظِيـمٌ ورِفْعَـةٌ وَوَقَــارُ

[وصايف تهامية]

من قلب أختكم وصايف لكم ألف مليون تحية.........

أعذروني على التأخير كنت مضطره للسفر يومين و جيت اشوف الميدان وش صار فيه لقيتكم كالعاده كفيتو و وفيتو ماعليكم زود


يثلج الصدر مرور أخي المتميز في عطائه و ردوده أخي مشهور........... عساك سالم و على القوة ماقصرت


أختي ام رتيبه الالماس لا يأتي الا في مواطن الالماس هلا بك مليارات و لا عدمنا تواجدك الغالي.

أما أخواي السبيه والهمس ما قول عسى الله يجعل لكما لسان حق و صدق في العالمين و يجعلكما عنده في عليين


................ أما شاعر الجنوب أبو متعب فكل التراحيب ماتوفيه .........................


و عن المحاوره احنا تفقنا ان بعد سته ردود نغير القافيه واعتقد ان هذه القافيه بلغت النصاب ......... و بما اني غبت فاسمحولي اروي عطشي وابدأ القافيه الجديده واللي يعارض على راسي من فوق .............

لا يا ذهب و ش قيمتك في زمن زور؟
شرى الحرامي و جيب راعيك فاضي

تهون لو هو ضيَّـعك غصب مجبور
مير القهر وطّاك للنهب راضي

...........................و صايف تهامية ......................


احترامي و سلامي

[علي السبيَه]

ماكل من هو فاته الفرض معذور........والزور مايمشي على كل قاضي

ضيعت بيت القدس ياوعد بلفور...........واحنا نجادل بين حاضر و ماضي

[الهمس]

[

يازارعين الورد في بر مهجور=غرك سراب البر وقت القياضي
ماتدري انه خالي(ن) وارضه البور=ماتنبت الا الشوك وقت الفياضي
اهلا وصايف وعودا حميدا

يعطيك العافيه على القافيه الجميله
والقافيه الجديده بعد اكتمال النصاب للسبيه حقه بعد
لا تقولين الهمس متعجرف

هذه للدعابه عشان نحط السبيه في زاويه
تحياتي للجميع

[وصايف تهامية]

ابنشدك يامن نظم در منثور...............هو ينفع الظميان ابريق فاضي؟
والا العداله تنحسب لا سطى الجور.... بالخص لو خصمك فها الحال قاضي؟


وصاااااااااااااااااايف


ولا يهون السبيه يا الهمس القافيه القادمه له وهو كفو وكلكم قدها وماعلى وصايف زوووووووووووووود


هذا رد لمداعباتك

احترامي و سلامي

[الهمس]

انا القصيد ابداخلي سبعة ابحور=عندي ربوع القافيه والرياضي
لاقلت بيت احس بركان بيثور= واحس زلزالي سكن بانتفاضي



الأخت وصايف صباح الورد
الهمس كثير النقد قليل المعرفه بس تحملوني
اشوفك وطأتي الحرف وانا الحقيقه لم انوه له من قبل
بس خليني انوه هنا ممنوع تكرار احرف القافيه في اكثر من بيت

الكلام لي ولكم

يالله اللي بيجي بعدي حياه

ناويكم ناويكم
السبيه لك الحريه في فتح قافيه جديده
والا عبد الواحد مسوي رهبه داخلكم
يالله بسرعه قافيه جديده ولا تخافون انا معكم

تحياتي
دعابه

[أم رتيبة]

الشعر سهل في ايديكم وكأنــه شىء عادي
بتقولوه بيسر وسهولة وكأنكم فى النـادى
مباراة بين ضلوع ربــاع وكل ضلع فى وادي

[ابومصعب]

في الحقيقه لو اني شاعر لرديت بس وشنقول الله المستعان
الله يعطيك العافيه ياتهاميه
:msn-wink: :msn-wink: :msn-wink: ابومصعب :icon31: :icon31: :icon31:

[الهمس]

حياك الله ابو مصعب
ونحمد الله انك لم تكن شاعرا والا لأصبح الشعر مدحا واطراء ومجامله
تحياتي لمرورك العذب

[علي السبيَه]

في الحقيقه لو اني شاعر لرديت بس وشنقول الله المستعان
الله يعطيك العافيه ياتهاميه
ابومصعب

يابومصعب تشرفنا بمرورك الكريم وانا تراني
مثلك ماني شاعر اللهم مجرد محاولات على
قد المعرفه وبعض الامور ماتحتاج شاعر على شان
توضح وضح لنا قصدك ياابومصعب وابشر بما يرضيك

[وصايف تهامية]

اختي الغاليه / أم رتيبه صدقيني وجودك هنا معي بأي شكل دعم لي لأني لحالي في جبهه كلها رجال بس ما عليك وانا اختك بإذن الله قدها و قدود ماهو غرور بس { و إما بنعمة ربك فحدث }.......ز
تحياتي لك.

................
أخوي أبو مصعب ............. حياك الله و لو انك شاعر كان زين لأنك وقتها بتعرف أن أرقى من الشعر هو نية الشعر و مقصوده ولانك وقتها بتكون حريص ان نعمة الشعر لابد أن لاتتحول إلى نقمة عند رب العالمين الذي حباك بها.

و مدامك لست شاعر فيكفي الانسان أن يكون شاعر بنفسه و بمن حوله شعوراحسنا ..... ( كن جميلا ترى الوجود جميلا)

تحياتي لك وحياك اخو من أخواننا و إن شفت علينا خطا في وزن او قافيه أو مضمون فالنقد مقبول و الزعل مرفوع.

......................................
أخوي المبدع الهمس

اهلا بك مليارات

و توجيهك وصل وابشر ياخوي .................................... و في انتظار قافية شاعرنا المميز ...... علي السبيه

أما عن وجود شاعر الجنوب عبد الواحد أكيد له هيبته لكن ما من شي يخيف دامنا كلنا أخوان ودام النوايا خير ولو حاورنا أنا أول من يقول هلا مليارات وهو ماعليه زود واحنا بعد................... ومن يهاب مواجهة السيوف المهنده فلا يخوض غمارا.................

........................................

اخي علي السبيه

ردودك دوما تأتي كما هو متوقع منك ................ لذا في انتظار قافيتك بشغف



احترامي و سلامي للجميع

[نبع الحنين]

الله يعطيكم الف الف الف مليون عافيه

من جد ابداع وروعه وحبكه وفن وذوق

مشكورين جميعاً على هذه المحاورات التي تيلق مبنتدى رباع

الله يسعدكم جميعا

مشهور وعلي والهمس ووصايف وام رتيبه اشكركم جزيل الشكر من كل قلبي على ماتقومون به من جهود في منتدى رباع وخاصة الشعر .............

اخوكوم نبع الحنين

[علي السبيَه]

وصايف شاعره تتقن حروف الشعر والقيفان......لها يترنّم المعنى لها ترجح موازينه

وشعر الهمس ياهوله يغيض ويلبسه شيطان......ويتجبّر كما الزلزال الى ثارت براكينه

[وصايف تهامية]

سِلـِـمْـت ... ولا سلم قلب الخبيث مطاوع الشيطان..........................مريض و نيته سودا ثقيل الروح والطينه
حسبها وما حسبها صح... وذا الميدان يا حميدان.....................يقابلنا وذا وجهي اذا ما طاح من حينه

........................................ اخي علي وفقك الله في القافيه وشكرا على الاطراء اصاله عن نفسي ونيابه عن اخوي الهمس لين ياتي........................ سلمت ............. و دامنا اخوه مافي تفاضل انت تبدع والهمس مبدع و وصايف مثلكم ولا ياجبل لا تهزك نفحه عابره


وشكرا لاخي نبع الحنين لتواصله عساه على القوة

[نبع الحنين]

سلمتم ياهل القيفان ونوركم دايمن زهران ........... ومن يعرف علي والهمس يخدمهم من اعيونه
ولا هانت وصـايف شعـارة تتقـن الأوزان ........... وصايف شاعرة تحبك لكل الشعــــر وافنونه

مداخله بسيطه وابغى رايكم فيها بكل صراحه وبدون زعل

[علي السبيَه]

صح لسانك يانبع الحنين بيتين رائعه
بروعتك يانبع الحنين وقول تيب

[الهمس]

الا ياقوة الله ثار شيطان الغضب بركان=يهز العالم الشعري وينبض في شرايينه
رسايلكم عرفنها مجرد ماانقرا العنوان=وباسوي في العاصي علامة وشم وادينه

[علي السبيَه]

على الشيطان واعوانه قرينا سورة الرحمن......وهلّلّنا وكبّرنا( العضيم ) وصاف من حينه

علامك لا تحاسبنا بلا دعوى ولا برهان ...........مادام ان الخبر مجهول ماتثبت براهينه

[وصايف تهامية]

تحوم فخاطري فكره .. و لكني أقول أخوان ................. و أخزي ابليس و اتراجع واذكِّر شعري بدينه
حرام أني لو أكتبها.. وتوافق شيطنة شمران .................. يثور الحق وما يلحق....... ولكنَّ العقِـل زيــنـَه


وصايف

الهمس و السبيه عساك على القوة ابدعتم

نبع الحنين هلا بك وما عليك كلام لكن الكلام على القافيه احنا ( ي ن هـ ) وانت جبتها ( ون هـ) فما توافقت نود ان نلقاك في محاوله ثانيه وهلابك مليارات


احترامي و سلامي

[الهمس]

ابكسر راس جنيك لو انه من ملوك الجان=وجن الشعر اخليهاتصارع مع مجانينه
ذكرت الله وهديت العلوم الي بها طربان=على ماقالوا ان ابليس مايكسر مواعينه



وصايف مبدعه وتثير جنون الشعر دائما رائعه وقفة احترام
السبيه عميق وفنان يسبح في القمه
الهمس لا زال يجاريكم
نبع الحنين مرحبا مليارات ضرب مليار احسبها ووصايف بينة
بيض الله وجيهكم جميع

[علي السبيَه]

رحاة الحرب الى دارت وزاد اتسوع الميدان.......فيا مااكثر مقاتيله ويا مااكثر محازينه

نصيحه والنصايح يشتروها بغالي الاثمان ......تجون من الطريق اللي لكم توضح عناوينه

[وصايف تهامية]

تحاورنا ... ولي فيها مئارب تستر اللي بان ........... أسلي خاطري و أمسح رسوم الهم من عينه
يطير الطاير المجروح بدمه في الفضا طربان.......... وكل(ن) يحسده طربان يابخته .. والبخت وينه؟


وصااااااااااااااااااااااايف


اخي الهمس الله الله استعد بالقافية الجديده

اخي علي ......... اعد العده ترى الهمس ناوينا ناوينا في الجولة القادمه


نبع الحنين خليك معنا

ام رتيبه نبي دعم خارجي منك تري الهمس جايينا


للجميع ترو بعض الكلام مجرد دعابة اخت لاخوانها عشان نلطف جو المعركه ولا يزعل احد


احترامي و سلامي

[نبع الحنين]

بدعت الشعر لي سنين(ن) ولي ازمــــان ......... ولكن ودي اوريكم من كل نوع(ن) عينه
انتم شعار وانا طالب(ن) وامون يااخوان ......... ولكن شعركم ابـــــــداع يازينه ويازينه


اخوي علي والهمس اختي وصايف اشكركم على الترحيب بي ولكن دخيلكم تحملوني شويه لأني مستحي منكم وانا ماوصلت لمستواكم ولكن حب للمشاركه ولي الشرف اني اشارك معكم ولكن اعطو سداح فرصه لكي يستجمع قواه ويجيكم مثل الخيل لنطلقت ( واحد مسوي ثقه ) ههه علي تيب ؟
من جد احرجتموني وانا انشاءالله نكن معكم في الخط بس هذاي بدايات وانتم عارفين بحكم انكم شعار لازم مدح واستأذان لين امون وبعدين اتفاهم معاكم ههه

اخوكم الأصغر نبع الحنين

[وصايف تهامية]

اخي نبع الحنين


هلابك مجرد مشاركتك مهما كانت تسعدنا


حياك الله



احترامي و سلامي

[الهمس]

يعين الله يعين الله على اللي في الحشا مكنون=علوم(ن) لو نطلعها تشيبي يا التهاميه

اخلي كل صاحي لو قراها يعتريه اجنون= وتمسح قصة المجنون باالقصه الغراميه

شعراء جميلين وروعه في الأبيات ورقي ووضح في المعنى يعني اللي يجي هنا يبلط عند الصفحه
يعجبني استخدام لكمات مفهومه للجميع
وصايف الله يقويك شاعره مبدعه
السبيه يعطيكم العافيه
نبع الحنين مرور جميل
ام رتيبه اين انتي

صقر الجنوب مشهور صح اليل

[*** الصهيبي ***]

الله يعطيكم العافيه

قصايد من المصاوب ذيك

واصلوا الله لا يهينكم
ونحن متابعين
على الخط





الصهيبي

[الساحل الشرقى]

تحياتي للجميع

[وصايف تهامية]

توقَّى المقبله يالهمس ترى بعض البشر يخطون....................أخاف انَّـا بنقلبها لعسكر و الحراميَّـه
ترى بدري عليك لفوز...وفيني جيش بن لعبون..................ورمياتي فحرب الشعر تجي ميّه على ميَّه



أخي الهمس جاتك و عساك ان مامت منها ما تدخل فغيبوبه (ههههههه) تراك وصيتنا وما وصيت الا حريص

.................وين انت يالسبيه..............

مشهور صقر الجنوب أم رتيبه افتقدناكم


احترامي و سلامي

[علي السبيَه]

رحاتك ياتهاميه تدور وحبها مطحون.......وقدر الهمس مايغلا مادام النار مطفيه

وانااسيطرعلى الاثنين والاثنين مايدرون.....اسرّحهم واروحهم بوقت الشمس والفيه

[الهمس]

تكاتفتم تعاونتم وقفتم كلكم بتجون=وباسوي بكم قصه خرافيه دراميه
الا هبت هبوب اعصار قونو حظرة المزيون=بتتساقط سهومه عقب ما يفقد محاميه


وصايف مبدعه اصابة الهدف دون اضرار ههههههههههههه
السبيه صقر يحوم في دائرة المقتل هههههههههههههه
تبقون في قلبي وعلى راسي دائما

الصهيبي مرور كريم من اخ كريم تشرفنا
الساحل الشرقي شرفنا مرورك ولا هنتم

[نبع الحنين]

ترى القصايد عندكم سهله كنكم اتغنون ............ ما هو بمثلي يديس ويذري بكل محميه
انا دائماًاسرح وامرح واشوفكم تغدون ............ وانا بينكم تايه و ضايع وعينـي معميه

تيب تيب تيب ياخيه

[وصايف تهامية]

علي......كنك نطقت بشي...وهي أحلام مهما تكون................. تجي للظامي اللي احيان يخايل في الخلا ميه
تسرِّحنا و ترَّوحنا... ؟؟؟وانا ودي اسألك واشلون؟................ و (غزلان الوضيحي) الحين بأمر الدوله محميه


....................اخي السبيه ......... تسرح و تروح مين وانا اختك يا محمد ............... جبتها لنفسك تحراني في الجايات

وصح لسانك

............... اخي الهمس يعطيك العافيه على الروح الروح الرياضيه المبدعه

الساحل الشرقي هلا مليون ولا يكفون
نبع الحنين صح لسانك
الصهيبي اسعدنا وجودك

نداء لكل شعراء المنتدى ........................................... شاركونا تجدون ما يسركم هههههههههههه

مشهووووووووووووووووووور وينك يالعضيد؟؟؟؟؟؟؟؟؟؟؟؟؟؟؟؟؟
صقر ............. زمان ماحمت حول المحاوره والا ما طاب لك جوها؟

احترامي و سلامي

[الهمس]

ابا نبهك يالغافل وانبش باقي المدفون=وصايف وقفت لك وابتدت حرب(ن) كلاميه
ابعسف لك رقبتك لين تصبح بعدها مغبون=توقف واعلن التوبه جنوبيه وشاميه


تحياتي يا وصايف وونعم باخت محمد وكنت انتظر بفارغ الصبر وعديت السبيه بمزاج

تحياتي انتي مبدعه وحمي الوطيس

[نبع الحنين]

اشوفكم على اخي علي تتكبرون ........ انا ماني بقدكم بس انا له حميه
الميدان ياحميدان ان كنتم تقدرون ........ تعالوا وشوفوا ولكن صفوا النيه

[وصايف تهامية]

أخي الهمس سلمت و ما عليك زوووووووووووووووود


أخي نبع الحنين حياك الله ...........ز من جهة أخوك علي لا تخاف عليه ما شاء الله مايحتاج لحميه واذا كنت معاه عاد حياكم الله سوى و السابقه تقدمها يدها

اما من جهة في الميدان يا حميدان فهذا احنا فيه وذلحين احنا سوينا العدوان الثلاثي يعني بوجودك و بوجود بقية شعراء النتدى بتقوم العالميه الثالثه هنا وانا متعطشه لها .............. أما عن النويا فانا يعلم الله اني واثقه ان الامر مايعدو كونه سوى تنافس شعري مهما قيل والقلوب البيضا ما يدنسها تراب دنيا

واعتقد ان السبيه و الهمس معي في نقطة ان الزعل مرفوع

أخي الهمس :::::::::::::::: راجع الشطر الأول من البت الثاني:::::::::::::::::

و عساكم سالمين

انتظر رد السبيه

احترامي و سلامي

[نبع الحنين]

اولا اقدم احترامي للجميع

اختي وصايف انتي عارفه ان العين ما تعلى على الحاجب ولكن شفتها نار قلت ازيدها قاز علشان الجو يسخن زياده

طبعاً مهما سار كله بدون زعل واحنى قبل كل شي من قبيله واحد واسره واحده بمنتدى رباع

واقدم اعتذاري لكم جميعا

[علي السبيَه]

مصيبه لوتبي الجمّا تناطحنا بدون اقرون.......وتتحدا صليب الراس بين الروحه والجيه

نعيقك ياغراب البين مايطرب له المحزون.......نعيقك للتشائوم ياغراب البين ماريه
.................................................. ....
تحيه وتقدير واحترام للشاعرنا الغالي الهمس وشاعرة الجنوب وصايف تهاميه
وانا تراني احب امزح وانتم احسن مني واعرف مني وانا منكم استفيد والنيه
طيبه لكن نبغى نسخن الصفحه ونشد القوافي بيننا واشكر كل من يمر على
هذه الصفحه وشكر خاص لك يانبع الحنين وتراني شايلك للعوزه
للجميع خالص التقدير والاحترام

[أم رتيبة]

على السبيه وكلام على لساني
ومركب صغير للجنوب ودّااني
سألت عن شعراء النبط وشعراء عجباني
أولهمـ على و وصايف والهمس نادانى

[علي السبيَه]

غير ام رتيبه ماتقليش على حد تاني
دي هيا اللي في المنتدى مونّساني
دكتوره في اختيار الجمل والمعاني
وكل مواضيع ام رتيبه عجباني

[أم رتيبة]

يا عينى تشهدى و لاَّ تشهد انت يا قلبي
باكتب كلام من فرحتى ولاَّ من غلبي
منتــدى ربــاع يفتــدى حتى لو كان الثمن كبدي
وعلى السبيــه لو كان موجــود
ما كانت إيدى عمرهــا على خدي

[وصايف تهامية]

يقول الدين : لا تعتب و لا تشره على المجنون ................. وانا لرضاك يا ربي عفيت وشلت ايديَّـه
ولكن لو تجي براسي أطيِّح راس منهو يكون.................ولكن شيمتي تغلب شجاعاتي التهاميه

............. أخي السبيه و لا هان البقيه ............ رووووووعه.......... و المحاوره ماتزين لو قلبناه مدايح في بعض و مناقشات عاديه لابد من الحماسه والفخر ولو حبيتو نقلبها عصبيه نقلبها عصبيه لكن أخاف تصير بين القبايل وش يفككم من ( السعوديه كلها لا استقامت معي)

تحياتي لكم واذا حبيتو نغير القافيه او نكمل تشاورو و ردوا مني

احترامي و سلامي

[أم رتيبة]

با احب اشوف كلامك يا تهامية

لغتك سهلة وبسيطة كأنها مصرية

بنت بلد وأصيلة مية بالميـــة

والمدح فيك حق مش قصة غرامية

[الهمس]

رسمت الخط بيدي والنهايه خطها موزون=نهاياته على ايدي وابشري به ياالسنافيه
اباخليه في كيفه خطامه في يدي مضمون=حسبته واحد منا واثاري المله زيديه

وصايف يعطيك العافيه والقافيه عندك يالنشميه
السبيه الدرب باوله
ولما تشتد العواصف تطيح المجاديف والعذر والسموحه ترى نبقى اخوان والأحترام مكانه لكن الميدان يا سبيان

تحيه للمسات ام رتبه الطيبه
بعد اذن وصايف

ام رتيبه هي الحنيه
ما تخافيش وصايف قنيه
واحزني بس على السبيه
وانا اقول ماحدش ليه

تحياتي

[علي السبيَه]

الهمس جردني من ديني ووصايف خلتني مجنون
وياقلب لاتحزن ويقولون غير القافيه الا شدوها

انا مجنون في حب الغواني والعيون اتمون........الى خذتي غصب قلبي فداك العقل ياابنيه

من اسبابك سريت الليل الاسود يازريف اللون......وانا صدّقت من قالو ليالي العشق ورديه

تحيه وتقدير واحترام للشاعرنا الغالي الهمس
وللشاعرة الجنوب اختنا وصايف تهاميه
ولكل من يمر على هذه الصفحه

[نبع الحنين]

انت اساس والأحساس وخلهم شويه يغــردون ............ كل(ن) يفضفض مابداخله ببيات شعريه
لا جيتني ابشر بشحم الجلب لا جت في صحون ............ وان بغيت قعدان فبشر وان طبت نجديـه

[وصايف تهامية]

حرام اني على قولة ابوي ( اداوي المغبون )::::::::::::::: ::::ومن لا جابته عشبه يجيبه البتر و الكيَّه
ظبي حر و ملك دنيا وكل اللي رموا يخسون:::::::::::::::::: ما صاده الأسود اشلون يطيح بِرِمْي ذوليَّـه


أخي السبيه احترم رغبتك و شديناها و بقينا على القافيه بس والله اني اخاف تاليها يصير فيها زعلات انا عن نفسي الكلام النيه والكلام مايزعلني دام النوايا بيض


الهمس احترامي و سلامي بس لا نخوض في العقائد

ام رتيبه :::::::::::::::::: شكرا لك واخواني كفوا بالرد

احترامي للجميع

[الهمس]

انا لو شفت قمريه الاعبها غنا وافنون=ارقصها وانقزها واثبتها وهي حيه
لكن الحاسره تبقى لعود(ن) مامعاه اسنون=تلاقوا في زمان العولمه حولي وحوليه


هلا بوصايف وتحيه لك والعقيده واحده بس اختلاف المذهب ولو انك فعلا محقه واشكرك لكن الثوره دون شعور كتبت واكرر اعتذاري
والكلام لكم الأثنين
ترى تونا على الشاطيء يعني انا المظله باقي ماسكها واشوف عمق البحر لازال بعيدا
بس ارجو ان تكون القلوب صافيه وتقبلوا تحيات اخوكم

[علي السبيَه]

ترى الاهرام مبنيه ولكن( كنزها) مامون.......بعيده عن( يد) العاقل من العربان والعيّه

ومن سبّة عصا موسى غرق وسط البحرفرعون...خذ العبره ولا تعجل ترى الايام دوريه

[أم رتيبة]

رباع منتدى ذا شجون .... والحديث فيه بقى مزاج وغية
الشعر فيه معجون ..... والشعراء فيه يزيدون عن ميــة

[*** الصهيبي ***]

رباع منتدى ذا شجون .... والحديث فيه بقى مزاج وغية
الشعر فيه معجون ..... والشعراء فيه يزيدون عن ميــة

ههههههههههههههههههههههههههههه
الله يستر من كلامك يام رتيبه


شعرائنا الغالين المبدعين المتميزين

علي السبيه
الهمس
وصايف

واصلوا فنحن متابعين من بعيد لبعيد


اخوكم
الصهيبي

[أم رتيبة]

معلشى يا صهيبى الشعر با اتعلم فيه العد
وبا اتعلم لوحدى مش با عتمد على حد
ولو عاوز تعلمنى ماشى
صدقنى مش هزار انا با اتكلم جد


ههههههههههههههههههههههههههههه
الله يستر من كلامك يام رتيبه


شعرائنا الغالين المبدعين المتميزين

علي السبيه
الهمس
وصايف

واصلوا فنحن متابعين من بعيد لبعيد


اخوكم
الصهيبي

[وصايف تهامية]

تبريِّــت الشعِـر لو كان غدى يتبعني الغاوون....................... و آمنت بإلهي اللي حباني حروف سحريِّه
تحياتي لتاريخ(ن)مضى لو هو بقى وتدرون.......................ورا كل العظام نساء... وانا صفوفي أماميه

وصايف تهاميه

اعتذر لتأخري في الحضور بس كانت وعكة صحية و الحمد لله (((((( شكل أحد داعي علي والا ما قال لا اله الا الله))))) على كلن ما عاد بدخل المنتدى الا عقب التحصين .............ههههههههههههههه

تحياتي واحترامي وتقديري لاخي الاكبر دوم علي السبيه عساك سالم و على القوة
اخي الهمس يعطيك العافيه ما قصرت مبدع
ام رتيبه ما عليك اذا الصهيبي مابيعلمك انا عند عينك متى ماتبين يكفين روحك الحلوه ياصاحبة الألفيه الثالثه (((بجد مش هزار))))
اخي الصهيبي................... حياك الله ما قصرت لكن رفقا بالقوارير ...........

اخواني (((( صقر مشهور متعب)))) لا خلت منكم الديار و عسى المانع خير مامريتو المحاوره؟؟؟؟

احترامي و سلامي

[الهمس]

الا يالعنة الله لا غدينا نذكر الملعون=لعب في راس حوا واوقعت بونا بمعصيه
خرجنا من ربا لجنه وعشنا في عذاب الكون=وسيف الشعر باسله وباقطع راس ذا الحيه


نقول قود افترنون على كل العيون
وصايف تعرضت لصعقة وتعبها السبيه ونقول لهم الف سلامه
انشاء الله الهمس محصن

[أم رتيبة]

ألا يا الهمس كنــا بالجنـــة وما كنا محزونون ... ولمــا خرجنــا ووصلنــا لحياتنــا ديّة
وشفنــافيها العجب و رغم الوسع كأنهــا سجون .. ولا فيهــا فرح ولا أمل غير شربة المية

[وصايف تهامية]

وين الناس ؟؟؟؟؟؟؟؟؟؟؟؟؟؟؟؟؟؟

[الهمس]

علي السبيه الظاهر ما حصل للأخت وصائف مر عليك اللهم لا شماته وش فيكم الله يستر لا يكون فيروس
سامنحك فرصه ليوم واحد فقط ابتداء من 10-7-2007م
وبعدها ستصبح منسحبا بتاريخ 11-7-2008م عند الساعه التاسعه مساءً ومن حق الاخت وصائف الأستمرار بقافيه جديده او على نفس القافيه
وسيصدر قانون عن هذه المسابقه مع بزوغ قافيه جديده مما سيزيد اثارتها وحماسها


كما نرجو من مشهور ام رتيبه رحاب الرحمن صقر الجنوب تركي بن محمد المرور وتسجيل الزياره دون انتقاص للأخرين فكلهم على رؤسنا لكن انتم اهل الدار ولكم تحياتي

[علي السبيَه]

اولا اعتذر عن التأخير كانت ضروف
خارجه عن ارادتي وبعدين علي السبيه
ماينسحب حتى ولو كان خصمه الهمس

بغى الاعمى من البندر له ارسيفر وتلفزيون....تعشّم يوم قالو به محطات(ن) فضائيه

عمت عينه عمي قلبه ولا عاد يملك الا الشون.....ولا به سوق طبه مابلش في حلق عبريه

[وصايف تهامية]

سكت دهر و تحرينا واثاري هجرته يا عون ............................ سرى شيخن بمشعابه ورد بدون راعيَّـه
وانا يابن السبيه ادركت وش اللي داخل المضمون..................... ولكن قلت في نفسي تكفّر زلته الجيَّه


اخي علي ................... هناك احدهم قدّر فقتل كيف قدّر

حياك الله و مثل ماقلت يغني عن العتب جيتك بالسلامه

والقافيه الجديده قادمه بذخائرها

[الهمس]

سكن بين الرموش وعلقته اهدابها بالنون= تهاميه تهاميه وتلبس ثوب نجديه
بغت توقف بوجهي واحتمت في جانب المحزون=وخليته هو الطبال والرقاصه حوريه

الحمد لله على السلامه ما تشوف شر يالحبيب
شوفوا لكم شيوخ يقرون عليكم ترى مادري وش صادكم هو خوف والا حماسه ههههههههههههه

نبقى احبه

وننتظر القافيه الناريه

[علي السبيَه]

اشوف الهمس تتراجع خطاه وكل ماله دون......كما لوكان جته القافيه غصب(ن)وجبريه

ويتخبّط ويتهكم وفي سب العرب ملسون ......هروجه مالها معنى تجيني ب الحموضيه

تحيه وتقدير لك ياشاعرنا الغالي الهمس واحنا
ترى باقي في اول الطريق ماوصلنا للدرجة الخوف
والرهبه والله العالم من اللي بيوصل لها قبل الثاني
وننتضر وصايف علىشان تغير بقافيه جديده

[وصايف تهامية]

لا تـنـه عنَ خلق(ن) و خلقَـك بلاوي .................. عار على الرجَّال لو ينطق بعيبه
وان كان مانت بقدها لا تعاوي....................... كثير عندي تجر لسانه الخيبه

وصااااااااااااااااااااااااااااااايف

اخي الهمس ترى أحدهم ( نطق بكلمه ولم يلقِ لها بالا فهوت به سبعين خريفا في جهنم) و نبقى اخوان

يا شيخ علي جاتك الجديد÷ ( أليس الصبح بقريب ؟؟؟؟؟؟؟؟ )

احترامي و سلامي

[الهمس]

ان كنت لا تعلم فهذي لهاوي= وش عاد لو بين الحنايا تصيبه
ما عاد تدري وين سارح وضاوي= مصيبته يا كبرها من مصيبه

[S. S.]

مش عارفة بتتكلموا عن اى موضوع

[الهمس]

ss مع المتابعه ستستوعبين
حياك وتحياتي لك

[S. S.]

اخبرنى حتى أشارك معكم

[علي السبيَه]

لكل علّه ياوصايف مداوي.....والهمس يعجز عن علاجه طبيبه

نويت اودي الهمس للشهارناوي....يمكن يلاقي ف العنابر حبيبه

[وصايف تهامية]

اللي ثقافاته هروج القهاوي..............................لاتجادله تخسر و تدفع ضريبه
واللي ورث من جد جده عراوي.......................... الرنج حلم(ن)لو فنى ما يجيبه

وصااااااااااااااااااااااايف

[الهمس]

انا مع التهمان قلبي هواوي=واحب صدر التهم ريحه وطيبه
بكيفكم والا بكيف المخاوي=لابد ماتنساق صدفه قريبه

[علي السبيَه]

وشلون تنزل للتهم وانت حاوي.....وايديك عادت من بلاها عطيبه

تورّط الرجّال بعض الهقاوي .....والتهم من دونه عقاب(ن)نشيبه

[وصايف تهامية]

حياااااااااااااااااااااااااااااااااااااااااااااااا كم جميع


ياكم حديث(ن)ضعَّفه ضبط راوي.......................... و كم جاهل(ن) في الدين ضاع ومشي به
و اللي تبع شيطان نفسه شقاوي......................... باكر يجيه العلم ..............و اسمع نجيبه



( احترااااااااااااااااااااااااااااااااااامي لأخواني السبيه و الهمس و لا هان البقيه)

[وصايف تهامية]

أخي المس أخي السبيه

وينكم كذا ماصارت محاوره لو انكم مادخلتو المنتدى من البارح نقول عذركم لكنكم موجودين و لا حس و لا خبر المفروض بمجرد ماتدخلون أول شي تروحون للمحاوره تردون و بعدين اذا تبون تروحون اقسام ثانيه الله يستر عليكم

بس كذا بردت بصراحه حلاتها انها تجي ضربات حماسيه قويه و سريعه لكن كذا ماااااااااااااش

اظنكم و الجميع معاي

و الا اعتبر هذا رايه بيضا مرفوعه من قبلكما؟؟؟؟؟؟؟؟؟؟؟؟؟؟؟؟؟؟؟؟؟؟؟

ما هقييييييييت

و اذا تشوفون ان القافيه صعبه او ممله غيروها و انا احترم رايكم و على راسي

في الانتظار

احترامي و سلامي

[الهمس]

الجاهل اللي قام يصدر فتاوي=حتى الجهل من كثر جهله يعيبه
ينقل ويتناقل كلام الحكاوي=اظن روحه سلمت لي منيبه


وصايف تحيه اخويه
ترى معرفي الهمس
ثانيا انتي والسبيه على الفجر تبداء القريحه تشتغل وانا عندي التزامات ماني مرابط دائما
اما عن الرايات فستقع قريبا
بس انتبهوا جميعا
التكرار مرفوظ
والركاكه واي منكم يقع فيها ساقف له
اما القافيه فهي رائعه بروعة وصايف
وبحرها وسيع

[علي السبيَه]

لا تعليق على كلام وصايف والهمس؟؟؟؟؟؟؟

ياكملي ابني المعرفه والحداوي......واشتال حمل اهل الضهور الحديبه

واللي تضنّينه شبيه الحداوي ........غني بلحنه واطرقي والحدي به

[وصايف تهامية]

ياشيخ علي ............... كفوووووووووووو و الله مجار من بعض التشابيه و وصايف عداها الخطا و الالحاد

اخي الهمس ترى ما اشترطنا لا فجر ولا ضحى المهم ترد و عساك غانم أما الراية ما لك أمل و أنا اختك الا ان كان مت أو صابني باس

و تسلم على اطراء القافيه و وصايف


القافلة تمضي عوى من يعاوي..........................و النمل ثار و ماسمعنا دبيبه
ياجاهل(ن) سيفي محنَّك سطواي......................... والصعب أجيب أمه و أبوه و اجيبه

[علي السبيَه]

ياشيخ علي ............... كفوووووووووووو و الله مجار من بعض التشابيه و وصايف عداها الخطا و الالحاد


الضاهر ياوصايف انك مافهمتي معنى البيتين اللي
كتبتها وماادري عن الهمس بعد وانا ماقصدت التشبيه
ولا الالحاد والعياذ بالله
انتضر رد الهمس اذا مافهم الابيات فأانا مضطر لشرحها

[الهمس]

ياهل التهم بعد الخلا والخلاوي=سرتم على الحاسوب تبغون هيبه
الفرق واضح يستحيل التساوي=وش جاب تهمان الصدر لأهل طيبه


احبتي
بيت علي واضح جدا الله يهديكم ووصائف اختلط لديها المعنى
وانا سافسر يحتمل انا بعد فاهم خطاء
علي اراد بقول الحداوي لحن جنوبي جميل وتغنى به سعيد الحداوي
اما كلمته الحدي به فهي الف همزه فوق الألف وفتح اللام والحاء والدال (ألَحَـدي به
ربما وصائف قرأته بألف تحتها همزه وهذا إلحاد بين أنتبه يا سبيه

تحذير اخر واخير
من يعيد كلمه لااحت في بيت سابق او يخل بالوزن يعتبر مسلم وخارج المحاوره
ومن سيكمل ؟؟

[علي السبيَه]

شكرا على الشرح ياالهمس وانا اعترف اني
ضعيف في الاملاء ولكن الوعد عند القصايد
وانا وراكم وراكم والزمن طويل

خيّلت لي وسط السماءبرق ناوي.....منه يشع البحر والبر ضي به
واهل المزارع يقنو البر قناوي ......واللي خذا محصول حبه رضي به

[وصايف تهامية]

أنا أم وافي كان جت للعزاوي..............................من قبل اجيبه و كل من يعتزي به
ماهمني متشدِّق براس خاوي..............................غيرة ضعيف(ن) تحرقه وتصطلي به


................ الحداوي فهمناه من اول ماكانت تبي توضيح ............. اما الحدي به هذي عاد ذنب املائك ياخوي ماهو ذنب فهمي................. على كلن شكرا للتوضيح اخي الهمس

احترامي و سلامي

و نبي القافيه الجديده اخي الهمس
او انت يا خوي علي الله لا يهينكم

[الهمس]

اخاف لاييبس عصب عود راوي= يحتار بين الهينه والصعيبه
العز بالله ما اعتمدت المناوي = ما حتاج عزوه نايفاتي صليبه

اسعدتم مساءًانا ما اغير ولا اكرر الي وده يغير يتفظل انا معكم الى ان تقولوا تعبنا
وترى اعدي لكم الأثنين البيتين السابقين بمزاج !!!!!!
بس القافيه الجديده دعونا نحكمها بشروط ويخرج من يطاء الشروط امام الجميع
اتفقنا ؟؟؟؟

[علي الغبيشي]

حضور متطفل وبداية استمتعت بقراءة المحاورات السابقة واقبلونا معكم هنا وتحية ( لعلي السبيه - الهمس -وصايف تهامية )



بعض القلوب نظاف والبعض غاوي= والمظهر الخداع أكبر مصيبه
ماعاش صدق الشعرفي كف هاوي =حتى ولو دارى بالافعال عيبه
أخوكم / علي الغبيشي

[وصايف تهامية]

بعض الحروف سيوف تذبح و تاوي..................في غمدها مافكرّت من تصيبه
ياحر طعنات(ن) تجيلك سهاوي....................... كم راعي(ن)نام وغدر فيه ذيبه

احتراااااااااااااااااااامي و سلاااااااااااااااااااااااااااامي

[الهمس]

وصايف مكانك خطاء
انتي بعد السبيه
السبيه تأخر بس نعطيه فرصه برضو
تحياتي

[وصايف تهامية]

أخي الهمس .............................. انا اعرف انها محاوره و متى ماجاك الرد ترد لا تخنقه و الا كيف المره الاولى كان مسموح وقلتوا لا تحترين هاتي ردك؟؟؟؟؟؟؟؟؟؟ يمكن وقتها ردي كان بيكون فزعه للي بعده يعصر مخه في الرد

و اظن اخي السبيه مايشوف فيها شي و ردي كان تعليق على بيت الشاعر علي الغبيشي فقط لان هذه القافيه اخذت حقها و ازود

و اذا جينا لمسألة الأدوار ترى قلنا لك الدور عليك في بدء قافيه جديده لكنك شفت انها عادي تتخلى عن الدور و اكتفيت بوضع شروط لها

و بما انك ناقد في كل شي حبيت اقلك ان ( خطأ) تكتب هكذا و ليس (خطاء)

لانك ما شاء الله عليك ضليع في حكاية الاخطاء الاملائيه و اصطيادها

حفظك الله

احترامي و سلامي

[الهمس]

اختي وصايف اقبلي عذري وانا لم اقصد ذلك اختي هوني على نفسك حفظك الله
واسف على كلمة خطاء ومنك استفيد بل هي خطأ وكلامك ميه ميه
وانا لم اقصد الجفاء بعد الجفاء لايكون غلط بس مشيها ولكن لتكون المحاوره على نسق معين وألأخ الضيف بارك الله فيه جديد ومن حقه وضع نفسه في المكان اللذي يختاره وقد كرر ايظا لكن بعذره جديد على الصفحه والتمس له العذر وبما انه متمكن سيدخل المحاوره كما تكون بس ياويلكم مني اللي ياخذ حرف غيره كرت احمر على طول

اختي ارجو ان تكوني ذات سعة بال وصبر على اخوك الهمس فهو مشاكس نوع ما واذا ما استفزيت من يحاورني فكيف لي ان اطيح بالرايات وانا اخوك
والله لا احمل لك وللسبيه الا كل ود وان كنت تجاوزت فاعذروني ومستعد للأبتعاد فورا والكلام للجميع
تحياتي وسلامي

[وصايف تهامية]

أخي

الهمس


حياك الله

و ارحب من نفسي لن تجد و انا قلت للجميع من البدايه الزعل ممنوع

و من حيث انك مشاكس نوعا ما فباقي ماشفت وصايف

و الريات تطيح قريب باذن الله

عموما و الله ان خاطري اكبر من انه يحمل لاشياء تافهه مثل هذي و انت قلت السالفه لهاوي

و المحاوره بدون اي واحد فينا مع شاعرنا الغبيشي تبور

فخلينا نكمل

و لكم جميعا احترامي و اذا تبغون أغير انا القافيه ابشروا أو الشاعر علي الغبيشي يشرفنا بقافيه جديده

[علي السبيَه]

اعتذر عن التاخير وارحب بالاخ علي الغبيشي
واسمحولي ابدا بقافيه جديده

يامرحبا ياابن الغبيشي ميات.....واسم الغبيشي كلنا نعرفه

نبغا قوافي جيده محكمات......بعض القصايد كنها سالفه

[وصايف تهامية]

قافيه جديده يا سلاااااااام اظن الحين ما حد له دور اللي يوصل يرد

اولا عشت اخي السبيه على القافيه................ و الشاعر يستاهل

يامرحبا باهل العلوم الساميات.................اللي لهم باع و ذراع و معرفه

بعض القصايد كنها السم يات....................مع العسل احذر تراها متلفه


احترامي و سلامي

[الهمس]

حي الله السيه وين رحت شالت وصايف شيله على الهمس يارجل ولكن سادعها تمر
بس لازلت اعتب عليها
عتب الأخوه
دعني ارى مافي جعبتك اليوم
يا جماعه الكلام هذا للجميع بما فيكم انا

اي تكرار لحرف ذهب ستكون النتيجه ألأنهزام والخروج
اي كسر في القافيه خروج ايظا وانهزام
القافيه ما تتغير الا بعد ان تشيب وتجف القريحه وهنا المحك

وصايف وقعي
السبيه وقع
الغبيشي متى ما اراد المشاركه وجب عليه التوقيع
الهمس وقع (علم وجرى التوقيع)

خلوني اشوف السبيه وش عنده:

خذ ياغبيشى من قصصهم عظات=واسمع نصيحة واحدٍ عارفه
بروج طاحت من قمم عاليات=اساسها واصلابها تالفه

[علي السبيَه]

ياالهمس وينك فاتك الصيد فات......اقفا به اللي بندقه طارفه

يرمي ورمياته تجي صايبات .......مايرمي الا رمية(ن) قاصفه

(السبيه يوقع على شروط الهمس)

[الهمس]

الهمس ماله في هوى الهايمات=نفسي عزيزه ما اقبل الناصفه
بفعالنا نفخر وحنا ثقات=والشمس تتميز وهي كاسفه

[يوسف آل عمر]

بكل الحب
مداخلة ولا تعني الاستمرار

لو ما حصل في الشعر خذ ذي وهات ********* في منتداكم كانت احلى صفه
شعّار وامتازوا بأحلى الصفات ******** وقْلوبهم بالودّ متـْـآآلفه

[الاستاذ]

شاعر هاوي أغنيات .. عاشت حوارات المعرفة
واحنا اولاد الامهات .. وتحى الشعارات الزائفة


مجرد تجربة

[علي الغبيشي]

يالسبية يالسمي مشكور ماقصرت وعساك عالقوة ومنك نتعلم دوما
وللجميع مني التحية للهمس ووصايف ولكم الرد
اعتذر عن التاخير وارحب بالاخ علي السبيه
واسمحولي بالرد



ترحيبة أهل الطيب الوافيات =فاقت تهامة بالسيول الجارفه

شعري يجي بدرب العاديات =مؤمن وله مبدأ ونفس ٍ خايفه

[علي السبيَه]

الله يحيك تراحيب الغلا ياابن الغبشي
ومرحبا بكل من يشاركنا في هذه
الصفحه

الشعر له ياابن الغبيشي روات......قصّد على طرقي ولا تخلفه

شرواك ندعي له بطول الحياة......والمنطق اللي نرفضه نحذفه

[وصايف تهامية]

أهني اخي الشاعر السبيه على القافيه و البحر شي أكثر من رائع

أخي الهمس ما ادري ليش باقي لك عتب علي عموما هذا ماهو موضوعنا موضوعنا المحاوره و (جرى التوقيع)

أرحب بالشاعر المبدع (يوسف آل عمر ) و ارجو أن يستمر و يشاركنا غيره من الشعراء المميزين

و للشاعر الغبيشي ألف تحية و تقدير

و خلينا نغير مجرى القافيه من التراحيب لما بعد الترحيب و اليكم وصايف


وبل المطر ينزل و قبْـلَه سمات .............. تـنْـبيك يمَّــا النو أو عاصفه
و العمر فجأة ينتهي بالممات............. كم سدرة(ن)ماتت و هي واقفه

[الهمس]

اهلا وسهلا
بكم في البيتين ألأوله يا غبيشي تراك خارج طرق السبيه انتبه عزيزي حنا نمشي على اول قافيه
وهذا كرت اصفر
والسبيه من حقك ياخي هذي قافيتك والا بس ناشب في حلق الهمس
الغبيشيي ابصم هناك الله يخليك
تعالوا الثلاثه اسموا هذي

تجمع التهمان بعد الشتات=واشوف ايادي التهم متكاتفه
تطور العالم وهم في سبات=الحوكه والزوليه الناشفه

[وصايف تهامية]

أخي الهمس ألف مبروك على التكريم و تستاهل كل خير

الشي الثاني انتبه (((((((((((( ثورة التهمان ))))))))))))))

بعض الهروج تاخذ الرجال لهلاكه

و احتراما للادوار بخليها في نفسي لين يجي دوري و ابشرررررررررررر و انا اختك

بس رجاء الدور لا يتأخر الدور أكثر من كذا و الكلام لبقية الشعراء

احترامي و سلامي

[علي السبيَه]

( كم سدرة(ن)ماتت و هي واقفه)
مااجمل من هذا الشطر ياوصايف
صح لسانك ملاييييييييييييييييين

وصايف وابداع المعاني خوات........تطرّز ثوب الشعر وتكلّفه

تكتب قصايد راقيه غاليات ..........فيها المعاني الزود والهادفه

[وصايف تهامية]

أخي علي السبيه شكرا لك و هذا من طيبك جعلك فالك الطيب

اخي الهمس ( يقولون من دق باب الناس دقوا بابه و انت دايم تجيبها كبيره و تقول لا احد يزعل انا طلبت نتوقف عن التراحيب و قلت ندخل شوي حكمه و كتبت بيتيني السالفة لكن انت مصر تخليها هجاء و انا قولك جاك ما تمنى و انا لها أصالة عن نفسي و نيابة عن تهامة و اهلها


(تهـمان )في عيــن الضعاف العـداة.............حسرة لناس(ن)دون متـخـلِّـفه

و انت ايش مجدك يا سمي البنات؟........ ...من لا يطـولـك يشتِـمَك عجـرفه


مع احترامي للجميع لكن أحيان يجد الانسان نفسه مرغما لا بطلا

احترامي و سلامي
وصايف

[علي الغبيشي]

عساك عالقوة وصايف والسبيه مشكور ويالهمس كروتك خلها لك وأظن النعرات مالها داعي
وان بغيتها تهامية ترى ماشفت شي بس راح يكون طريقها مسدود ووصايف عطتك التحذير

تحياتي للجميع ولكن من السهل الشتم والاستنقاص لم يكن الزي يوما أو العادة نقصا في فعل ولم تكن
الشهامة والمروءة والرجولة والصدق لها دخل بالمظهر ( الحوكة ) ومظاهر الفقر التهامي الذي رمزت له
لم يغير من التهامي شيء وأتوقع أن الكلام الذي أوردته في مقام الذم كلام نعرات أكل الدهر عليه وشرب
وتمضمض واستنشق وأظن القبائل كلها خير تهامة والسراة ويظهر أخي الهمس أنك لم تحسن فيما كتبت

(((( أرجو من مشرفي المحاورة التدخل لمنع هذه المهاترة التي لاطائل من ورائها ))))


تحياتي للجميع واعذرني يالسبيه على إخلاف طرق العجز فالمريض لاحرج عليه ودعواتكم

[سحايب السراة]

أنا مع الاخ علي الغبيشي


المحاورة رائعهوعلي السبيه و وصايف و الهمس كانوا ماشين زين وش غير الحال


بس للأمانه كلكم شعار بس لله در التهامية لله در لسانها رغم اني من السراة لكن انتي من اول تعجبيني و الحين بيضتي الوجه



تقبلي و دي و ود محبات وصايف

[الهمس]

و انت ايش مجدك يا سمي البنات؟........ ...من لا يطـولـك يشتِـمَك عجـرفه
وصايف اقسم انك رائعه ومبدعه وبنت رجال
عجبني البيت مركز ورهيب وضربه خاطفه ونحن اتفقنا عدم الزعل وانتي طلبتي السخونه في المحاوره
ويا اخ علي من لا يقوى البحر لا يدخله
بعدين يا غبيشي خليت المحاوره صفحة تشات اي محادثه وانت شاعر والشاعر يضمن حديثه في ابياته ما يحتاج تعليق والشاعر يقراء القصد
والحوكه انت فاهمها خطاء تراها وسيلة ستر لا علامة فقر كما تفظلت
وتراك بتثير علينا التهمان وهم احبه واصدقاء وهذه محاوره لا تتعدى حدود المنتدى وارجو عدم فهمي خطاء

انا احترم التهمان كثيرا بس ياجماعه ثلاثه تهمان وش تبغوني اقول يعني ( اقول مزينكم لطشو فيني وانا اصفق لكم)

وصايف ودل عليها اسمها
الغبيشي معروف الغبيشي الكبير رحمة الله عليه دره ثمينه بقي موروثه رمزا وخلفه خلف اخرين
السبيه من مسماه وشاعريته يدل على تهاميته البحته
الهمس بقي ناعما كما وصفت المبدعه وصايف ووقفة احترام على مجاراتها بس ارجو من الجميع عدم المداخلات الغير لائقه
وهنا التهمان ليسوا كل التهمان انما التهمان اخصهم في شخص السبيه والغبيشي ووصايف هذا للتوضيح فقط
وشكل الجميع زعل وانتفض وتدحرج ما سار بيت كتبناه وصايف لديك الصلاحيه المطلقه في حذف اي بيت ترينه غير لائق من قلب صافي.
دعونا نكمل في صمت سمعت ياغبيشي خلك من النعرات اللي تقول عليها شايفني من واشنطن وانت من دلاس
ترى كلنا نشرب من نفس البئر بس هذه محاوره
وصفقوا معي لوصايف
وصايف السبيه اللي يزعل يقول
وعشان الورد نسقي العليق مثل همساوي قديم
بس وصايف انتي مبدعه والسبيه خلوق ومبدع ةانتم تستثيرون وانا اجاريكم فقط فارجو عدم الزعل فو الله ان لكم في نفسي ما لأحبتي من ألأخوه

وارحب بالسرويه وخذوا هذه عشان السرويه لا تقولون نعرات ولا طائفيه ولا حزبيه
واسمعوا :




[بعض النسا بالطبع مسترجلات=وبينهم ضحكات واملاطفه
مداعبات الحب قبل المبات=غير الهوى والعشق والعاطفه

[علي السبيَه]

يااخوان انتم اعطيتم الموضوع اكبر من حجمه وهي مجرد
محاوره بين الشعار والهمس مجهول واحنا رضينا باالمحاوره
معه فلازم نكمل المشوار على شان مايقول انسحبنا بعدين
وصايف ماقصرت عليه في هذا اليت(وانت ايش مجدك ياسمي البنات)
والهمس مازعل ولا علق مثل ماانتم علقتم ولا خليتم شي ماكتبتموه
والوم على الغبيشي في تعليقه
((((( أرجو من مشرفي المحاورة التدخل لمنع هذه المهاترة التي لاطائل من ورائها ))))
ياغبيشي وصايف هي المشرفه على الصفحه وانا ياابن الغبيشي
لو شفت ان المحاوره لا طائل منها حسب وصفك ماكان دخلت فيها من اول
ولا كان تركناها تستمر الموضوع وانا اخوك مجرد محاوره بين الشعار
والشاعر يرد على الشاعر بقصيده وانت سيد العارفين ياابن الغبيشي كنا ننتضر
منك المشاركه في المحاوره على شان نوقف الهمس عند حده باالقصايد ماهو
بسرد الكلام اللي لايودي ولا يجيب
وبعدين ياالهمس انا ماني تهامي انا سروي وكلنا اخوان ولا به فرق بينا
ياليت واحد من الشعار يبدا بقافيه جديده

[وصايف تهامية]

أخي الهمس حياك الله قلتلك ضربتك بيقابلها رشق رشاش من اختك التهامية حيييييل وصايف و الزعل قسم ماجا بخاطري لان مافي شي يزعل باني تهامية بالعكس فخري اني تهامية و قلتلك احذر ثورة التهمان لاني كنت عارفه ان وصايف بتجيب فيك العيد و جابته لله دره بعدي ياوصايف هههههههه و الله يشهد ان النفس مافيها زعل وحده بوحده وانتهينا و هي كذا المحاوره و باقي احنا فيها

اخي علي السبيه ........... مميز و حكمتك تسبق ردودك و ابشر بالقافية الجديدة مدام الهمس ما يقدر يجيب قوافي جديده مثلنا بحط القافية الجديده

الأخ الغبيشي حياك الله .................. لازلنا ننتظر دررك .............. و خلي الهمس امره هين و الدعوة ردود واحد ايل اللسقوط لا تشره عليه .

اختي سحايب.............ز اظن ان ردي قد وصلك وشكرا لاستجابتك و ان كان لديك ما تسالين عنه فليس هنا لكن سعدت بوجودك يا غلاي

بس اظن الهمس ما رحب فيك زين صح؟؟؟؟؟؟؟؟؟؟؟ ما عليك برضه هو توه فاق من صدمة ردي عليه و ترنح الترحيب في راسه و كتب هجاء هههههههههه

اليكم القافية الجديده:

عندي مشكلة و ابيكم تحلونها دون ان تحدث خساير في الارواح:


ويش السواة فـ جارة(ن)ترمي على الجار الحصا
و لسانها مر و سليط و من القزايز بيتها

و حمارها ازعجنا نهيق ما يسكت الا بالعصا
عرفت اربِّـي حمارها و الجاره ما ربيتها

احترامي و سلامي

[الهمس]

اولا صباح الورد يا اقمار طبعا الكل بما فيهم البيشي والسرويه
ثانيا مالك حق بالتغيير وهذي عيب في شاعرية الشاعر لما يتزنق على قول حبايبنا يخرج من القافيه والسبيه مساند متى ما سارت الزنقه قال غير يعني 70000 ضد واحد قبلنا وعلى الله اتكلنا ولا تزعلي
ثالثا انا من حقي ألأعتراض على قافيتك بحكم ان الدور في تغيير القافيه عندي ولا تنسي انا بدعتها اولا والعجز في الخوض في نفس القافيه ليس في بدع قافيه جديده
تغيير جميل طيب ياسبيه اتفرغ لك بس اخلص من وصايف العنيده
بدع الجديد ممكن اجيب لك أي بيت من أي قصيده وابداه مو مشكله
بس اشوفك انتي والسبيه متى ما نشفت القريحه غيرتم وهذي تحسب عليكم
وهذا تحلف سروي تهامي على الهمس انا متى ما حلي لي التغيير اغير وراح ارد مجامله لأني لم امل القافيه السابقه ولم اوافقكم الراي ابدا نعديها يالله كلوا عشانكم
اما السرويه فاعتقد رحبت فيك وفيها مقدما واهلا
والزعل ممنووووووووووووووووووووووووع اتفقنا سيدتي
وشروطنا قائمه والقافيه الجايه عندي متى ما اشوف القافيه شابت اجيبها
قهمتم والا المشعاب جاهز (دعابه)
وبالنسبه لبيتك انا اول من صفق لك وصقعتك بالقاضيه ماهو في شطر من بيت الا يالشطرين من البيتين
وتحاولون كلكم تسوون هيصه وتشجيع طيب واحد يمر يسلم على الهمس يالربع شو هيك حكي ما بيسير خيو سبيه
السبيه ونعم بكم سراه وتهم ما عليكم كلام

وانت على نافوخي
الشباب صقر الجنوب مشهور وينكم شوي تنقز علينا وصايف من الشاشه من الحماس مروا سلموا والا الهس مرعب لهذي الدرجه يا هوووووووو مروا
وصايف تراك صوب الهاويه انتبهي هههههههههههه شكلك تحفرين قبرك وانتي ما تدرين


تحزمي لي وارقصي والا العصا لمن عصا=تفننني في رقصة(ن) عشقتها وحبيتها

طبل لها خلك حنون خل الخفايا ترقصا =بيديك ياراعي الجنون في خافقي زفيتها

[علي الغبيشي]

الهمس ... إن كان قلبت المحاورة شات فانت قلبتها محاضرة علم نفس ويالسبيه لاتلوم وانت تعرف طريق الهجاء ونهايته لكن معكم على الطريق .... ولكم مني ماتشوفون إلا أبيات ولاتعليق بعد اليوم

يالهمس لا منك غويت اسهل كلامي لك اصا
بعض الفعال الناقصة عيبه ليامن جيتها

كنك مدافع في فريق أتعب خصومه واحتصا
تعب وجت ضربة جزا وجيت انا باشوتها

[علي السبيَه]

يزيد مدح الصقر مابين الطيور ماينقصا......شفت الطيور اشكال قدامي وانا سميتها

استنجدت قمرية الوادي وجاها ابوحصى.....وانا بغيت اصيدها وارميتها واخطيتها

[علي الغبيشي]

لاهنت يابن السبيه أنا أشهد انك كفو


ياابن السبيه لاعرفت البخل أو طبع القصا =عادت سهامك صايبه حظ الطيور بصيتها
قالت كفو من صابني مطلق وضيفه لو نصى =عينه تفادي من حمى يالله لا أعميتها

[وصايف تهامية]

أخي الهمس وش بك كل يوم بحال مرة تقول انا ما اغير قافية انتو غيروا و مرة تدافع عن حقك في تغيير القافيه ( ياخي ارسى لك على بر ) اما القافية الاولى باقي ما شابت بس احنا اتفقنا بعد سته الى عشرة ردود نغيرها و هذي طالت ............... عموما الدرب قدامك غير القافية و احنا معاك دون كلل حفظك الله

اخي السبيه عساك على القوة.................. الغبيشي لا جديد مبدع كعادتك................ و لا هان البقية


ياحسديني لضحكتي اضحك وانا بيَّ القصى............بي حرقة مخنوقة في ضحكتي خبيتها

بين اكتئابي و فرحتي جو(ن) حرام تنغِّــصا.............نار(ن) طفاها الله غصب تأثم اذا شبيتها

احترامي و سلامي

[علي الغبيشي]

صدقتي وصايف سيدة الإبداع واحنا على قدنا


شر البلايا لا ضَحك غادر ولوعوده عصى =يخطي واسامح والمصيبة علتي واخفيتها
( لاتحقرن صغيرة ً إن الجبال من الحصى ) =حفظتها من جدي احمد يوم ردد بيتها

[الهمس]

السلام عليكم وصبحتم بالخير وش السالفه وش ذا المناقز

الغبيشي وش فيك ياخوي تقول في سباق ألأوله قلنا اوكي بس تنقز بعد وصايف مره ثانيه حط لي علامة استفهام هنا

بعدين تعالوا ثلاثنكم هنا اولا بعدين نتفاهم بعد اجاباتكم

انا صحيح هاوي شعر مو ممارس او محترف مثلكم

بس لازم تعرفون انكم تتعاملون مع رجل بنقد الشعر حرف حرف ولا اقبل بالمفغص والمهتري اما نكون راقيين برقي الكلمه او نترك الشعر ونروح نخبص في قسم اخر

وهنا نحن نطور من الشعر مو نحط من قدره رفعكم الله واياي

يعني تجيب كلمه من الشام والثانيه من اليمن عشان تركب بيت ما يمشي الكلام هذا



نبداء بالغبيشي فسر لي تفسير منطقي كلماتك التاليه ومعناها



(طبع القصـا ) في ردك على السبيه معناه ايه ده



(ولوعوده عصـى) نفس الشيء وش تقصد عوده عصى فسرها معنويا



السبيه



ابو حصى هذا غلبت ابحث عنه لم اجد له تفسير هو علاًمه هو شيخ هو معًلم عندكم هات علمك





وصايف

واضحه ومتعلمه رغم عتب في نفسي عليها





الهمس مستعد لتفسير اي كلمه او معنى

وترى مو انا وحدي امثل الشعر الأمانه الأدبيه تحتم علينا جميعا عدم تمرير اي كلمه في غير موضعها



نشوف الهمس وش يقول:



سار الغبيشي ينتفض واما وصايف تنمصا=نار الغضى بقلوبكم شًبت وانا غليتها

قام السبيه ينتفض ساعه وساعه يرقصا=الضربه اللي موجعه في مقتله حطيتها

[علي الغبيشي]

أخوي المخبص الهمس ما انت فالح إلا في الهذرة وترى النقد لا تدعيه فأنت غير أهل له وكا عندنا كلمة من الشام ولا من اليمن
اقرا أبياتك الاخيرة وشوف تكرارك وركاكة المعنى إن بغيت النقد بس لا تزعل

أولا : قبل كلمة طبع القصا البخل وفي لهجتنا التهامية فلان قاصي أو قاصي شديد البخل
ثانياً : لوعوده ... جمع وعد عصى أي لم يفي بالوعود وأتمنى تدخل أقرب معهد لغة عربية لأنك شاطر في الأوردو ...

أما أبو الحصى معروف بس خله للسبيه يشرحه لك بدون زعل تراك متسرع صراحه ...

تحياتي لك وهذي الابيات تهجاهامن جديد

ياابن السبيه لاعرفت البخل أو طبع القصـا..........عادت سهامك صايبه حظ الطيـور بصيتهـا
قالت كفو من صابني مطلق وضيفه لو نصى.........عينه تفـادي مـن حمـى يالله لا أعميتهـا

شر البلايا لا ضَحك غادر ولوعوده عصـى...........يخطي واسامح والمصيبة علتـي واخفيتهـا
( لاتحقرن صغيرة ً إن الجبال من الحصى )..........حفظتها من جـدي احمـد يـوم ردد بيتهـا

[وصايف تهامية]

أولا (جمعة مباركة للجميع) و لا تنسون (الكهف + الاكثار من الصلاة على رسول الله صلى الله عليه و سلم) و دعواتكم الطيبه في الساعة الاخيره من نهار الجمعه
ثانيا:

أخي الهمس لا تعليق على ماتفضلت به ................... لكن رايت انك تكرر ان لك عتب علي و انا لا احب الجمل الغير مفيده كان عليك ان توضح عتبك لكي لا يبقى في النفوس شي لاننا اتفقنا من البدايه على الصفا و الاخوان مايزعلون من بعض و اذا عتابك على مضمون اي رد عليك بسيطه هذي وحده وانا قلتلك انا حتى في طلق الرصاص كريمه يعني رصاصه منك يقابلها قصف مني و ما هو انا بس انت ماقصرت و الاخوان بعد تجملوا و كفوا و وفوا و اذا عتابك على خطا في قافيه او وزن او تخطي دور برضه هذي تكلمنا فيها و لا ضير من توضيحها ......... اما اذا عتابك على شي اخر ارجو توضيحه ليس لشيء انا ابشرك نسبة الفضول عندي في الامور اللي ما تهم عاقل (0%)
بس عشان تكرار عتابك يمكن يثير فضول الجهال و يترك استفهامات نحن في غنى عنها
هذا ما اردت قوله و عساك سالم من كل شر

و ترونا يا جماعه قلبناها دردشة ماعد صارت محاوره من الحين اللي عنده حاجه غير الرد او التعليق البسيط يرسلها خاص اما انا كتبت الحين لان الكلام لابد وان يراه الجميع
واعذرني اخي الهمس و العذر لاخي السبيه انا لي تعليق خاص و لا تعتبرونه رد عشان ماتحسبونها علي تخطي دور اعتبروها فاصل بين الشوط ذا و القادم و القافيه الجديده يا اخوان الله يرضى عليكم ......... الهمس عجل لا اخذ دورك وانا اختك و الا انت يالغبيشي ابدأها لاني و السبيه ما قصرنا في بدء قوافي



اللي في بطنه لحمة(ن)نيه أكيد بتمغصا............................و الحمد لله ماسبق هالمعضله حسيتها

يامعاتب(ن)قلب(ن)غني عاف ويعيش بمخمصا.................ليش العتب مادام لي حدود ما تعديتها



احترامي و سلامي


(اللهم صلي و سلم على نبيك محمد عدد ما ذكره الذاكرون و غفل عنه الغافلون)

[علي السبيَه]

ايش هذا يااخوان احنا اتفقنا نتعامل مع بعض
من خلال القصايد ونترك الكلام اللي يهدم مايبني
وانا والله ني مااحب انقد غيري وبعدين يااخونا
الهمس المحترم الذي يحب اثارة الجدل انا اقصد
في كلمة (ابوحصى)نوع من انواع الطيور
وانا اوفقك في نقطه واحده وهي الدور لازم
نلتزم بالدور ونسوي ترتيب ماهو من سبق لبق
اسمحو لي اكتب هذه القصيده على نفس القافيه
وبعد اذن الغبيشي ووصايف اقول للهمس غير
على القافيه اللي تعجبك نبغا نشوف ايش نهاية
المطاف معك

علي الغبيشي راس قوم فيه المدايح تنحصا.....ووصايف من جزل المعاني الوافيه وفيتها

وانا رقيب الهمس يوم الغاليه ما ترخصا ......الى بغى يوقد ويولع جمرته طفيتها

[الهمس]

بسم الله الرحمن الرحيم



الظاهر عندكم معجم خاص في تهامه



أولا : قبل كلمة طبع القصا البخل وفي لهجتنا التهامية فلان قاصي أو قاصي شديد البخل ( قاصي عكسها داني يا غبيشيي وشتان بين المعنى هنا والمعنا هناك) القاصي تقول شدة الشيء وهذي لو سمع بها سيبويه اقام عليك الحد اجرام في حق اللغه هذا وش تقول انت الله يهديك ( دعابه)


ثانياً : لوعوده ... جمع وعد عصى أي لم يفي بالوعود وأتمنى تدخل أقرب معهد لغة عربية لأنك شاطر في الأوردو ... وهنا كررت يا غبيشي برضو بس ماعليش ربما غلطه او تغير الحرف لأني اخذت الكلمه في بيتي الأول العصا لمن عصا

غير انك ارتكبت خطاء ألأعاده مجددا بكلمة حصى يعني تحط محل ألألف ياء مقصوره (على مين)

ثانيا ابغاك تفسر لي معنى كلمة ركاكه الظاهر انك فعلا عندك معجم خاص فيك ولا تعرف معنى الفرق بين الركه والركوه بتشديد الكاف في الكلمتين




بعدين والله ان ما كنت اعلم ان التهمان يزعلون بسرعه كذا



ترى السالفه كلها مداعبات شعريه وانتم مره مشتطين وخصوصا علي تقول واجب رياضيات يا اخي ترى من جد انتم متحمسين كثير



وشكلك ما تعودت على المحاورات وسع صدرك ترى الهمس من يقفل الكمبيوتر ينسى حتى معرفه فلا تشتط واجد السالفه تسليه ماهي حرب رفاة



ياعلي



انت قاعد ترص كلمات عشان تبني بيت وانا أرفض



وتفسيرك للبيت ألأول مرفوض وما يترقع وانا شرحت لك وانا من اسلوبي انقد دون ان اجرح وانت عندك الحل والكلمة

وبعدين انت الله يهديك مره متحمس هد من روعك وهون عليك حفظك الله وبعدين صدقوني والكلام لكم جميع ترى الهمس المحاور هنا غير الهمس العادي ولو شفتوني راح تحبوني غصب فاهم يالغبيشي انت والسبيه وبعدين يا غبوش يالحبيب



ألأوردو لغه جميله وعندي عنها خلفيه لاباس بها وغيرها بعد كم لغه (من عرف لغة قوم امن مكرهم)



اسمعوا:

ما اقول الا تقبلوا تحياتي ووقفوا وقفة ابتسامه هنا كلنا دعونا نبتسم لنكمل



هههههههههههه














طبعا عشان ما تقولون الهمس عاجز



راح اقفل القافيه وابدأكم قافيه جديده حسب طلب السبيه

تغدي يمين تغدي شمال الحيره وين المنيصا=هاماتكم هديتها وبا الثرى غطيتها



جهز عدادك للرحيل واكتب على بيتك وصا= على يد الهمس انتهيت والكبريا هديتها

[الهمس]

الهمس
والهمس لما يبدع يخلي اللي ما يعرف يتغنى يسير مطرب والشاعر يتمايل طربا وراح تشوفونها
انتم
والغبيشي خل مناقز العرضه حقتكم هذي والتزم دورك تقول راكب دباب ههههههههه
وصايف على السبيه والغبيشي حفظكم الله جميعا نبداء من هنا وانتم ثلاثه وانا واحد وقابل وراضي على عيني وراسي بس كلمة الحق يجب ان تقال متى ماكان هناك ملاحظه ابدوها على اي منكم لا تجاملون بعض على حسابي واقبلوا النقد ترى اذا خرجتم ولم تستفيدوا شيئا هنا انسوا انكم تستفيدوا بعدها
وراح افتح صفحه مجاوره في نفس القسم ندون الملاحظه ونناقشها هناك وهنا فقط الأبيات اتفقنا
سيكون العنوان مناقشة المحاوره ودمتم
يالله تغنوا عاد:


تعالي يا وصايف هات راسك يالغبيشي هات=ابا سوي بكم قصه بطولتها تهاميه
ابا شرق وبا غرب وباسوي بكم دميات=وبتلاعب بها التهمان في الروحات والجيه

[علي السبيَه]

دعيت اللي يلبون الندى والصوت والدعوات......من اصحاب القدى واهل الندى واقلوبهم حيه

وانا مثل الصُدر راسي وله ف ارض التهم فيات......ومن كبره تخيّلها تهامه كلها فيّه

[علي الغبيشي]

أخي الهمس الرد في المناقشات جاك بالتوضيح وارجو من وصايف والسبيه المرور والتعليق

وصراحة أعجبتني القافيه مشكور يالهمس وتسلم يالسبيه أنا أشهد إنك أستاذ شعر

ألا يالهمس خبرني وخل اللعب والهوشات ...... تعال وفسر لعاشق حبيبن حب نشميه
عطاها قلبه الصافي أمانة وخصها بالذات ..... وظنت خافقه لعبه تكسر وانطفا ضيه

كنت أتمنى أكمل معكم المحاورة لكن نظرا لدخولي المستشفى خلال اليومين القادمين أتمنى منكم الدعاء
ولنا لقاءات قريبة أسعدتوني رغم قصر الفترة

أخوكم / علي الغبيشي

[علي السبيَه]

سلامات ياغبيشي ولا تشوف شر وننتضر
عودتك وتواصلك معنا في هذا المنتدى

[سحايب السراة]

أبدعتوا عساكم على القوة


الف الف الف سلامة عليك يا وصايفنا يا التهامية أجر و عافية يا قمر الجنوب كله


رسالة من وصايف ( أعتذر عن انقطاعي و لا تنسوني من دعواتكم )

الهمس السبيه ام رتيبه افتقدتكم يا اخواني)


تروا شاعرتنا وصايف بلغتني ادخل المنتدى بمعرفها او بمعرفي و اترك لكم الرساله ذي نظرا لظروف صحية المت بها الاسبوع الماضي و انا تاخرت بالارسال لكوني كنت مسافره فاعذروني


وصايف سامحيني على القصور

من قلب الباحه للقنفذة و تحديدا قلب وصايف الف دعوة طيبه يا رب يشفيك ويحميك من كل شر


واسمحيلي اختم بنفس طريقتك ,,,,,,,,, احترامي و سلامي


سحايب

[علي السبيَه]

نتمنا لها السلامه من كل شر وانشاءالله ترجع للمنتدى
وهي بكامل الصحه والعافيه هي والغبيشي اللي قدم
اعتذارها وقال انه بيدخل المستشفى ماادري وش صاب
التهمان مرضو في وقت واحد الضاهر انه من تأثير الهمس
عليهم ماتحملو حسبك الله ياالهمس امرضت التهمان

[علي الغبيشي]

ألف لا باس على وصايف والحمد لله أنا بخير طلعت من كم يوم وأنا معاكم الحين ليت من عنده الدور يرد
وسلامة الجميع

[علي الغبيشي]

وين الهمس ووين وصايف ووين السبيه ؟؟؟

[صقر الجنوب]

كما قال شاعرنا المتميز علي الغبيشي

وين الهمس ووين وصايف ووين السبيه ؟؟؟


كل عام وانتم بخير جميعا

[سايق الخير]

السلام عليكم ورحمة الله وبركاته وعليكم السلام ورحمة الله وبركاته بسم الله الرحمن الرحيم شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية . كيف حالك إن شاء الله دائما بخير ؟ ألف مبروك .. لقد سعدت بهذا الخبر

[علي السبيَه]

سلامات ياسايق الخير لدرجه هذه البرد اثر عليك

[الهمس]

ياسبيه
البرد اثرك عليك انت الظاهر
الأخ الي مؤثر عليه مو برد
شيء اعظم
الله يكافينا الشر
الظاهر مار على ملاهي واحتسى قهوه وركب لعبة الموت
ونزل على المنتدى على طول
الله يشفيه

[قلب واحساس]

الحقيقة تزغللت عيوني وانا أقرا
والله يعطيكم العافية
شعار كبار
بعض الملاحظات:
عندما يكون هناك محاورة بين طرفين أو أكثر يترك الكلام جانبا
ويكون الحضور للشعر فقظ؟؟؟؟؟؟؟؟
لأن كثرة الكلام والمداخلات تفسد المحاورة
قصائدكم رائعة؟؟
السبية جميل بجمال قامتك الشعرية التي لا غبار عليها؟؟
الهمس* رائع جدا ويعجبني فيك هدوءءءءءءءءءءءءك المميز وشاعر لاغبار عليه*
وصايف التهامية*إن تتهمي فتهامة وطني* أو تنجدي يكن الهوى نجد*
لم أكن اتوقع يوما ما أن أجد إمرأة حكيمة وشاعرة بقوة وجمال شعر ه>ه الوصايف*
بنت رجال واخت رجال*
اتمنى أن تتقبلوا مروري بسعة صدر

[علي السبيَه]

نتشرف بمرورك شاعركبير مثلك ياقلب واحساس
وشهادتك وسام وتاج على روسنا اشكرك من اعماق
قلبي على هذه المرور الرائع والكلام الطيب ياطيب

[نبع العراق]

السلام عليكم ورحمة الله وبركاته
الله زين الله هل الافواه بالمسك والطيب
وتمنيت ان يكون عندي قابلية الرد واتعلم النبطي وكون شعر مثلكم
روعة
موفق بإذن الله ... لك مني أجمل تحية .