ردعلى الهمس

[علي السبيَه]

هذا رد مني على رد الهمس في قصيدة وصايف
وللاثنين مني خالص التقدير والاحترام ولكل من
يمر على هذه الصفحه



ترى (ف) المنتدى مايصلح التنكيد والتذمير.....نريد المنتدى نحرص على دعمه وتطويره

تجوّل قد جهدك ما بتلقا لمنتدانا انضير .........تجده المركز الاول بلا شك(ن) ولا حيره

اشوف اهله من الروّاد ذا ريّس وهذا امير.......ويزحف مثل زحف الجيش الى سارت طوابيره

وكتّابه من اصحاب القلم والفكر وامشاهير....ولانحذو بحذو المنهج الكاذب و اساطيره

نجادل والمعاني الناقصه لا مالها تمرير......لسان الأعجمي مايفهم العربان تقريره

وحاشا مانقابل راعي المعروف باالتنكير....نرد الطاق له طاقين ونوفّي مقاديره

وموج البحر الى من هاج مايشبه لماي البير...على سطحه تمر الباخره با احماله الجيره

يغيب البدر من سد السحابه وانجوم اتغير......وانا لي عين ترقب لي وعندي حس وابصيره

وهي من باب لفت الانتباه وسمّها تحذير......وحنّا مانلوم الناسي الا بعد تذكيره

عسى ياصاحب العقل الرزين اتوافق التدبير...وسد اذنك عن ابليس الرجيم وعن مزاميره

[الهمس]

تعال با لحبيب الحقيقه ان الشهاده بامثالك مجروحه
ياخي انت تستثير المشاعر وتنثر القصيد كنثرك للزهور في طرقاتك اين مارحت او غدوت
جميل بجمال المعنى رائع بروعة الكلمه اصفق لك كثيرا لكن هيهات ان استطيع افيك حقك انت جميل عنيد
رائع هادئ تثير من يقراء وتجعله يفز شعورا ومشاعرا على اجحفت في حق نفسك كثيرا في سبيل الأبداع لكنك وصلت وتربعت

وجمال كلماتك لا تجعلني اقف مكتوف اليدين فانت اثرت حفيظة الهمس المسكين فتغنيت بقصيدتك وقصيدة وصائف التي اثارت واثارت كثيرا
فوقفت هنا اتغنى مرتين فقررت ان اتغنى باسلوب اخر على ايقاعات السبيه والحان وصائف فقلت كهاوي للشعر لست محترف وانما احاول المجاراه


تعال ابغاك في كلمه تعال اوقفك وانسير=تعال اصبر على هرجي وصبرك يمكن الخيره
تراك ابعدت في فكرك ويمكن خانك التفكير=ومن يخطي بيتحاسب ولو يلقي معاذيره
اشوفك سقت قيفانك وتطلب بالقلم تنصير=ترى سويت في نفسك سواة الخل بالشيره
تلقاك العنيد اللي ينفر صورتك تنفير=ويقسم لك ويحلف لك يخلي قصتك سيره
ترانا نعرف الملعب ونحسن لعبة التمرير=ابامرر على كيفي وباسويك تمريره
وباسوي لكم شفره تراني احسن التشفير=ومن غيري يفك الرمز الامن ضاع تشفيره
اذا تعرف ابو سفيان وتعرف قصته بالعير=بغزوة بدر ثاروا به فقد ربعه فقد عيره
وابو جهل الظلالي كان الا جوه اليهود ايجير=عدوا الله جاورهم الا يا شينها جيره
لكن النور جلجل به مع التهليل والتكبير=نزف دمه على ثوبه بتهليله وتكبيره
تنبه ياعلي واحذر تراني احسن التخدير=وشعرك باسكبه في كاس واسوي منه تخديره

[علي السبيَه]

عوافي ياالهمس واللي مثلك يستثير الشعر والمشاعر
وهذه على نفس القافيه ولك مني خالص التقدير

الى جيتك تصيف وتجتنب دربي بلا تبرير.......والى وقّفت لك ترجع وراك وتعكس السيره

وانا مايوم فكرت اني اكسر حاجز التحذير....ولا نخطي على اللي حالته تصعب على غيره

اسوق القاف بعد القاف واحروفي لها تنوير....واسويها قصيده واضحه ما تقبل الحيره

مجاره مايحاضيها الكذب والشتم والتزوير.....تجد بروازها صدق المعاني واحسن السيره

مادام ان القوافي بيننا ماتقبل التكرير ......... نجود بجودة المعنى ونتيسر بتيسيره

نداري بك من اوهامك ولا نرضا لك التعزير........تمهّل ودي اقل لك علوم السيره والديره

زمان العولمه جانا عساك بكل عام بخير... ....وحلّت لعنة الشيطان وصابتنا مناذيره

واذا توّهت ياابن الناس بين الورد والتصدير....وتاهت ريشة الفنان عن رسمه وتعبيره

فلا تغدي تحاضي شلة التصفيق والتصفير......طريق اهل الندامه وش تحصل من مشوايره

على ماقالو اهل الشام تقبرني بعد بكّير......عسى في كل تأخيره لنا ياصاحبي خيره

[*** الصهيبي ***]

ماشاء الله تبارك الله
اشوف الشباب ماعد تكيفهم المحاورات ايل ابو بيتين
عساكم على القوه
ونحن متابعين لهذه الملحمه
ودمتم بود
اخوكم
الصهيبي

[وصايف تهامية]

عسى ياصاحب العقل الرزين اتوافق التدبير...وسد اذنك عن ابليس الرجيم وعن مزاميره


هنا بيت القصيد و كانه يحتاج إلى سهم >>>>>>>>>>>>> و قو سان ( ) نكتب داخلهما (اياك اعني و اسمعني يا جاري )



أخي الهمس
أخي السبيه

صحت الالسن و لا فض فوكما

زين و الله كل يوم بنزل قصيده جديده عشان تكون الغواص اللي يخرج مافي داخل البحر ...... (مع العلم أن البحر في قاعه الدر و السم ...........)

أحترامي لكما و سلامي

[الهمس]

علي مره اخرى استثرتني ودوختني واصبحت فقط الالي
اسمع هذي بس
عشان بيتك الأخير



الا باسم الله الرحمن من هديه بدا التنوير=وصلوا عا الحبيب الي رسم دينه وتنويره
اشوف الرقص والزينه ولا عاد باقي الا الزير= على بيت(ن) كتبته له ياليته قد تقديره
ضمنت ابليس في بيتك وضمًنته مع التزمير= ومن قلة عقول الناس كل(ن) حط تزميره
انا ما هزني رمزه ولارقصه ولا التحوير=ولا بحر بعد قاله على سمه وتمريره
اباخذ ما البحر دره ومايه ينعدم وايصير=كما البستان بعد الزهر الا يازين تصحيره
ترى جارك سمع وابغاك تسًمع قوة التعبير=انا ما هتم لمثالك ومثلك خان تعبيره
اباسفرك من عالم رسمته بالغلا تسفير= رسمت احلام ليليه وورديه بتشعيره
رسمت الشمس لك صوره وخليت العيون اتثير=وخليت الوفا طبعك ولا خيلت تقصيره
ان سامحت لعيونك واخلي لله التدبير=يقال العبد با التفكير والخالق بتدبيره
ولك يابن السبيه هيك خيو سرت معنا غير= ابيك اتقول شو بدك تسوي هيك تغييره

[صقر الجنوب]

صحت أبدانكم يا المطاليق قصائد يعجز الانسان عن وصفها وجميعكم مدارس ونحن جميعا أيضا نتعلم منكم